Donald Trump with Imran Khan

ਇਸਲਾਮਾਬਾਦ: ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ 21 ਜੁਲਾਈ ਤੋਂ ਅਮਰੀਕਾ ਦੇ ਅਪਣੇ ਪਹਿਲੇ ਤਿੰਨ ਦਿਨਾਂ ਵਿਦੇਸ਼ੀ ਦੌਰੇ ‘ਤੇ ਵਾਸ਼ਿੰਗਟਨ ਜਾਣਗੇ ਅਤੇ 22 ਜੁਲਾਈ ਨੂੰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨਾਲ ਮੁਲਾਕਾਤ ਕਰਨਗੇ। ਪਾਕਿਸਤਾਨ ਦੇ ਵਿਦੇਸ਼ ਮੰਤਰਾਲਾ ਦੇ ਬੁਲਾਰੇ ਮੁਹੰਮਦ ਫ਼ੈਸਲ ਨੇ ਵੀਰਵਾਰ ਨੂੰ ਪ੍ਰੈਸ ਕਾਂਨਫਰੰਸ ਵਿਚ ਕਿਹਾ, ਟਰੰਪ ਦੇ ਸੱਦੇ ‘ਤੇ ਖ਼ਾਨ ਵਿਸ਼ਿੰਗਟਨ ਦਾ ਦੌਰਾ ਕਰਨਗੇ ਅਤੇ 22 ਜੁਲਾਈ ਨੂੰ ਟਰੰਪ ਦੇ ਨਾਲ ਇਕ ਬੈਠਕ ਕਰਨਗੇ।

ਬੈਠਕ ਦਾ ਏਜੰਡਾ ਰਾਜਨੀਤਿਕ ਚੈਨਲਾਂ ਦੇ ਮਾਧਿਅਮ ਜ਼ਰੀਏ ਤਿਆਰ ਕੀਤਾ ਜਾ ਰਿਹਾ ਹੈ। ਇਸ ਵਿਚ ਦੁਵੱਲੇ ਸੰਬੰਧਾਂ ਨੂੰ ਫਿਰ ਤੋਂ ਤਾਜ਼ਾ ਕਰਨ ‘ਤੇ ਫੋਕਸ ਕੀਤਾ ਜਾਵੇਗਾ। ਕਈ ਸਥਾਨਕ ਮੀਡੀਆ ਸੰਸਥਾ ਮੰਨਦੇ ਹਨ ਕਿ ਖ਼ਾਨ ਅਤੇ ਟਰੰਪ ਦੇ ਵਿਚਕਾਰ ਪੱਛਮੀ ਏਸ਼ੀਆ ਦੇ ਖੇਤਰੀ ਏਜੰਡੇ ‘ਤੇ ਚਰਚਾ ਹੋਣ ਦੀ ਸੰਭਾਵਨਾ ਹੈ, ਵਿਸ਼ੇਸ਼ ਰੂਪ ਤੋਂ ਗੁਆਂਢੀ ਆਫ਼ਗਾਨਿਸਤਾਨ ਵਿਚ ਸ਼ਾਂਤੀ ਪ੍ਰਕਿਰਿਆ ਵਿਚ ਇਸਲਾਮਾਬਾਦ ਦੀ ਭੂਮਿਕਾ ਨੂੰ ਲੈ ਕੇ ਹੈ।

ਤਾਲਿਬਾਨ, ਅੰਦੋਲਨ ਤੇ ਇਸਲਾਮਿਕ ਸਟੇਟ ਅਤਿਵਾਦੀ ਸਮੂਹ ਦੀ ਗਤਿਵਿਧੀ ਦੇ ਕਾਰਨ ਅਫ਼ਗਾਨਿਸਤਾਨ ਅਸਥਿਰ ਰਾਜਨੀਤਿਕ, ਸਮਾਜਿਕ ਅਤੇ ਸੁਰੱਖਿਆ ਸਥਿਤੀ ਤੋਂ ਪ੍ਰਭਾਵਿਤ ਹੈ। ਪਾਕਿਸਤਾਨ ਅਫ਼ਗਾਨਿਸਤਾਨ ਦੇ ਸਭ ਤੋਂ ਅਸਾਂਤ ਪ੍ਰਾਂਤਾਂ ਵਿਚੋਂ ਇਕ ਕੰਧਾਰ ਦੇ ਨਾਲ ਸਰਹੱਦ ਨੂੰ ਜੋੜਦਾ ਹੈ ਜੋ ਤਾਲਿਬਾਨ ਅਤਿਵਾਦੀਆਂ ਦੀ ਸੰਘਣੀ ਆਬਾਦੀ ਵਾਲਾ ਇਲਾਕਾ ਹੈ।

ਜਦਕਿ ਅਫ਼ਗਾਨੀ ਫ਼ੌਜ ਅਤੇ ਸੁਰੱਖਿਆ ਬਲ ਦੇਸ਼ ਭਰ ਵਿਚ ਅਤਿਵਾਦ ਦਾ ਮੁਕਾਬਲਾ ਕਰਨ ਲਈ ਸੰਯੁਕਤ ਅਭਿਆਨ ਚਲਾ ਰਹੇ ਹਨ। ਇਸ ਵਿਚ ਅਫ਼ਗਾਨਿਸਤਾਨ ਸਰਕਾਰ ਅਤੇ ਤਾਲਿਬਾਨ ਸਲਾਹ ਵਾਰਤਾ ਸ਼ੁਰੂ ਕਰਨ ਦੀ ਵੀ ਕੋਸ਼ਿਸ਼ ਕਰ ਰਹੇ ਹਨ।