ਪਤੀ ਦੀ ਮੌਤ ਦੇ ਸਦਮੇ 'ਚ ਪਤਨੀ ਦੀ ਵੀ ਹੋਈ ਮੌਤ, ਅਨਾਥ ਹੋਏ ਚਾਰ ਬੱਚੇ 

Woman dies of shock after hubby’s death, kids have nowhere to go

ਤਰਨ ਤਾਰਨ: ਤਰਨਤਾਰਨ ਦੇ ਗੋਕਾਪੁਰਾ ਇਲਾਕੇ ਵਿਚ 5 ਤੋਂ 13 ਸਾਲ ਦੀ ਉਮਰ ਦੇ ਚਾਰ ਭੈਣ-ਭਰਾ ਯਤੀਮ ਹੋ ਗਏ ਕਿਉਂਕਿ ਉਨ੍ਹਾਂ ਦੇ ਪਿਤਾ ਸੁਖਦੇਵ ਸਿੰਘ ਦੀ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਮੌਤ ਹੋ ਗਈ ਅਤੇ ਪਤੀ ਦੀ ਮੌਤ ਦੀ ਖਬਰ ਸੁਣ ਕੇ ਪਤਨੀ ਜੋਤੀ ਦੀ ਵੀ ਸਦਮੇ ਨਾਲ ਮੌਤ ਹੋ ਗਈ। ਇਕ ਰਿਕਸ਼ਾ ਚਾਲਕ ਵਜੋਂ ਕੰਮ ਕਰਨ ਵਾਲੇ ਸੁਖਦੇਵ ਸਿੰਘ (35) ਅਤੇ ਉਸ ਦੀ ਪਤਨੀ ਜੋਤੀ (32) ਦਾ ਅੰਤਿਮ ਸਸਕਾਰ ਉਸੇ ਦਿਨ ਕਰ ਦਿੱਤਾ ਗਿਆ।

ਸੁਖਦੇਵ ਸਿੰਘ ਦੇ ਚਾਰ ਬੱਚੇ ਸਨ- ਕਰਨਬੀਰ ਸਿੰਘ (13),  ਗੁਰਪ੍ਰੀਤ ਸਿੰਘ (11), ਅਰਸ਼ਪ੍ਰੀਤ ਸਿੰਘ (9), ਕਲਾਸ 3 ਦਾ ਵਿਦਿਆਰਥੀ ਅਤੇ ਸੰਦੀਪ ਸਿੰਘ (5)। ਸੁਖਦੇਵ ਦਾ ਪਰਿਵਾਰ ਕਿਰਾਏ ਦੇ ਮਕਾਨ ਵਿਚ ਰਹਿੰਦਾ ਸੀ ਪਰ ਹੁਣ ਸੁਖਦੇਵ ਸਿੰਘ ਦੇ ਬੱਚੇ ਆਪਣੇ ਚਾਚੇ ਸਰਵਣ ਸਿੰਘ (ਸੁਖਦੇਵ ਦੇ ਭਰਾ) ਦੇ ਨਾਲ ਰਹਿ ਰਹੇ ਹਨ ਜੋ ਆਪਣੀ ਪਤਨੀ ਅਤੇ ਚਾਰ ਬੱਚਿਆਂ ਨਾਲ ਕਿਰਾਏ ਦੇ ਕਮਰੇ ਵਿਚ ਰਹਿੰਦਾ ਹੈ। ਸਰਵਣ ਨੇ ਕਿਹਾ, “ਸ਼ੁੱਕਰਵਾਰ ਦੀ ਰਾਤ ਨੂੰ ਮੇਰੇ ਭਰਾ ਨੇ ਜ਼ਹਿਰੀਲੀ ਸ਼ਰਾਬ ਪੀਤੀ ਜੋ ਉਸਨੇ ਪੰਡੂਰ ਗੋਲੀ ਪਿੰਡ ਤੋਂ ਖਰੀਦੀ ਸੀ ਜਿਸ ਤੋਂ ਬਾਅਦ ਸੱਤ ਮੌਤਾਂ ਦੀ ਖਬਰ ਮਿਲੀ ਹੈ।

ਫਿਰ ਉਹ ਘਰ ਆਇਆ ਅਤੇ ਸੌਂ ਗਿਆ। ਅੱਧੀ ਰਾਤ ਨੂੰ ਸੁਖਦੇਵ ਜਾਗਿਆ ਅਤੇ ਉਸਦੇ ਪੇਟ ਵਿੱਚ ਦਰਦ ਹੋਇਆ। ਉਸਨੇ ਆਪਣੀ ਪਤਨੀ ਅਤੇ ਬੱਚਿਆਂ ਨੂੰ ਦਰਦ ਤੋਂ ਰਾਹਤ ਪਾਉਣ ਲਈ ਦਵਾਈ ਦਾ ਇੰਤਜ਼ਾਮ ਕਰਨ ਲਈ ਕਿਹਾ। ਸ਼ਰਵਣ ਨੇ ਅੱਗੇ ਦੱਸਿਆ ਕਿ “ਉਹ ਕਿਸੇ ਤਰ੍ਹਾਂ ਸੌਂ ਗਿਆ ਪਰ ਸਵੇਰੇ ਨਹੀਂ ਉੱਠਿਆ। ਜਦੋਂ ਉਸਦੀ ਪਤਨੀ ਨੇ ਉਸਨੂੰ ਮਰਿਆ ਵੇਖਿਆ, ਤਾਂ ਉਹ ਬੇਹੋਸ਼ ਹੋ ਗਈ। ਉਸ ਦੀ ਵੀ ਕੁਝ ਦੇਰ ਬਾਅਦ ਮੌਤ ਹੋ ਗਈ। ਸ਼ਰਵਣ ਨੇ ਕਿਹਾ ਕਿ  “ਬੱਚੇ ਆਪਣੇ ਮਾਪਿਆਂ ਬਾਰੇ ਪੁੱਛ ਰਹੇ ਹਨ। 

ਸ਼ਰਵਣ ਨੇ ਕਿਹਾ ਕਿ ਮੈਂ ਆਪ ਇਕ ਮਜ਼ਦੂਰ ਹਾਂ, ਮੇਰੇ ਲਈ ਅੱਠ ਬੱਚਿਆਂ ਦਾ ਪਾਲਣ ਪੋਸ਼ਣ ਸੰਭਵ ਨਹੀਂ ਹੈ। ” ਚਾਰ ਭੈਣਾਂ-ਭਰਾਵਾਂ ਵਿਚੋਂ ਸਭ ਤੋਂ ਵੱਡੇ ਕਰਨਬੀਰ ਨੇ ਕਿਹਾ, “ਸਾਡੇ ਮਾਪੇ ਚਾਹੁੰਦੇ ਸਨ ਕਿ ਅਸੀਂ ਸਖ਼ਤ ਪੜ੍ਹਾਈ ਕਰੀਏ। ਹੁਣ, ਸਾਡੇ ਅਗਲੇ ਅਧਿਐਨ ਲਈ ਸਾਡੀ ਮਦਦ ਕੌਣ ਕਰੇਗਾ? ਸਾਨੂੰ ਨਹੀਂ ਪਤਾ ਕਿ ਹੁਣ ਸਾਡੇ ਨਾਲ ਕੀ ਵਾਪਰੇਗਾ। ”