ਨਵੀਂ ਦਿੱਲੀ: ਜੇ ਤੁਸੀਂ ਅਪਣੇ ਸਰੀਰ 'ਤੇ ਟੈਟੂ ਬਣਵਾ ਲਿਆ ਹੈ ਤਾਂ ਭਾਰਤੀ ਜਲ ਸੈਨਾ ਵਿਚ ਤੁਹਾਨੂੰ ਨੌਕਰੀ ਮਿਲਣ ਵਿਚ ਮੁਸ਼ਕਲ ਆ ਸਕਦੀ ਹੈ। ਦਿੱਲੀ ਹਾਈ ਕੋਰਟ ਨੇ ਜਲ ਸੈਨਾ ਦੇ ਉਸ ਫ਼ੈਸਲੇ ਨੂੰ ਕਾਇਮ ਰਖਿਆ ਹੈ ਜਿਸ ਵਿਚ ਏਅਰਮੈਨ ਦੇ ਅਹੁਦੇ 'ਤੇ ਨਿਯੁਕਤ ਸ਼ਖ਼ਸ ਦੀ ਨਿਯੁਕਤੀ ਇਸ ਲਈ ਰੱਦ ਕਰ ਦਿਤੀ ਗਈ ਕਿਉਂਕਿ ਉਸ ਨੇ ਅਪਣੀ ਬਾਂਹ 'ਤੇ ਅਜਿਹਾ ਟੈਟੂ ਬਣਵਾ ਲਿਆ ਸੀ ਜਿਸ ਨੂੰ ਕਦੇ ਮਿਟਾਇਆ ਨਹੀਂ ਜਾ ਸਕਦਾ। ਜਲ ਸੈਨਾ ਕੁੱਝ ਖ਼ਾਸ ਤਰ੍ਹਾਂ ਦੇ ਟੈਟੂ ਦੀ ਇਜਾਜ਼ਤ ਦਿੰਦੀ ਹੈ। ਉਹ ਆਦਿਵਾਸੀਆਂ ਨੂੰ ਉਨ੍ਹਾਂ ਦੇ ਰੀਤੀ-ਰਿਵਾਜਾਂ ਅਤੇ ਰਵਾਇਤਾਂ ਮੁਤਾਬਕ ਬਣਾਏ ਗਏ ਟੈਟੂ ਦੇ ਮਾਮਲਿਆਂ ਵਿਚ ਵੀ ਰਿਆਇਤ ਦਿੰਦੀ ਹੈ।