ਦੱਖਣੀ ਅਫ਼ਰੀਕਾ ਦੇ ਇੱਕ ਬੋਰਡ ਵੱਲੋਂ ਕਲੀਨਿਕਲ ਮੈਟਲ ਟੌਕਸਿਕਲੋਜਿਸਟ ਕੈਰਿਨ ਸਮਿਥ ਨੇ ਪੰਜਾਬ ਦੇ ਫਰੀਦਕੋਟ ਸ਼ਹਿਰ ਦਾ ਦੌਰਾ ਕਰਦਿਆ, 149-153 ਦੇ ਕਰੀਬ ਲੋਕਾਂ ਦੇ ਪਿਸ਼ਾਬ ਦੇ ਨਮੂਨੇ ਲਏ। ਇਹਨਾਂ ਦੇ ਨਾਲ 2008/2009 ਦੇ ਜੰਮਪਲ ਬੱਚਿਆਂ ਦੇ ਵੀ ਸੈਂਪਲ ਲਏ ਗਏ, ਜਿਹਨਾਂ ਵਿੱਚ ਜਨਮ ਸਮੇਂ ਤੋਂ ਹੀ ਸਰੀਰਕ ਨੁਕਸ ਪਾਏ ਗਏ ਸਨ ਅਤੇ ਉਹ ਬੱਚੇ ਦਿਮਾਗੀ ਵਿਕਾਸ ਤੋਂ ਵੀ ਬਹੁਤ ਹੀਣੇ ਸਨ। ਫਿਰ ਇਨ੍ਹਾਂ ਨਮੂਨਿਆਂ ਨੂੰ ਮਾਈਕ੍ਰੋਟੈਸੇਸ ਮਿਨਰਲ ਲੈਬ ਜਰਮਨੀ ਵਿੱਚ ਭੇਜਿਆ ਗਿਆ ਸੀ....
ਗੁਰੂਆਂ ਪੀਰਾਂ ਦੀ ਧਰਤੀ ਪੰਜਾਬ ਕੋਲ ਅਜਿਹੇ ਬਹੁਤ ਸਾਰੇ ਮਸਲੇ ਹਨ ਜਿਹਨਾਂ ਦੀ ਚਿੰਤਾ ਫੌਰੀ ਤੌਰ 'ਤੇ ਹੋਣੀ ਚਾਹੀਦੀ ਹੈ। ਪਰ ਦੇਖਣ ਵਾਲੀ ਗੱਲ ਹੈ ਕਿ ਸਾਡਾ ਅਤੇ ਸਾਡੀ ਨੌਜਵਾਨੀ ਦਾ ਧਿਆਨ ਇਹਨਾਂ ਮਸਲਿਆਂ ਤੋਂ ਘੁਮਾ ਕੇ ਕਦੀ ਧਾਰਮਿਕ ਖਹਿ-ਬਾਜ਼ੀਆਂ ਅਤੇ ਸਿਆਸੀ ਖਿੱਚੋਤਾਣ 'ਤੇ ਕੇਂਦਰਿਤ ਕੀਤਾ ਜਾ ਰਿਹਾ ਹੈ। ਸਾਰੇ ਵਰਗਾਂ ਦੇ ਆਗੂ ਪੰਜਾਬ ਨੂੰ ਹਿੰਦੂ ਰਾਸ਼ਟਰ ਦਾ ਹਿੱਸਾ, ਆਪਣੀ ਪਾਰਟੀ ਅਤੇ ਪਰਿਵਾਰਾਂ ਲਈ ਪੱਕੇ ਤੌਰ 'ਤੇ ਰਾਜ ਕਰਨ ਵਾਲਾ ਸੂਬਾ ਅਤੇ ਖਾਲਿਸਤਾਨ ਤਾਂ ਬਣਾਉਣਾ ਚਾਹੁੰਦੇ ਹਨ ਪਰ ਪੰਜਾਬ ਅਤੇ ਇਸਦੇ ਵਸਨੀਕਾਂ ਨੂੰ ਸਿਹਤਯਾਬ ਨਹੀਂ ਬਣਾਉਣਾ ਚਾਹੁੰਦੇ।