ਭਾਰਤ ਨੂੰ ਅਰਬ ਸਾਗਰ ਵਿਚ ਮਿਲੇ ਤੇਲ, ਗੈਸ ਦੇ ਨਵੇਂ ਸ੍ਰੋਤ

ਨਵੀਂ ਦਿੱਲੀ, 1 ਜਨਵਰੀ : ਤੇਲ ਮੰਤਰੀ ਧਰਮਿੰਦਰ ਪ੍ਰਧਾਨ ਨੇ ਅੱਜ ਦਸਿਆ ਕਿ ਜਨਤਕ ਖੇਤਰ ਦੀ ਆਇਲ ਐਂਡ ਨੈਚੂਰਲ ਗੈਸ ਕਾਰਪੋਰੇਸ਼ਨ (ਓਐਨਜੀਸੀ) ਨੇ ਅਰਬ ਸਾਗਰ ਵਿਚ ਪੈਂਦੇ ਅਪਣੇ ਪ੍ਰਮੁੱਖ ਫ਼ੀਲਡ ਮੁੰਬਈ ਹਾਈ ਵਿਚ ਤੇਲ ਅਤੇ ਗੈਸ ਦੇ ਨਵੇਂ ਸ੍ਰੋਤਾਂ ਦੀ ਖੋਜ ਕੀਤੀ ਹੈ। ਇਸ ਨੂੰ ਵੱਡੀ ਪ੍ਰਾਪਤੀ ਦਸਿਆ ਜਾ ਰਿਹਾ ਹੈ। ਲੋਕ ਸਭਾ ਵਿਚ ਸਵਾਲਾਂ ਦੇ ਲਿਖਤੀ ਜਵਾਬ ਵਿਚ ਪ੍ਰਧਾਨ ਨੇ ਕਿਹਾ ਕਿ ਇਹ ਖੋਜ ਮੁੰਬਈ ਹਾਈ ਫ਼ੀਲਡ ਦੇ ਪੱਛਮ ਵਿਚ ਪੈਂਦੇ ਖੂਹ ਡਬਲਿਊ 24-3 ਵਿਚ ਕੀਤੀ ਗਈ ਹੈ।