ਕੋਰੋਨਾ ਮਹਾਮਾਰੀ 'ਚ ਰੇਲਵੇ ਕਰਮਚਾਰੀ ਆਏ ਅੱਗੇ, ਤਿਆਰ ਕੀਤੇ 4000 ਆਈਸੋਲੇਸ਼ਨ ਕੋਚ

prepared 4000 isolation coaches

ਕੋਲਕਾਤਾ: ਕੋਰੋਨਾ ਵਾਇਰਸ ਪੂਰੇ ਦੇਸ਼ ਵਿਚ ਤਬਾਹੀ ਮਚਾ ਰਿਹਾ ਹੈ। ਹਰ ਰਾਜ ਵਿਚ ਕੋਰੋਨਾ ਸੰਕਰਮਿਤਾਂ ਦੀ ਗਿਣਤੀ ਵੱਧ ਰਹੀ ਹੈ। ਕਈ ਰਾਜਾਂ ਵਿਚ ਨਾਈਟ ਅਤੇ ਵੀਕੈਂਡ ਕਰਫਿਊ ਲਾਗੂ ਕੀਤਾ ਗਿਆ ਹੈ।

ਸਥਿਤੀ ਦੇ ਮੱਦੇਨਜ਼ਰ, ਪਿਛਲੇ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਭਾਰਤੀ ਰੇਲਵੇ ਨੇ ਰਾਜ ਸਰਕਾਰ ਦੀ ਸਹਾਇਤਾ ਲਈ ਕੋਵਿਡ ਕੇਅਰ ਕੋਚ (ਆਈਸੋਲੇਸ਼ਨ ਕੋਚ) ਤਿਆਰ ਕੀਤਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਰੇਲਵੇ ਕਰਮਚਾਰੀਆਂ ਨੇ ਇਨ੍ਹਾਂ ਕੋਚਾਂ ਨੂੰ ਤਿਆਰ ਕਰਨ ਲਈ ਕਾਫ਼ੀ ਕੋਸ਼ਿਸ਼ਾਂ ਕੀਤੀਆਂ।

ਭਾਰਤੀ ਰੇਲਵੇ ਨੇ ਰਾਜ ਸਰਕਾਰ ਦੀ ਸਹਾਇਤਾ ਲਈ 4002 ਕੋਵਿਡ ਕੇਅਰ ਕੋਚ ਤਿਆਰ ਕੀਤੇ ਹਨ। ਇਹ ਸਾਰੇ ਕੋਚ ਭਾਰਤੀ ਰੇਲਵੇ ਦੇ 16 ਜ਼ੋਨਾਂ ਦੇ ਨੇੜੇ ਉਪਲਬਧ ਹਨ। ਇਹ ਕੋਚ ਮੈਡੀਕਲ ਸਹੂਲਤਾਂ ਨਾਲ ਲੈਸ ਹਨ।

 

ਇਸ ਦੌਰਾਨ ਮਹਾਰਾਸ਼ਟਰ ਦੇ ਵੱਖ-ਵੱਖ ਸ਼ਹਿਰਾਂ ਵਿਚ ਕੰਮ ਕਰ ਰਹੇ ਪ੍ਰਵਾਸੀ ਮਜ਼ਦੂਰਾਂ ਨੇ ਘਰ ਪਰਤਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਵਾਰ, ਪ੍ਰਵਾਸੀ ਕਾਮੇ ਪਿਛਲੇ ਸਾਲ ਵਾਂਗ ਜੋਖਮ ਲੈਣ ਲਈ ਤਿਆਰ ਨਹੀਂ ਹਨ। ਉਹਨਾਂ ਦਾ ਕਹਿਣਾ ਹੈ ਕਿ ਮਹਾਰਾਸ਼ਟਰ ਵਿੱਚ ਸਥਿਤੀ ਵਿਗੜ ਰਹੀ ਹੈ।  ਇਸਤੋਂ ਪਹਿਲਾਂ ਪੂਰਨ ਤਾਲਾਬੰਦੀ ਹੋ ਜਾਵੇ ਸਾਨੂੰ ਘਰ ਪਰਤਣਾ ਚਾਹੀਦਾ ਹੈ।