ਨਵੀਂ ਦਿੱਲੀ, 4 ਜਨਵਰੀ: ਦਿੱਲੀ ਦੀ ਇਕ ਅਦਾਲਤ ਨੇ ਅੱਜ ਫੇਰਾ ਉਲੰਘਣਾ ਮਾਮਲੇ 'ਚ ਸੰਮਨ ਦੀ ਵਾਰ ਵਾਰ ਅਣਦੇਖੀ ਕਰਨ ਤੇ ਮੁਸ਼ਕਿਲਾਂ 'ਚ ਘਿਰੇ ਕਾਰੋਬਾਰੀ ਵਿਜੈ ਮਾਲਿਆ ਨੂੰ ਭਗੌੜਾ ਅਪਰਾਧੀ ਐਲਾਨ ਦਿਤਾ ਹੈ। ਮੁੱਖ ਮੈਟਰੋਪਾਲੀਟਨ ਮੈਜਿਸਟ੍ਰੇਟ ਦੀਪਕ ਸਹਿਰਾਵਤ ਨੇ ਇਹ ਹੁਕਮ ਜਾਰੀ ਕੀਤਾ। ਵਾਰ ਵਾਰ ਸੰਮਨ ਦੇ ਬਾਵਜੂਦ ਮਾਲਿਆ ਦੇ ਪੇਸ਼ ਹੋਣ 'ਚ ਅਸਫ਼ਲ ਰਹਿਣ ਤੇ ਅਦਾਲਤ ਨੇ ਇਹ ਹੁਕਮ ਦਿਤਾ। ਅਦਾਲਤ ਨੇ ਕਿਹਾ, ''ਵਿਜੈ ਮਾਲਿਆ ਇਸ ਅਦਾਲਤ ਦੇ ਸਾਹਮਣੇ 30 ਦਿਨਾਂ ਅੰਦਰ ਪੇਸ਼ ਨਹੀਂ ਹੋਏ ਅਤੇ ਉਨ੍ਹਾਂ ਵਲੋਂ ਕੋਈ ਬਿਨੈ ਵੀ ਨਹੀਂ ਦਿਤਾ ਗਿਆ। ਅਜਿਹੇ 'ਚ ਉਨ੍ਹਾਂ ਨੂੰ ਭਗੌੜਾ ਐਲਾਨ ਕੀਤਾ ਜਾਂਦਾ ਹੈ।''