Hoshiarpur News : ਪੰਜਾਬ ਦਾ ਨੌਜਵਾਨ ਅਮਰੀਕਾ ’ਚ ਬਣਿਆ ਡਾਕਟਰ, ਪਿੰਡ ਵਾਲਿਆਂ ਨੇ ਕੀਤਾ ਭਰਵਾਂ ਸਵਾਗਤ

ਪਿੰਡ ਵਾਲਿਆਂ ਡਾ ਗੁਰਪ੍ਰੀਤ ਸਿੰਘ ਦਾ ਭਰਵਾਂ ਸਵਾਗਤ ਕਰਦੇ ਹੋਏ

Hoshiarpur News in Punjabi : ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਬਲਾਕ ਟਾਂਡਾ ਉੜਮੁੜ ਅਧੀਨ ਪੈਂਦੇ ਪਿੰਡ ਗੂਰਾਲਾ ਦਾ ਨੌਜਵਾਨ ਅਮਰੀਕਾ ’ਚ ਡਾਕਟਰ ਬਣਿਆ। ਗਿਆਰਾਂ ਸਾਲ ਦੀ ਛੋਟੀ ਉਮਰ ਵਿਚ ਅਮਰੀਕਾ ਜਾ ਕੇ ਕੀਤੀ ਦਿਨ ਰਾਤ ਪੜ੍ਹਾਈ ਅਤੇ ਅਮਰੀਕਾ ਦੀ ਡਿਗਰੀ ਹਾਸਲ ਕਰਨ ਉਪਰੰਤ 16 ਸਾਲ ਬਾਅਦ ਆਇਆ ਆਪਣੇ ਵਤਨ ਅਪਣੀ ਜਨਮ ਭੂਮੀ ਪਿੰਡ ਗੂਰਾਲਾ ਪਹੁੰਚਣ ਤੇ ਪਿੰਡ ਵਾਲਿਆਂ ਅਤੇ ਪਰਿਵਾਰ ਦੇ ਲੋਕਾਂ ਨੇ ਭਰਵਾਂ ਸਵਾਗਤ ਕੀਤਾ।

ਅਮਰੀਕਾ ਤੋਂ ਭਾਰਤ ਪਹੁੰਚੇ ਡਾਕਟਰ ਗੁਰਪ੍ਰੀਤ ਸਿੰਘ ਨੇ ਨੌਜਵਾਨਾਂ ਨੂੰ ਸਹੀ ਸੇਧ ਦਿੰਦੇ ਹੋਏ ਕਿਹਾ ਕਿ ਨੌਜਵਾਨ ਪੜ੍ਹ ਲਿਖ ਕੇ ਇਕ ਨੰਬਰ ’ਚ ਅਮਰੀਕਾ ਵਿਚ ਜਾਣ ਜਿਸ ਨਾਲ ਬੱਚਿਆਂ ਦੇ ਮਾਂ ਪਿਓ ਅਤੇ ਪੰਜਾਬ ਦਾ ਨਾਮ ਰੌਸ਼ਨ ਕੀਤਾ ਜਾ ਸਕੇ। ਇਸ ਮੌਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਲਖਵਿੰਦਰ ਸਿੰਘ ਲੱਖੀ ਨੇ ਆਏ ਨੋਜਵਾਨ ਡਾਕਟਰ ਗੁਰਪ੍ਰੀਤ ਸਿੰਘ ਦਾ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ। 

(For more news apart from  Punjab youth becomes doctor in America, villagers give him a warm welcome News in Punjabi, stay tuned to Rozana Spokesman)