Captain Amrinder Singh

ਚੰਡੀਗੜ: ਪੰਜਾਬ  ਦੇ ਮੁੱਖ ਮੰਤਰੀ ਨੇ ਦੁਨੀਆਂ ਦੀ  ਸੱਭ ਤੋਂ ਵੱਡੀ ਨਸ਼ਾ ਵਿਰੋਧੀ ਮੁਹਿੰਮ ਦਾ ਆਗਾਜ ਕੀਤਾ ।  ਇਸ ਮੁਹਿੰਮ ਨੂੰ ਜੁਆਂਇੰਟ ਐਕਸ਼ਨ ਕਮੇਟੀ ਦੁਆਰਾ ਚੰਡੀਗੜ  ਦੇ ਸੈਕਟਰ 17 ਵਿਚ ਹੋਟਲ ਤਾਜ ਵਿਚ ਕੀਤਾ ਗਿਆ।  ਇਸ ਮੌਕੇ ਉੱਤੇ ਪੰਜਾਬ ਸੀਐਮ ਕੈਪਟਨ ਅਮਰਿੰਦਰ ਸਿੰਘ  ਨੇ ਇਸ ਮੁਹਿੰਮ ਦਾ ਸਵਾਗਤ ਕੀਤਾ ਅਤੇ ਕਿਹਾ ਕਿ ਅਸੀ ਨਸ਼ੇ ਦੀ ਬੁਰਾਈ ਨੂੰ ਜੜ ਤੋਂ ਉਖਾੜਨ ਲਈ ਵਚਨ-ਬੱਧ  ਹਾਂ।

  ਅਤੇ ਇਸ ਤਰਾਂ ਕਰਣ ਲਈ ਪੰਜਾਬ ਦੇ ਲੱਖਾਂ ਨੌਜਵਾਨ ਇੱਕ ਬਹੁਤ ਵੱਡੀ ਸ਼ਕਤੀ ਬਣ ਸਕਦੇ ਹਨ। ਜੇਕਰ ਉਨ੍ਹਾਂ ਦਾ ਠੀਕ ਦਿਸ਼ਾ ਵਿੱਚ ਪ੍ਰਯੋਗ ਕੀਤਾ ਜਾਵੇ।ਨਾਲ ਹੀ ਉਹਨਾਂ ਨੇ ਇਹ ਵੀ ਕਿਹਾ ਹੈ ਕੇ ਅਸੀਂ ਸੂਬੇ`ਚ ਨਸ਼ਾ ਖਤਮ ਕਰਨ ਲਈ ਕਈ ਨੀਤੀਆਂ ਆਪਣਾ ਰਹੇ ਹਾਂ। ਇਸ ਮੌਕੇ ਕੈਪਟਨ ਨੇ ਕਿਹਾ ਕਿ ਜੈਕ ਦੁਆਰਾ ਕੀਤੀਆਂ ਗਈਆਂ ਕੋਸ਼ਿਸ਼ਾਂ ਦੌਰਾਨ ਇਹ ਮੁਹਿੰਮ ਪੰਜਾਬ  ਦੇ ਹਰ ਇੱਕ ਨੌਜਵਾਨ ਤਕ ਪੁੱਜੇਗੀ

।ਨਾਲ ਹੀ ਕੈਪਟਨ  ਨੇ 13 ਐਸੋਸੀਏਸ਼ਨਾ  ਦੇ ਪ੍ਰਧਾਨਾਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਆਪਣੇ ਆਪਣੇ ਕੈਂਪਸ ਨੂੰ ਨਸ਼ਾ ਮੁਕਤ ਕਰਨ ਦੀ ਕੋਸ਼ਿਸ਼ ਕਰੋ।  ਤੁਹਾਨੂੰ ਦਸ ਦੇਈਏ ਕੇ ਮੀਟਿੰਗ `ਚ ਮੌਜੂਦ ਰਾਣਾ ਸੋਢੀ  ਨੇ ਕਿਹਾ ਕਿ ਪੰਜਾਬ ਵਿੱਚ ਖੇਡ ਵਿਭਾਗ ਵੀ ਇਸ ਦਿਸ਼ਾ ਵਿੱਚ ਕੰਮ ਕਰ ਰਿਹਾ ਹੈ ।  ਜਲਦੀ ਹੀ ਡਰਗਸ ਦਾ ਇਸਤੇਮਾਲ ਕਰਣ ਵਾਲੇ ਖਿਡਾਰੀਆਂ , ਕੋਚ ਲਈ ਨਵੀਂ ਨੀਤੀਆਂ ਅਪਨਾਈਆਂ  ਜਾਣਗੀਆਂ।

ਉਨ੍ਹਾਂ ਨੇ ਨੇ ਵੀ ਇਸ ਮੁਹਿੰਮ  ਦੇ ਤਹਿਤ ਜੈਕ  ਨੂੰ ਸਮਰਥਨ ਦੇਣ ਦਾ ਐਲਾਨ ਕੀਤਾ। ਉਨ੍ਹਾਂ ਨੇ ਸੂਬੇ ਦੇ ਚੇਅਰਮੈਨਾ ਨੂੰ ਕਾਲਜ  ਦੇ ਵਿਦਿਆਰਥੀਆਂ ਨੂੰ ਖੇਡ ਗਤੀਵਿਧੀਆਂ ਵਿੱਚ ਸ਼ਾਮਿਲ ਕਰਣ ਲਈ ਅਪੀਲ ਕੀਤੀ ,  ਤਾਂਕਿ ਉਨ੍ਹਾਂ ਦਾ ਦਿਮਾਗ ਸਾਕਾਰਾਤਮਕਤਾ ਨਾਲ ਭਰ ਸਕੇ । ਜਿਸ ਦੌਰਾਨ ਪੰਜਾਬ ਦੀ ਜਵਾਨੀ ਇਸ ਨਸ਼ੇ ਵਰਗੀ ਭੋਂਇੰਡੀ ਬਿਮਾਰੀ ਦਾ ਸ਼ਿਕਾਰ ਹੋਣ ਤੋਂ ਬਚ ਸਕੇ।

ਨਾਲ ਹੀ ਉਹਨਾਂ ਨੇ ਇਹ ਵੀ ਕਿਹਾ ਹੈ ਕੇ ਸੂਬਾ ਸਰਕਾਰ ਨਸ਼ੇ ਨੂੰ ਜੜ ਤੋਂ ਖ਼ਤਮ ਕਰਨ ਦੇ ਵਿਸੇਸ ਉਪਰਾਲੇ ਅਤੇ ਹੋਰ ਕਈ ਪ੍ਰਕਾਰ ਦੀਆਂ ਗਤੀਵਿਧੀਆਂ ਅਪਣਾ ਰਹੀ ਹੈ। ਅਤੇ ਪੰਜਾਬ ਦੀ ਜਵਾਨੀ ਨੂੰ ਇਸ ਬਿਮਾਰੀ ਤੋਂ ਬਚਾਉਣ ਲਈ ਆਪਣਾ ਪੂਰਾ ਯੋਗਦਾਨ ਪਾ ਰਹੀ ਹੈ। ਉਹਨਾਂ ਦਾ ਕਹਿਣਾ ਹੈ ਕੇ ਹੁਣ ਤੱਕ ਕਈ ਪੰਜਾਬ ਦੇ ਨੌਜਵਾਨ ਇਸ ਭੈੜੀ ਬਿਮਾਰੀ ਦਾ ਸ਼ਿਕਾਰ ਹੋ ਗਏ ਹਨ `ਤੇ ਉਹਨਾਂ ਆਪਣੀ ਜੀਵਨਲੀਲ੍ਹਾ ਸਮਾਪਤ ਕਰ ਲਈ ਹੈ।