ਕਾਹਦਾ ਮਜ਼ਦੂਰ ਦਿਵਸ : ਮਜ਼ਦੂਰਾਂ ਲਈ ਬਣਾਈ ਇਮਾਰਤ ਬਣੀ ਖੰਡਰ

ਮੋਰਿੰਡਾ,1 ਮਈ : (ਮੋਹਨ ਸਿੰਘ ਅਰੋੜਾ) ਮੋਰਿੰਡਾ ਦੇ ਸਰਕਾਰੀ ਹਸਪਤਾਲ ਨੇੜੇ ਲੇਬਰ ਚੌਂਕ ਵਿਖੇ ਲੇਬਰ ਲਈ ਬਣੀ ਨਵੀਂ ਇਮਾਰਤ 'ਤੇ ਉਸਾਰੀ ਮਿਸਤਰੀ ਮਜ਼ਦੂਰ ਯੂਨੀਅਨ ਵਲੋਂ ਅੱਜ ਇਕ ਮਈ ਲੇਬਰ ਦਿਨ ਮੌਕੇ ਮਿਸਤਰੀ ਅਤੇ ਮਜ਼ਦੂਰ ਭਾਈਚਾਰੇ ਵਲੋਂ ਝੰਡੇ ਦੀ ਰਸਮ ਅਦਾ ਕੀਤੀ ਗਈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਯੂਨੀਅਨ ਦੇ ਸੈਕਟਰੀ ਪ੍ਰਕਾਸ ਸਿੰਘ ਨੇ ਦਸਿਆ ਕੇ ਅੱਜ ਸਵੇਰੇ 8 ਵਜੇ ਯੂਨੀਅਨ ਦੀ ਨਵੀਂ ਇਮਾਰਤ 'ਤੇ ਉਸਾਰੀ ਮਿਸਤਰੀ ਅਤੇ ਮਜ਼ਦੂਰ ਯੂਨੀਅਨ ਦੇ ਪ੍ਰਧਾਨ ਪਿਆਰਾ ਸਿੰਘ ਵਲੋਂ ਝੰਡਾ ਚੜਾਉਣ ਦੀ ਰਸਮ ਅਦਾ ਕੀਤੀ ਗਈ।

ਇਸ ਮੌਕੇ ਯੂਨੀਅਨ ਦੇ ਪ੍ਰਧਾਨ ਪਿਆਰਾ ਸਿੰਘ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਨਵੀਂ ਬਣੀ ਇਮਾਰਤ ਦਾ ਅਧੁਰਾ ਪਿਆ ਕੰਮ ਕੀਤਾ ਜਾਵੇ ਜਿਵੇਂ ਦਰਵਾਜੇ ,ਤਾਕੀਆਂ, ਬਿਜਲੀ ਅਤੇ ਪਾਣੀ ਦਾ ਪ੍ਰਬੰਧ ਗਰਮੀ ਦੇ ਮੌਸਮ ਨੂੰ ਦੇਖਦੇ ਹੋਏ ਇਮਾਰਤ ਦੇ ਅਦੂਰੇ ਪਏ ਕੰਮ ਜਲਦੀ ਪੂਰੇ ਕੀਤੇ ਜਾਣ।

ਇਸ ਮੌਕੇ ਇਨ੍ਹਾਂ ਤੋਂ ਇਲਾਵਾ ਸੁਪਿੰਦਰ ਸਿੰਘ, ਮੱਗਾ ਸਿੰਘ, ਜਸਪਾਲ ਸਿੰਘ ,ਸੋਹਨ ਸਿੰਘ, ਅਵਤਾਰ ਸਿੰਘ, ਦਰਸਨ ਸਿੰਘ, ਰਾਜਿੰਦਰ ਸਿੰਘ, ਭਗਤ ਪ੍ਰਕਾਰ ਤੋਂ ਇਲਾਵਾ ਯੂਨੀਅਨ ਦੇ ਹੋਰ ਮੈਂਬਰ ਵੀ ਸ਼ਾਮਿਲ ਹੋਏ।