ਪੁਲਿਸ ਇੰਸਪੈਕਟਰ ਨੇ ਤੋੜੇ ਟਰੈਫਿਕ ਨਿਯਮ: ਕੱਟਿਆ ਗਿਆ ਚਲਾਨ, ਬਿਨ੍ਹਾਂ ਸੀਟ ਬੈਲਟ ਤੋਂ ਗੱਡੀ ਚਲਾਉਂਦੇ ਦੀਆਂ ਤਸਵੀਰਾਂ ਕੈਮਰੇ ’ਚ ਹੋਈਆਂ ਕੈਦ
ਵਿਅਕਤੀ ਨੇ ਬਿਨਾਂ ਸੀਟ ਬੈਲਟ ਦੇ ਇਸ ਇੰਸਪੈਕਟਰ ਦੀ ਨਾ ਸਿਰਫ਼ ਵੀਡੀਓ ਬਣਾਈ ਸਗੋਂ ਇਹ ਸਵਾਲ ਵੀ ਪੁੱਛਿਆ ਕਿ ਬਿਨਾਂ ਸੀਟ ਬੈਲਟ ਕਿਉਂ?
ਚੰਡੀਗੜ੍ਹ: ਪੁਲਿਸ ਦੇ ਇਕ ਇੰਸਪੈਕਟਰ ਦੀ ਵਰਦੀ 'ਚ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਇੰਸਪੈਕਟਰ ਸ਼ਹਿਰ ਦੀਆਂ ਸੜਕਾਂ 'ਤੇ ਬਿਨਾਂ ਸੀਟ ਬੈਲਟ ਦੇ ਚੰਡੀਗੜ੍ਹ ਨੰਬਰ ਦੀ ਗੱਡੀ ਚਲਾ ਰਿਹਾ ਹੈ। ਇੱਕ ਵਿਅਕਤੀ ਨੇ ਬਿਨਾਂ ਸੀਟ ਬੈਲਟ ਦੇ ਇਸ ਇੰਸਪੈਕਟਰ ਦੀ ਨਾ ਸਿਰਫ਼ ਵੀਡੀਓ ਬਣਾਈ ਸਗੋਂ ਇਹ ਸਵਾਲ ਵੀ ਪੁੱਛਿਆ ਕਿ ਬਿਨਾਂ ਸੀਟ ਬੈਲਟ ਕਿਉਂ? ਇਸ ਤੋਂ ਬਾਅਦ ਇਸ ਵੀਡੀਓ ਨੂੰ ਚੰਡੀਗੜ੍ਹ ਟਰੈਫਿਕ ਪੁਲਿਸ ਨਾਲ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਗਿਆ।
ਇਸ ਤੋਂ ਬਾਅਦ ਇਸ ਇੰਸਪੈਕਟਰ ਦਾ ਚਲਾਨ ਪੇਸ਼ ਕੀਤਾ ਗਿਆ। 38 ਸੈਕਿੰਡ ਦੇ ਇਸ ਵੀਡੀਓ 'ਚ ਇਕ ਪੁਲਿਸ ਕਰਮਚਾਰੀ ਬਿਨਾਂ ਸੀਟ ਬੈਲਟ ਦੇ ਸ਼ਹਿਰ 'ਚ ਸਫੇਦ ਰੰਗ ਦੀ ਕਾਰ ਚਲਾ ਰਿਹਾ ਹੈ।
ਇਹ ਵੀਡੀਓ ਬੀਤੀ 3 ਨਵੰਬਰ ਦੁਪਹਿਰ 12.10 ਵਜੇ ਸੈਕਟਰ 20/30/19/27 ਦੇ ਚੌਕ ਨੇੜੇ ਦੀ ਹੈ। ਇਸ ਵੀਡੀਓ ਨੂੰ ਡੀਜੀਪੀ, ਚੰਡੀਗੜ੍ਹ ਨਾਲ ਟੈਗ ਕਰਦੇ ਹੋਏ ਇਰਫਾਨ ਸੈਫੀ ਨਾਮ ਦੇ ਵਿਅਕਤੀ ਨੇ ਕਿਹਾ ਇਸ ਮਾਮਲੇ ਵਿੱਚ ਬਣਦੀ ਕਾਰਵਾਈ ਕੀਤੀ ਜਾਵੇ। ਜਿਸ ਤੋਂ ਬਾਅਦ ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਦਾ ਜਵਾਬ ਆਇਆ ਕਿ ਸ਼ਿਕਾਇਤ 'ਤੇ ਕਾਰਵਾਈ ਕੀਤੀ ਗਈ ਹੈ।
ਇਸ ਟਵੀਟ 'ਤੇ ਇਕ ਵਿਅਕਤੀ ਨੇ ਕਿਹਾ ਕਿ ਪੀਸੀਆਰ (ਪੁਲਿਸ ਕੰਟਰੋਲ ਰੂਮ) ਦੇ ਜ਼ਿਆਦਾਤਰ ਕਰਮਚਾਰੀ ਵਾਹਨ ਚਲਾਉਂਦੇ ਸਮੇਂ ਸੀਟ ਬੈਲਟ ਨਹੀਂ ਪਹਿਨਦੇ ਹਨ। ਅਜਿਹੇ 'ਚ ਟ੍ਰੈਫਿਕ ਪੁਲਿਸ ਨੂੰ ਕਾਰਵਾਈ ਕਰਨ ਲਈ ਕਿਹਾ ਗਿਆ ਕਿਉਂਕਿ ਚੰਡੀਗੜ੍ਹ 'ਚ ਵੀ ਕੈਮਰੇ ਲੱਗੇ ਹੋਏ ਹਨ।