ਪੰਜਾਬ ਦੀਆਂ ਮੰਡੀਆਂ ਵਿੱਚ ਪੰਜ ਸਾਲਾਂ ਵਿੱਚ ਸਭ ਤੋਂ ਘੱਟ ਹੋਈ ਕਪਾਹ ਦੀ ਆਮਦ

ਮੁਹਾਲੀ : ਅਕਤੂਬਰ ਵਿੱਚ ਕਪਾਹ ਦੀ ਖਰੀਦ ਸ਼ੁਰੂ ਹੋਣ ਤੋਂ ਦੋ ਮਹੀਨਿਆਂ ਬਾਅਦ, ਇਸ ਸੀਜ਼ਨ ਵਿੱਚ ਪੰਜਾਬ ਵਿੱਚ ਕਪਾਹ ਦੀ ਫਸਲ ਦੀ ਆਮਦ 2021 ਦੇ ਮੁਕਾਬਲੇ ਚਾਰ ਗੁਣਾ ਤੋਂ ਜ਼ਿਆਦਾ ਘਟੀ ਹੈ। 30 ਨਵੰਬਰ ਤੱਕ ਮੰਡੀ ਵਿੱਚ 9 ਲੱਖ ਕੁਇੰਟਲ ਤੋਂ ਵੱਧ ਦੀ ਆਮਦ ਹੋਈ ਸੀ।

ਪੰਜਾਬ ਮੰਡੀ ਬੋਰਡ ਦੇ ਅੰਕੜਿਆਂ ਦਾ ਵਿਸ਼ਲੇਸ਼ਣ ਦੱਸਦਾ ਹੈ ਕਿ ਮੁੱਖ ਸਾਉਣੀ ਦੀ ਫਸਲ ਦੀ ਆਮਦ ਪਿਛਲੇ ਪੰਜ ਸਾਲਾਂ ਵਿੱਚ ਸਭ ਤੋਂ ਘੱਟ ਰਹੀ ਹੈ, ਜਦੋਂ ਕਿ ਔਸਤ ਦਰ 2018 ਤੋਂ ਬਾਅਦ ਸਭ ਤੋਂ ਵੱਧ ਹੈ।

'ਚਿੱਟੇ ਸੋਨੇ' ਦੀ ਫਸਲ ਨੂੰ ਪੰਜਾਬ ਦੇ ਅਰਧ-ਸੁੱਕੇ ਖੇਤਰ ਲਈ ਆਰਥਿਕ ਜੀਵਨ ਰੇਖਾ ਮੰਨਿਆ ਜਾਂਦਾ ਹੈ। ਕਪਾਹ ਦੀ ਬਰਾਮਦ, ਸਪਿਨਿੰਗ, ਗਿਨਿੰਗ ਦਾ ਕਾਰੋਬਾਰ ਕਰਨ ਵਾਲੀ ਸੰਸਥਾ ਇੰਡੀਅਨ ਕਾਟਨ ਐਸੋਸੀਏਸ਼ਨ ਲਿਮਟਿਡ (ਆਈ.ਸੀ.ਏ.ਐੱਲ.) ਦਾ ਮੰਨਣਾ ਹੈ ਕਿ ਕਪਾਹ ਦੀ ਫਸਲ ਨੂੰ ਹੋਏ ਭਾਰੀ ਨੁਕਸਾਨ ਤੋਂ ਬਾਅਦ ਪੰਜਾਬ ਵਿੱਚ 29 ਲੱਖ ਕੁਇੰਟਲ ਉਤਪਾਦਨ ਦੇ ਮੁਕਾਬਲੇ 20 ਲੱਖ ਕੁਇੰਟਲ ਉਤਪਾਦਨ ਦੀ ਉਮੀਦ ਹੈ। 

ਉਦਯੋਗ ਨਿਗਰਾਨਾਂ ਦਾ ਕਹਿਣਾ ਹੈ ਕਿ ਕਿਸਾਨ ਕਪਾਹ ਦੇ ਘੱਟ ਉਤਪਾਦਨ ਲਈ ਵੱਧ ਰੇਟ ਮਿਲਣ ਦੀ ਉਮੀਦ ਵਿੱਚ ਫਸਲਾਂ ਨੂੰ  ਮੰਡੀਆਂ ਵਿਚ ਲਿਆਉਣ ਲਈ ਰੋਕ ਰਹੇ ਹਨ ਪਰ ਆਮਦ ਦੇ ਰੁਝਾਨ ਨੇ ਮਾਹਰਾਂ ਨੂੰ ਚਿੰਤਤ ਕੀਤਾ ਹੈ ਕਿਉਂਕਿ ਸਾਉਣੀ ਦੀ ਫਸਲ ਦਾ ਉਤਪਾਦਨ ਇਸ ਸਾਲ ਲਗਾਤਾਰ ਦੂਜੇ ਸੀਜ਼ਨ ਵਿੱਚ ਹੇਠਾਂ ਆਇਆ ਹੈ।