S. Joginder Singh: 1994 ’ਚ ਸ਼ੁਰੂ ਕੀਤੇ ਦੋ ਰਸਾਲਿਆਂ-ਪੰਜਾਬੀ ‘ਸਪੋਕਸਮੈਨ’ ਤੇ ਅੰਗਰੇਜ਼ੀ ‘ਸਪੋਕਸਮੈਨ’ ਨੇ ਪੂਰੀ ਦੁਨੀਆਂ ਵਿਚ ਪਾਈਆਂ ਧੁੰਮਾਂ

Two magazines started in 1994 - Punjabi 'Spokesman' and English 'Spokesman' have gained popularity all over the world.

 

S. Joginder Singh: 1993 ਵਿਚ ਦਿੱਲੀ ਤੋਂ ਛਪਦਾ ਅੰਗਰੇਜ਼ੀ ਸਪਤਾਹਕ ‘ਸਪੋਕਸਮੈਨ’ ਇਸ ਕੰਪਨੀ ਨੇ ਲੈ ਲਿਆ ਤੇ 1994 ਤੋਂ ਅੰਗਰੇਜ਼ੀ ਤੇ ਪੰਜਾਬੀ ਦੇ ਦੋ ਰਸਾਲੇ (ਪੰਜਾਬੀ ਸਪੋਕਸਮੈਨ ਤੇ ਅੰਗਰੇਜ਼ੀ ਸਪੋਕਸਮੈਨ) ਸ਼ੁਰੂ ਕਰ ਕੇ, ਸੰਸਾਰ-ਪੱਧਰ ਤੇ ਧੁੰਮਾਂ ਪਾ ਦਿਤੀਆਂ। ਇਹ ਪਹਿਲੀ ਵਾਰ ਹੋਇਆ ਸੀ ਕਿ ਇਕ ਹੀ ਸੰਪਾਦਕ ਪੰਜਾਬੀ ਤੇ ਅੰਗਰੇਜ਼ੀ ਦੇ ਦੋ ਬਿਹਤਰੀਨ ਰਸਾਲੇ ਇਕੱਲਿਆਂ ਹੀ ਤਿਆਰ ਕਰਦਾ ਤੇ ਪ੍ਰਕਾਸ਼ਤ ਕਰਦਾ। ਜਗਜੀਤ ਪਬਲਿਸ਼ਿੰਗ ਕੰਪਨੀ ਦਾ ਸਾਰਾ ਮੁਨਾਫ਼ਾ ਰਸਾਲਿਆਂ ਨੂੰ ਦੇ ਦਿਤਾ ਜਾਂਦਾ ਤੇ ਇਸ਼ਤਿਹਾਰ ਮੰਗਣ ਤੋਂ ਛੁਟਕਾਰਾ ਪਾ ਲਿਆ ਗਿਆ।

ਇਹ ਪਹਿਲੇ ਦੋ ਰਸਾਲੇ ਸਨ ਜਿਨ੍ਹਾਂ ਨੇ ਐਲਾਨ ਕਰ ਦਿਤੇ ਕਿ ਇਹ ਸਰਕਾਰੀ ਇਸ਼ਤਿਹਾਰ ਬਿਲਕੁਲ ਨਹੀਂ ਲੈਣਗੇ ਤੇ ਨਾ ਹੀ ਅਖ਼ਬਾਰ ਵਿਚ ਤਬਦੀਲ ਹੋਣ ਤਕ (11 ਸਾਲ) ਲਏ ਹੀ। ਇਨ੍ਹਾਂ ਪਰਚਿਆਂ ਦੀਆਂ ਯਾਦਗਾਰੀ ਪ੍ਰਾਪਤੀਆਂ ਵਿਚ 110 ‘ਧਰਮੀ ਫ਼ੌਜੀਆਂ’ ਨੂੰ 10-10 ਹਜ਼ਾਰ ਦੇ ਚੈੱਕ ਦੇਣ, ਰਾਜੀਵ ਗਾਂਧੀ ਉਤੇ ਰਾਜਘਾਟ ਵਿਖੇ ਕਰਮਜੀਤ ਸਿੰਘ ਵਲੋਂ ਗੋਲੀਆਂ ਚਲਾਉਣ ਤੇ ਕੇਵਲ ਇਕ ਗੇਂਦ ਫੜ ਕੇ ਹਵਾਈ ਜਹਾਜ਼ ਹਾਜੈਕ ਕਰਨ ਦੇ ਸੱਚੇ ਤੇ ਅਨੋਖੇ ਬਿਰਤਾਂਤ ਪ੍ਰਕਾਸ਼ਤ ਕਰਨੇ ਸ਼ਾਮਲ ਸਨ। ਪਾਠਕਾਂ ਤੇ ਹੋਰਨਾਂ ਵਲੋਂ ਮੰਗ ਸ਼ੁਰੂ ਹੋ ਗਈ ਕਿ ਹੁਣ ਇਸ ਨੂੰ ਰੋਜ਼ਾਨਾ ਅਖ਼ਬਾਰ ਬਣਾ ਦਿਤਾ ਜਾਏ। ਅਖ਼ਬਾਰ ਸ਼ੁਰੂ ਕਰਨ ਦਾ ਟੀਚਾ 2005 ਦਾ ਵਰ੍ਹਾ ਮਿਥਿਆ ਗਿਆ।