ਮਦਦਗਾਰ NGO ਨੇ ਲੋੜਵੰਦ ਮਰੀਜ਼ਾਂ ਦਾ ਇਲਾਜ ਕਰਵਾ ਕੇ ਬਚਾਈਆਂ ਕੀਮਤੀ ਜਾਨਾਂ
ਕਿਹਾ- ਮਰੀਜ਼ਾਂ ਦੀ ਮਦਦ ਕਰਨਾ ਹੀ ਮਨੁੱਖਤਾ ਦੀ ਸੱਚੀ ਸੇਵਾ ਹੈ
ਨੌਜਵਾਨ ਦਾ ਕਰਵਾਇਆ ਮੁਫ਼ਤ ਕਿਡਨੀ ਟਰਾਂਸਪਲਾਂਟ
ਲੁਧਿਆਣਾ (ਸੋਨੂੰ) : ਮਦਦਗਾਰ ਐਨ.ਜੀ.ਓ. ਲੋੜਵੰਦ ਮਰੀਜ਼ਾਂ ਲਈ ਦੂਤ ਸਾਬਤ ਹੋ ਰਿਹਾ ਹੈ। ਅਜਿਹੀ ਮਿਸਾਲ ਉਸ ਸਮੇਂ ਦੇਖਣ ਨੂੰ ਮਿਲੀ ਜਦੋਂ NGO ਨੇ 23 ਸਾਲਾ ਨੌਜਵਾਨ ਦੀ ਕਿਡਨੀ ਟਰਾਂਸਪਲਾਂਟ ਕਰਵਾਉਣ ਦਾ ਫੈਸਲਾ ਕਰ ਕੇ ਚੈਰਿਟੀ ਦੇ ਖੇਤਰ ਵਿੱਚ ਵੱਡਾ ਕਦਮ ਚੁੱਕਿਆ। ਐਨ.ਜੀ.ਓ. ਕੇ ਦੇ ਦੀਪਕ ਗਰਗ ਨੇ ਵਿਸ਼ੇਸ਼ ਮੁਲਾਕਾਤ ਦੌਰਾਨ ਦੱਸਿਆ ਕਿ ਜਿਸ ਔਰਤ ਦਾ ਲੜਕਾ ਰਵੀ ਪਾਠਕ ਗੁਰਦਿਆਂ ਦੀ ਬਿਮਾਰੀ ਤੋਂ ਪੀੜਤ ਹੈ, ਉਹ ਔਰਤ ਸੜਕ 'ਤੇ ਬੂਟੇ ਲਗਾਉਂਦੀ ਸੀ |
ਐਨ.ਜੀ.ਓ. ਨੇ ਇਸ ਨੌਜਵਾਨ ਦਾ ਕਿਡਨੀ ਟਰਾਂਸਪਲਾਂਟ ਡੀ.ਐਮ.ਸੀ. ਵਿੱਚ ਮੁਫ਼ਤ ਕਰਵਾਇਆ ਹੈ। ਨੌਜਵਾਨ ਨੂੰ ਉਸ ਦੀ ਮਾਂ ਵੱਲੋਂ ਗੁਰਦਾ ਦਾਨ ਕੀਤਾ ਗਿਆ। ਦੀਪਕ ਗਰਗ ਨੇ ਦੱਸਿਆ ਕਿ ਇਸ ਨੇਕ ਕਾਰਜ ਵਿੱਚ ਸਮਾਜ ਸੇਵੀ ਅਸ਼ੋਕ ਮਿੱਤਲ ਵੱਲੋਂ ਐਨ.ਜੀ.ਓ ਨੂੰ 5 ਲੱਖ ਦਾ ਚੈੱਕ ਦਿੱਤਾ ਗਿਆ ਹੈ।
ਦੀਪਕ ਗਰਗ ਨੇ ਦੱਸਿਆ ਕਿ ਐਨ.ਜੀ.ਓ. ਸਮੂਹ ਮੈਂਬਰਾਂ ਅਤੇ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਇੱਕ ਮਰੀਜ਼ ਦਾ ਕਿਡਨੀ ਟਰਾਂਸਪਲਾਂਟ ਦਾ ਕੇਸ ਵੀ ਹੋ ਚੁੱਕਾ ਹੈ। ਇਸ ਮੌਕੇ ਅਸ਼ੋਕ ਮਿੱਤਲ ਨੇ ਕਿਹਾ ਕਿ ਮਰੀਜ਼ਾਂ ਦੀ ਮਦਦ ਕਰਨਾ ਹੀ ਮਨੁੱਖਤਾ ਦੀ ਸੱਚੀ ਸੇਵਾ ਹੈ, ਐਨ.ਜੀ.ਓ. ਉਹ ਲੋੜਵੰਦ ਮਰੀਜ਼ਾਂ ਦਾ ਇਲਾਜ ਕਰਵਾ ਕੇ ਕਈ ਕੀਮਤੀ ਜਾਨਾਂ ਬਚਾ ਰਹੀ ਹੈ।