Tarn Taran News : ਤਰਨ ਤਾਰਨ ’ਚ ਮਾਮੂਲੀ ਜਿਹੇ ਝਗੜੇ ’ਚ ਸਾਲੇ ਵਲੋਂ ਜੀਜੇ ਦਾ ਕਤਲ 

ਮ੍ਰਿਤਕ ਸਦੀਕ ਦੀਨ (45 ਸਾਲ)

Tarn Taran News in Punjabi: ਜ਼ਿਲ੍ਹਾ ਤਰਨ ਤਾਰਨ ਦੇ ਅਧੀਨ ਆਉਂਦੇ ਇਤਿਹਾਸਕ ਕਸਬਾ ਗੋਇੰਦਵਾਲ ਸਾਹਿਬ ਦੇ ਪੁਲਿਸ ਠਾਣੇ ਕੋਲ ਮਿਆਣੀ ’ਚ ਬੀਤੇ ਰਾਤ ਗੁੱਜਰ ਭਾਈਚਾਰੇ ’ਚ ਹੋਈ ਮਾਮੂਲੀ ਜਿਹੀ ਗੱਲ ਨੂੰ ਲੈ ਕੇ ਕਿ ਗੁੱਜਰ ਵੱਲੋਂ ਗੁੱਜਰ ਦਾ ਇੱਟ ਮਾਰ ਕੇ ਕਤਲ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। 

ਪੱਤਰਕਾਰਾਂ ਨਾਲ ਗੱਲ ਬਾਤ ਕਰਦੇ ਹੋਏ ਮ੍ਰਿਤਕ ਗੁੱਜਰ ਦੇ ਪਰਿਵਾਰ ਮੈਬਰਾਂ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਸਦੀਕ ਦੀਨ ਉਮਰ ਤਕਰੀਬਨ 45 ਸਾਲ ਜਿਸ ਦੀ ਆਪਣੀ ਘਰਵਾਲੀ ਨਾਲ ਕੋਈ ਮਾਮੂਲੀ ਜਿਹੀ ਗੱਲ ਦਾ ਝਗੜਾ ਹੋਇਆ ਸੀ ਤਾਂ ਜਿਸ ਤੋਂ ਬਾਅਦ ਮ੍ਰਿਤਕ ਗੁੱਜਰ ਦੇ ਸਾਲੇ ਆਪਣੀ ਭੈਣ ਦੀ ਬੇਇਜ਼ਤੀ ਨਾ ਸਹਾਰ ਸਕਿਆ ਅਤੇ ਗੁੱਸੇ ’ਚ ਆ ਆਪਣੇ ਹੀ ਗੁੱਜਰ ਜੀਜੇ ਦਾ ਇੱਟਾਂ ਮਾਰ ਕੇ ਕਤਲ ਕਰ ਦਿੱਤਾ।