ਲੱਖਾ ਸਿਧਾਣਾ ਕਿਉਂ ਨਹੀਂ ਚੜ੍ਹ ਰਿਹਾ ਸਟੇਜ 'ਤੇ, 'ਪ੍ਰਧਾਨਮੰਤਰੀ' ਤੋਂ ਸੁਣੋ ਅਸਲ ਵਜ੍ਹਾ

Pardan Mantri Baje K

ਨਵੀਂ ਦਿੱਲੀ: (ਲੰਕੇਸ਼ ਤ੍ਰਿਖਾ)-ਖੇਤੀ ਕਾਨੂੰਨਾਂ ਵਿਰੁੱਧ ਕਿਸਾਨਾਂ ਵੱਲੋਂ ਦਿੱਲੀ ਵਿਚ ਅੰਦੋਲਨ ਜਾਰੀ ਹੈ। ਇਕੱਲੇ ਪੰਜਾਬ ਦੇ ਕਿਸਾਨ ਹੀ ਨਹੀਂ ਹਰਿਆਣਾ ਦੇ ਕਿਸਾਨ ਵੀ ਕੇਂਦਰ ਸਰਕਾਰ ਵਿਰੁੱਧ ਸੰਘਰਸ਼ ਕਰ ਰਹੇ ਹਨ।

ਇਸ ਬਾਰੇ ਸਪੋਕਸਮੈਨ ਦੇ ਪੱਤਰਕਾਰ ਲੰਕੇਸ਼ ਤ੍ਰਿਖਾ ਵੱਲੋਂ ਪ੍ਰਧਾਨਮੰਤਰੀ ਬਾਜੇ ਕੇ ਨਾਲ ਗੱਲਬਾਤ ਕੀਤੀ ਗਈ। ਪ੍ਰਧਾਨਮੰਤਰੀ ਬਾਜੇ ਕੇ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਹਨਾਂ ਨੂੰ ਕੋਈ ਵੀ ਪਰਵਾਹ ਨਹੀਂ ਹੈ ਕਿਉਂਕਿ ਜਦੋਂ ਦਾ ਸੰਘਰਸ਼ ਚੱਲ ਰਿਹਾ ਹੈ ਉਦੋਂ ਤੋਂ ਸਾਡੇ ਭਰਾਵਾਂ ਨੇ ਸ਼ਹੀਦੀਆਂ ਦਿੱਤੀਆਂ ਹਨ। ਅਸੀਂ ਦਿੱਲੀ ਤੋਂ ਡਰਦੇ ਨਹੀਂ ਅੱਗੇ ਵੀ 19 ਵਾਰੀ ਦਿੱਲੀ ਜਿੱਤੀ ਹੈ ਅਤੇ ਹੁਣ 20 ਵੀਂ ਵਾਰੀ ਦਿੱਲੀ ਜਿੱਤ ਕੇ ਜਾਵਾਂਗੇ।

ਇਤਿਹਾਸ ਬਣਾ ਕੇ ਜਾਵਾਂਗੇ। ਸਾਡੇ ਵੱਢ ਵਢੇਰਿਆਂ ਨੇ ਦਿੱਲੀ ਨੂੰ ਬਿੱਲੀ  ਬਣਾ ਕੇ ਰੱਖਿਆ ਅਸੀਂ ਵੀ ਦਿੱਲੀ ਨੂੰ ਬਿੱਲੀ ਬਣਾ ਕੇ ਰੱਖਾਂਗੇ। ਬਾਜੇ ਕੇ ਨੇ ਆਖਿਆ ਕਿ  ਸਾਡਾ ਸਾਰਿਆਂ ਨੇ ਸਾਥ ਦਿੱਤਾ ਹਰਿਆਣਾ ਵਾਲੇ ਸਾਥ ਦੇ ਰਹੇ ਹਨ। ਬੱਚੇ ਵੀ ਸਾਥ ਦੇ ਰਹੇ ਹਨ।ਇੱਥੋੇਂ ਤੱਕ ਕੇ ਦਿੱਲੀ ਦੇ ਬੱਚੇ ਵੀ ਸਾਥ ਦੇ ਰਹੇ ਹਨ।  ਉਹਨਾਂ ਨੇ ਸ਼ਕਤੀਮਾਨ ਦਾ ਰੋਲ ਨਿਭਾਉਣ ਵਾਲੇ ਮੁਕੇਸ਼ ਖੰਨਾ ਨੂੰ ਵੀ ਖਰੀਆਂ ਖਰੀਆਂ ਸੁਣਾਈਆਂ  ਤੇ  ਕਿਹਾ ਕੇ ਜੇ ਤੇਰੇ ਨਾਲ ਪੰਜਾਬ  ਦਾ ਪੇਚਾ ਪੈ ਗਿਆ ਤਾਂ ਅਸੀਂ ਬੰਬੇ ਆਵਾਂਗੇ ਤੇਰੇ ਸਿੰਙ  ਭੰਨ ਦੇਵਾਂਗੇ।

ਬਾਜੇ ਕੇ ਆਖਿਆ ਕਿ ਅਸੀਂ ਦੋਵੇਂ ਭਰਾ ਆਏ ਹਾਂ ਤੇ ਆਪਣੀ ਮਾਂ ਨੂੰ ਕਹਿ ਕੇ ਆਏ ਹਾਂ ਵੀ ਅਸੀਂ ਜਿੱਤ ਕੇ ਆਵਾਂਗੇ। ਅਸੀਂ ਕਿਸੇ ਕੋਲੋਂ ਡਰਦੇ ਨਹੀਂ ਨਾ ਹੀ ਸਾਡੇ ਖੂਨ ਵਿਚ ਡਰ ਹੈ ਅਸੀਂ ਇਹਨਾਂ ਦੀ ਤਸੱਲੀ ਕਰਾ ਕੇ ਛੱਡਾਂਗੇ। ਅਸੀਂ ਆਪਣੇ ਹੱਕ ਲੈਣ ਆਏ ਹਾਂ ਸਾਨੂੰ ਬੰਦਾ ਸਿੰਘ ਬਹਾਦੁਰ ਨੇ ਜਮੀਨਾਂ ਦੇ ਮਾਲਕ ਬਣਾਇਆ ਹਾਂ। ਬਾਜੇ ਕੇ  ਨੇ  ਲੱਖੇ ਸਿਧਾਣੇ ਨੂੰ ਪੰਜਾਬ ਦਾ ਸ਼ੇਰ ਦੱਸਿਆ ਹੈ ਅਤੇ ਕਿਹਾ ਕਿ ਲੱਖਾ ਪੰਜਾਬ ਦੇ ਕਿਸਾਨਾਂ ਲਈ ਕੁਰਬਾਨੀ ਵੀ ਦੇ ਦੇਵੇਗਾ। ਉਹਨਾਂ ਨੇ ਕਿਹਾ ਕਿ ਕਲਾਕਾਰਾਂ ਨੇ ਵੀ ਪੂਰਾ ਸਹਿਯੋਗ ਦਿੱਤਾ ਉਹਨਾਂ ਨੇ ਨੌਜਵਾਨਾਂ ਵਿਚ ਜੋਸ਼ ਭਰਿਆ। ਕਲਾਕਾਰ ਕਿਸਾਨ ਦੇ ਪੁੱਤ ਬਣ ਕੇ ਅੱਗੇ ਆਏ।