ਹਰਿਆਣੇ ਦੀ ਸ਼ੇਰਨੀ ਨੇ ਮੋਦੀ ਸਰਕਾਰ ਦੀਆਂ ਖੋਲ੍ਹੀਆਂ ਪੋਲਾਂ

ਨਵੀਂ ਦਿੱਲੀ, 3 ਦਸੰਬਰ : ਸੋਸ਼ਲ ਮੀਡੀਆ 'ਤੇ ਹਰਿਆਣਾ ਦੀ ਸ਼ੇਰਨੀ ਦੀ ਵੀਡੀਉ ਵਾਇਰਲ ਹੋ ਰਹੀ ਹੈ। ਵੀਡੀਉ ਵਿਚ ਉਸ ਨੇ ਮੋਦੀ ਤੋਂ ਲੈ ਖੱਟੜ ਸਰਕਾਰ ਦੀਆਂ ਵੱਖੀਆਂ ਉਧੇੜ ਕੇ ਰੱਖ ਦਿਤੀਆਂ ਨੇ। ਵੀਡੀਉ ਦਿੱਲੀ ਬਾਰਡਰ ਦੀ ਹੈ ਜਿਥੇ ਭਰੀ ਭੀੜ 'ਚ ਇਸ ਕਿਸਾਨ ਬੀਬੀ ਨੇ ਜਿਥੇ ਹੁੱਬ ਹੁੱਬ ਪੰਜਾਬੀਆਂ ਤੇ ਹਰਿਆਣਵੀਆਂ ਦੀਆਂ ਸਿਫ਼ਤਾਂ ਸੁਣਾਈਆਂ, ਉਥੇ ਹੀ ਭਾਜਪਾ ਨੂੰ ਵੀ ਅਜਿਹੀ ਲਾਹਨਤਾਂ ਪਾ ਛੱਡੀਆਂ ਜਿਸ ਨੂੰ ਸੁਣ ਹਰ ਇਕ ਭਾਜਪਾ ਆਗੂ ਸ਼ਰਮਸਾਰ ਹੋ ਜਾਵੇਗਾ। ਕਿਸਾਨ ਬੀਬੀ ਨੇ ਕਿਹਾ ਕਿ ਮੇਰੇ ਘਰਦਿਆਂ ਨੇ ਮੈਨੂੰ  ਤਿਆਰ ਕਰ ਕੇ ਸੀਨਾ ਤਾਨ ਕੇ ਭੇਜਿਆ ਹੈ। 6 ਸਾਲ ਤੋਂ ਲੜਾਈ ਲੜ ਰਹੇ ਹਾਂ, ਕੋਈ ਕਾਂਗਰਸ ਨਹੀਂ, ਕੋਈ ਬੀਜੇਪੀ ਨਹੀਂ। ਜੇ ਕੋਈ ਕਿਸਾਨ ਦੇ ਹਿੱਤ ਵਿਚ ਨਹੀਂ ਆਉਂਦਾ ਤਾਂ ਉਹ ਅਪਣੀ ਮਾਂ ਦਾ ਪੁੱਤ ਨਹੀਂ। ਕਿਸਾਨ ਦਾ ਇਕ-ਇਕ ਪੁੱਤ ਸਾਡੇ ਧਰਨੇ ਵਿਚ ਆਵੇਗਾ। ਸਾਰਿਆਂ ਜ਼ਿਲ੍ਹਿਆਂ ਦੇ ਕਿਸਾਨ ਧਰਨੇ ਵਿਚ ਆ ਰਹੇ ਹਨ। ਕਿਸਾਨ ਬੀਬੀ ਨੇ ਮੋਦੀ ਨੂੰ ਲਾਹਨਤਾਂ ਪਾਈਆਂ ਤੇ ਕਿਹਾ ਕਿ ਇਕ ਵਾਰ ਤੂੰ ਸਾਹਮਣੇ ਆ ਜਾ ਤੈਨੂੰ ਕਿਸਾਨ ਲਲਕਾਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਬੀਜੇਪੀ ਸਰਕਾਰ ਨਾ ਤਾਂ ਕਿਸੇ ਦੀ ਸੀ ਨਾ ਹੀ ਕਿਸੇ ਦੀ ਹੋਵੇਗੀ, ਇਹ ਸਿਰਫ਼ ਗੱਲਾਂ ਵਿਚ ਫਸਾਉਣ ਵਾਲੇ ਹਨ। ਮੁਕੇਸ਼ ਅੰਬਾਨੀ, ਅਡਾਨੀ ਇਨ੍ਹਾਂ ਪੂੰਜੀਵਤੀਆਂ ਨੂੰ ਅੱਗੇ ਵਧਾਇਆ ਹੈ। ਕਿਸਾਨ ਬੀਬੀ ਨੇ ਕਿਹਾ ਕਿ ਜਿੰਨੇ ਸਾਡੇ ਅੰਦਰ ਦਰਦ ਹਨ ਅਸੀਂ ਤੇਰੇ ਕੋਲੋਂ ਇਕ ਇਕ ਦਰਦ ਦਾ ਹਿਸਾਬ ਲੈ ਕੇ ਛੱਡਾਂਗੇ।  (ਸਸਸ)