ਕੋਈ ਸਮਾਂ ਸੀ ਜਦ ਪੱਤਰਕਾਰਾਂ ਨੂੰ ਲਭਣਾ ਪੈਂਦਾ ਸੀ : ਮੋਦੀ

Narendra Modi and Amit Shah

ਨਵੀਂ ਦਿੱਲੀ, 28 ਅਕਤੂਬਰ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀਵਾਲੀ ਮਿਲਣ ਸਮਾਗਮ ਤਹਿਤ ਅੱਜ ਪੱਤਰਕਾਰਾਂ ਨੂੰ ਮਿਲੇ। ਮੋਦੀ ਨੇ ਪੱਤਰਕਾਰਾਂ ਨੂੰ ਸੰਬੋਧਿਤ ਕਰਦਿਆਂ ਕਿਹਾ, 'ਅੱਜ ਕਾਗ਼ਜ਼-ਕਲਮ ਤੋਂ ਬਿਨਾਂ ਮਿਲ ਰਹੇ ਹਾਂ, ਪੁਰਾਣੀਆਂ ਯਾਦਾਂ ਤਾਜ਼ੀਆਂ ਹੋਈਆਂ। ਇਕ ਦੌਰ ਉਹ ਵੀ ਸੀ ਜਦ ਸਾਨੂੰ ਮੀਡੀਆ ਵਾਲਿਆਂ ਨੂੰ ਲੱਭਣਾ ਪੈਂਦਾ ਸੀ।' ਪੱਤਰਕਾਰਾਂ ਨੂੰ ਮਿਲਣ ਦਾ ਸਿਲਸਿਲਾ ਮੋਦੀ ਨੇ 2014 ਵਿਚ ਭਾਜਪਾ ਸਰਕਾਰ ਬਣਨ ਮਗਰੋਂ ਸ਼ੁਰੂ ਕੀਤਾ ਸੀ। ਮੋਦੀ ਨੇ ਕਿਹਾ, 'ਮੇਰਾ ਅਨੁਭਵ ਹੈ ਕਿ ਮੀਡੀਆ ਜਗਤ ਫ਼ਾਰਮਲ ਤੌਰ 'ਤੇ ਆਪੋ ਅਪਣੀ ਭੂਮਿਕਾ ਅਦਾ ਕਰਦਾ ਹੈ ਪਰ ਜਦ ਗ਼ੈਰ-ਰਸਮੀ ਤੌਰ 'ਤੇ ਬੈਠਦੇ ਹਾਂ ਤਾਂ ਸਾਰਿਆਂ ਦੇ ਦਿਲਾਂ ਵਿਚ ਦੇਸ਼ ਲਈ ਵੇਦਨਾ ਹੁੰਦੀ ਹੈ। ਕੁੱਝ ਕਰਨ ਦਾ ਇਰਾਦਾ ਹੁੰਦਾ ਹੈ। ਇਹ ਅਪਣਾਪਨ ਬਹੁਤ ਫ਼ਾਇਦੇਮੰਦ ਹੁੰਦਾ ਹੈ।'
ਮੋਦੀ ਨੇ ਕਿਹਾ ਕਿ ਪਹਿਲਾਂ ਬਹੁਤ ਘੱਟ ਪੱਤਰਕਾਰ ਹੁੰਦੇ ਸਨ। ਪੰਜ ਸੱਤ ਬੰਦਿਆਂ ਨਾਲ ਨੇੜਤਾ ਬਣਾ ਲਈ ਤਾਂ ਗੱਡੀ ਨਿਕਲ ਜਾਂਦੀ ਸੀ ਪਰ ਹੁਣ ਦਾਇਰਾ ਵਧ ਗਿਆ ਹੈ ਅਤੇ ਇਹ ਸਾਡੇ ਲਈ ਵੀ ਚੁਨੌਤੀ ਹੈ। ਮੋਦੀ ਨੇ ਕਿਹਾ, 'ਮੀਡੀਆ ਬਹੁਤ ਵੱਡਾ ਰੋਲ ਅਦਾ ਕਰ ਸਕਦਾ ਹੈ। ਇਹ ਗੱਲ ਮੈਂ ਪਿਛਲੇ ਦਿਨੀਂ ਵੇਖੀ।