ਅਮਰੀਕੀ ਜੈੱਟ 'ਚ ਚੀਨ ਦਾ ਝੰਡਾ ਲਗਾ ਰੂਸ 'ਤੇ ਜਾ ਕੇ ਬੰਬ ਸੁੱਟ ਦਿਉ : ਟਰੰਪ

ਵਾਸ਼ਿੰਗਟਨ, 6 ਮਾਰਚ : ਯੂਕਰੇਨ ਯੁੱਧ 'ਤੇ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੇਹੱਦ ਹੈਰਾਨ ਕਰ ਦੇਣ ਵਾਲਾ ਬਿਆਨ ਦਿਤਾ | ਟਰੰਪ ਨੇ ਕਿਹਾ ਕਿ ਅਮਰੀਕਾ ਅਪਣੇ ਫ਼ਾਈਟਰ ਜੈੱਟ 'ਚ ਚੀਨ ਦਾ ਝੰਡਾ ਲਗਾਏ ਅਤੇ ਫਿਰ ਰੂਸ 'ਤੇ ਜਾ ਕੇ ਬੰਬ ਸੁੱਟ ਦੇਵੇ | ਟਰੰਪ ਦਾ ਬਿਆਨ ਕਾਫੀ ਅਜੀਬ ਹੈ ਅਤੇ ਇਸ ਤੋਂ ਪਹਿਲਾਂ ਵੀ ਯੂਕਰੇਨ ਯੁੱਧ ਲਈ ਟਰੰਪ, ਮੌਜੂਦਾ ਅਮਰੀਕੀ ਪ੍ਰਸ਼ਾਸਨ ਨੂੰ  'ਡਰਪੋਕ' ਦਸ ਚੁੱਕੇ ਹਨ | ਟਰੰਪ ਨੇ ਕਿਹਾ ਕਿ ਅਮਰੀਕਾ ਨੂੰ  ਅਪਣੇ ਐੱਫ-22 ਲੜਾਕੂ ਜਹਾਜ਼ਾਂ 'ਤੇ ਚੀਨੀ ਝੰਡਾ ਲਗਾਉਣਾ ਚਾਹੀਦਾ ਹੈ ਤੇ ਰੂਸ ਨੂੰ  ਬੰਬ ਨਾਲ ਉਡਾ ਦੇਣਾ ਚਾਹੀਦਾ ਹੈ ਫਿਰ ਅਸੀਂ ਕਹਾਂਗੇ ਕਿ ਇਹ ਕੰਮ ਚੀਨ ਨੇ ਕੀਤਾ ਹੈ | ਟਰੰਪ ਨੇ ਅੱਗੇ ਕਿਹਾ ਕਿ ਸਾਡੇ ਅਜਿਹਾ ਕਰਨ ਤੋਂ ਬਾਅਦ ਰੂਸ ਤੇ ਚੀਨ ਆਪਸ ਵਿਚ ਲੜਨਗੇ ਅਤੇ ਅਸੀਂ ਬੈਠ ਕੇ ਦੇਖਾਂਗੇ | ਟਰੰਪ ਦੇ ਇੰਨਾ ਬੋਲਣ ਨਾਲ ਪ੍ਰੋਗਰਾਮ ਵਿਚ ਮੌਜੂਦ ਸਾਰੇ ਲੋਕ ਹਸਣ ਲੱਗੇ ਤੇ ਟਰੰਪ ਵੀ ਹੱਸ ਰਹੇ ਸਨ |     (ਏਜੰਸੀ)