In 1987, one kg of wheat was available for just a few bucks, IFS officer shares years-old bill

 

ਨਵੀਂ ਦਿੱਲੀ - ਮਹਿੰਗਾਈ ਕਾਰਨ ਕਣਕ ਦੀ ਕੀਮਤ ਅਸਮਾਨ ਨੂੰ ਛੂਹ ਗਈ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ 35 ਸਾਲ ਪਹਿਲਾਂ ਕਣਕ ਦੀ ਕੀਮਤ ਕਿੰਨੀ ਸੀ। ਤੁਸੀਂ ਸ਼ਾਇਦ ਨਹੀਂ ਜਾਣਦੇ ਹੋਵੋਗੇ ਪਰ ਤੁਹਾਨੂੰ ਦੱਸ ਦਈਏ ਕਿ ਉਦੋਂ ਤੇ ਹੁਣ ਦੀ ਕੀਮਤ ਵਿਚ ਜ਼ਮੀਨ ਅਤੇ ਅਸਮਾਨ ਦਾ ਫਰਕ ਹੈ। ਉਦੋਂ ਜਿੱਥੇ ਪਹਿਲਾਂ ਇੱਕ ਕਿਲੋ ਕਣਕ ਕੁਝ ਪੈਸੇ ਵਿਚ ਮਿਲਦੀ ਸੀ, ਹੁਣ ਸਾਨੂੰ ਇਸ ਲਈ 13 ਗੁਣਾ ਜ਼ਿਆਦਾ ਦੇਣੇ ਪੈ ਰਹੇ ਹਨ। ਆਓ ਜਾਣਦੇ ਹਾਂ ਸਹੀ ਕੀਮਤ ਕੀ ਸੀ। 

ਅਸਲ 'ਚ ਭਾਰਤੀ ਜੰਗਲਾਤ ਸੇਵਾ ਅਧਿਕਾਰੀ ਪਰਵੀਨ ਕਾਸਵਾਨ ਨੇ ਟਵਿੱਟਰ 'ਤੇ ਸਾਲ 1987 ਦੇ ਬਿੱਲ ਦੀ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਵਿਚ ਇੱਕ ਕਿਲੋ ਕਣਕ ਦੀ ਕੀਮਤ 1.6 ਰੁਪਏ ਲਿਖੀ ਗਈ ਹੈ। ਇਹ ਟਵੀਟ ਪੋਸਟ ਕਰਦੇ ਹੀ ਵਾਇਰਲ ਹੋ ਗਿਆ। ਦੱਸ ਦਈਏ ਕਿ ਪਰਵੀਨ ਕਸਵਾਨ ਨੇ ਆਪਣੇ ਦਾਦਾ ਜੀ ਦਾ ਪੁਰਾਣਾ 1987 ਦਾ ਫਾਰਮ ਸਾਂਝਾ ਕੀਤਾ ਸੀ, ਜੋ ਕਿ ਭਾਰਤੀ ਖੁਰਾਕ ਨਿਗਮ ਨੂੰ ਵੇਚੇ ਗਏ ਉਤਪਾਦਾਂ ਦਾ ਬਿੱਲ ਹੈ।

ਫਾਰਮ ਅਨਾਜ ਮੰਡੀ ਵਿੱਚ ਕਿਸਾਨ ਦੀ ਖੇਤੀ ਉਪਜ ਦੀ ਵਿਕਰੀ ਰਸੀਦ ਹੈ। ਇਸ ਤੋਂ ਪਹਿਲਾਂ ਜਦੋਂ ਵੀ ਲੋਕ ਆਪਣੀ ਉਪਜ ਵੇਚਣ ਲਈ ਮੰਡੀ ਜਾਂਦੇ ਸਨ ਤਾਂ ਉਨ੍ਹਾਂ ਨੂੰ ਇਸੇ ਤਰ੍ਹਾਂ ਦੀਆਂ ਰਸੀਦਾਂ ਦਿੱਤੀਆਂ ਜਾਂਦੀਆਂ ਸਨ। ਇਸ ਨੂੰ ਉਦੋਂ ਪੱਕੀ ਰਸੀਦ ਵੀ ਕਿਹਾ ਜਾਂਦਾ ਸੀ। ਆਈਐਫਐਸ ਅਧਿਕਾਰੀ ਨੇ ਇੱਕ ਟਵੀਟ ਦੇ ਜਵਾਬ ਵਿੱਚ ਲਿਖਿਆ, ਜਦੋਂ ਕਣਕ ਦੀ ਕੀਮਤ 1.6 ਰੁਪਏ ਪ੍ਰਤੀ ਕਿਲੋ ਸੀ। ਮੇਰੇ ਦਾਦਾ ਜੀ ਨੇ ਇਹ ਕਣਕ 1987 ਵਿਚ ਭਾਰਤੀ ਖੁਰਾਕ ਨਿਗਮ ਨੂੰ ਵੇਚੀ ਸੀ। ਉਹਨਾਂ ਨੇ ਇਹ ਵੀ ਦੱਸਿਆ ਕਿ ਉਸ ਦੇ ਦਾਦਾ ਜੀ ਨੂੰ ਸਾਰਾ ਰਿਕਾਰਡ ਰੱਖਣ ਦੀ ਆਦਤ ਹੈ। ਇਸ ਕਾਰਨ ਇਹ ਅਜੇ ਵੀ ਸਾਡੇ ਕੋਲ ਸੁਰੱਖਿਅਤ ਹੈ। ਉਸ ਦੇ ਆਰਕਾਈਵ ਵਿਚ ਪਿਛਲੇ 40 ਸਾਲਾਂ ਵਿਚ ਵੇਚੀਆਂ ਗਈਆਂ ਫਸਲਾਂ ਦੇ ਸਾਰੇ ਦਸਤਾਵੇਜ਼ ਹਨ। ਕੋਈ ਵੀ ਘਰ ਬੈਠ ਕੇ ਅਧਿਐਨ ਕਰ ਸਕਦਾ ਹੈ।