ਨਵੀਂ ਦਿੱਲੀ, 4 ਨਵੰਬਰ: ਪ੍ਰਧਾਨ ਮੰਤਰੀ ਨੇ ਅੱਜ ਵਿਸ਼ਵਾਸ ਪ੍ਰਗਟ ਕੀਤਾ ਕਿ ਵਿਸ਼ਵ ਬੈਂਕ ਦੀ 'ਕਾਰੋਬਾਰ ਸੌਖ ਰੀਪੋਰਟ' ਵਿਚ ਅਗਲੇ ਸਾਲ ਜੀਐਸਟੀ 'ਤੇ ਵੀ ਗ਼ੌਰ ਕੀਤੇ ਜਾਣ ਮਗਰੋਂ ਭਾਰਤ ਦੀ ਰੈਂਕਿੰਗ ਹੋਰ ਬਿਹਤਰ ਹੋਵੇਗੀ। ਮੋਦੀ ਨੇ ਕਿਹਾ ਕਿ ਭਾਰਤ ਤਿੰਨ ਸਾਲਾਂ ਵਿਚ 42 ਅੰਕਾਂ ਦੀ ਛਾਲ ਮਾਰ ਕੇ ਇਸ ਰੀਪੋਰਟ ਵਿਚ ਉਪਰਲੇ 100 ਦੇਸ਼ਾਂ ਵਿਚ ਸ਼ਾਮਲ ਹੋ ਗਿਆ ਹੈ। ਇਸ ਰੀਪੋਰਟ ਵਿਚ ਦੇਸ਼ ਵਿਚ ਸਿਰਫ਼ ਬੀਤੀ ਮਈ ਦੇ ਅੰਤ ਤਕ ਦੇ ਸੁਧਾਰਾਂ ਦਾ ਨੋਟਿਸ ਲਿਆ ਗਿਆ ਹੈ ਜਦਕਿ ਭਾਰਤ ਨੇ ਇਕ ਜੁਲਾਈ 2017 ਨੂੰ ਜੀਐਸਟੀ ਲਾਗੂ ਕਰ ਦਿਤਾ ਸੀ। ਇਸ ਨੂੰ ਦੇਸ਼ ਵਿਚ ਆਾਜ਼ਾਦੀ ਮਗਰੋਂ ਸੱਭ ਤੋਂ ਵੱਡਾ ਕਰ ਸੁਧਾਰ ਦਸਿਆ ਜਾ ਰਿਹਾ ਹੈ।