3-3 ਗੱਡੀਆਂ ਦੇ ਮਾਲਕ ਨੂੰ ਲਾਕਡਾਊਨ ਨੇ ਸਬਜ਼ੀ ਵੇਚਣ 'ਤੇ ਕੀਤਾ ਮਜ਼ਬੂਰ
ਸਬਜ਼ੀਆਂ ਵੇਚ ਕੇ ਕਰ ਰਿਹਾ ਪਰਿਵਾਰ ਦਾ ਗੁਜ਼ਾਰਾ
ਗੁਰਦਾਸਪੁਰ (ਅਵਤਾਰ ਸਿੰਘ) ਕੋਰੋਨਾ ਮਹਾਂਮਾਰੀ(Corona) ਕਾਰਨ ਦੇਸ਼ ਭਰ ਵਿੱਚ ਲਗਾਏ ਗਏ ਲਾਕਡਾਊਨ ਕਾਰਨ ਹਰ ਵਰਗ ਦਾ ਕਾਫੀ ਨੁਕਸਾਨ ਹੋਇਆ ਹੈ ਪਰ ਟੈਕਸੀ ਚਾਲਕਾਂ ( Taxi drivers) ਨੂੰ ਪਿਛਲੇ ਡੇਢ ਸਾਲ ਤੋਂ ਦੋਹਰੀ ਮਾਰ ਪੈ ਰਹੀ ਹੈ।
ਕੋਰੋਨਾ ( corona) ਕਾਲ ਵਿੱਚ ਸਰਕਾਰ ਦੀਆਂ ਨੀਤੀਆਂ ਵੀ ਟੈਕਸੀ ਚਾਲਕਾਂ( Taxi drivers) ਲਈ ਘਾਤਕ ਸਾਬਤ ਹੋ ਰਹੀਆਂ ਹਨ ਜਿਸ ਕਰਕੇ ਟੈਕਸੀ ਚਾਲਕਾਂ( Taxi drivers) ਨੂੰ ਵੀ ਹੁਣ ਆਪਣੀਆਂ ਗੱਡੀਆਂ ਵਿਚ ਸਬਜ਼ੀ ਵੇਚ ਕੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਕਰਨਾ ਪੈ ਰਿਹਾ ਹੈ।
ਗੁਰਦਾਸਪੁਰ ਦੇ ਨਜ਼ਦੀਕੀ ਪਿੰਡ ਸ਼ੇਖੂਪੁਰਾ ਦਾ ਰਹਿਣ ਵਾਲਾ ਰਛਪਾਲ ਸਿੰਘ( Rachpal Singh) ਕਹਿਣ ਨੂੰ ਤਾਂ ਤਿੰਨ ਗੱਡੀਆਂ ਦਾ ਮਾਲਕ ਹੈ ਪਰ ਹੁਣ ਇਨ੍ਹਾਂ ਗੱਡੀਆਂ ਵਿਚ ਸਵਾਰੀਆਂ ਨਹੀਂ ਬਲਕਿ ਸਬਜ਼ੀਆਂ ਢੋਅ ਰਿਹਾ ਹੈ।
ਗੱਲਬਾਤ ਕਰਦਿਆਂ ਰਛਪਾਲ ਸਿੰਘ( Rachpal Singh)ਨੇ ਦੱਸਿਆ ਕਿ ਇਕ ਤਾਂ ਕੋਰੋਨਾ ਦੀ ਮਾਰ ਤੇ ਉਪਰੋਂ ਸਰਕਾਰ ਦੇ ਟੈਕਸੀ ਉਪਰੇਟਰਾਂ ਨਾਲ ਵਿਤਕਰੇ ਕਾਰਨ ਟੈਕਸੀ ਚਾਲਕਾਂ( Taxi drivers) ਲਈ ਆਪਣੇ ਪਰਿਵਾਰ ਲਈ ਰੋਜ਼ੀ ਰੋਟੀ ਦਾ ਜੁਗਾੜ ਕਰਨਾ ਵੀ ਮੁਸ਼ਕਿਲ ਹੋ ਰਿਹਾ ਹੈ ।
ਕੋਰੋਨਾ ਕਾਲ ਵਿੱਚ ਸਰਕਾਰ ਵੱਲੋਂ ਉਹਨਾਂ ਦੀ ਮਦਦ ਕਰਨਾ ਤਾਂ ਦੂਰ ਉਲਟਾ ਟੈਕਸ ਵੀ ਕਈ ਗੁਣਾ ਵਧਾ ਦਿੱਤਾ ਗਿਆ ਹੈ। ਜਦ ਕਿ ਗੱਡੀ ਦੀ ਰਿਪੇਅਰ ਅਤੇ ਕਿਸ਼ਤਾਂ ਤੋਂ ਇਲਾਵਾ ਘਰ ਦੇ ਖਰਚੇ ਵੀ ਓੰਨੇ ਹੀ ਹਨ ਪਰ ਆਮਦਨ ਜ਼ਰਾ ਵੀ ਨਹੀਂ।
ਉਹਨਾਂ ਕਿਹਾ ਕਿ ਅਜਿਹੇ ਹਾਲਾਤਾਂ ਵਿੱਚ ਜੇ ਸਰਕਾਰ ਨੇ ਟੈਕਸੀ ਓਪਰੇਟਰਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਜਲਦੀ ਹੀ ਤੇਜ਼ੀ ਨਾਲ ਕਰਜ਼ੇ ਹੇਠਾਂ ਦੱਬਦੇ ਜਾ ਰਹੇ ਟੈਕਸੀ ਓਪਰੇਟਰਾਂ ਵੱਲੋਂ ਵੀ ਪਰਿਵਾਰ ਸਮੇਤ ਆਤਮ ਹੱਤਿਆਵਾਂ ਕਰਨ ਦਾ ਸਿਲਸਿਲਾ ਚੱਲ ਨਿਕਲੇਗਾ।