ਅੰਮ੍ਰਿਤਸਰ: 31 ਸਾਲ ਦੀ ਸੁਖਬੀਰ ਕੌਰ ਨੇ ਜ਼ਹਿਰੀਲੀ ਦਵਾਈ ਖਾ ਕੇ ਅਪਣਾ ਜੀਵਨ ਸਮਾਪਤ ਕਰ ਲਿਆ। ਮ੍ਰਿਤਕ ਦੇ ਦੋ ਬੱਚੇ ਹਨ। ਲੜਕੀ ਦੇ ਪਿਤਾ ਮੁਖਤਿਆਰ ਸਿੰਘ ਨੇ ਅਰੋਪ ਲਗਾਇਆ ਗਿਆ ਕਿ ਉਹਨਾਂ ਦੀ ਪੁੱਤਰੀ ਚਾਰ ਤਰੀਕ ਨੂੰ ਉਹਨਾਂ ਦੇ ਘਰ ਆਈ ਸੀ ਉਸ ਨੇ ਉਹਨਾਂ ਨੂੰ ਦਸਿਆ ਕਿ ਉਸ ਦਾ ਸਹੁਰਾ ਪਰਵਾਰ ਉਸ ਨੂੰ ਬਹੁਤ ਤੰਗ ਕਰਦਾ ਹੈ। ਉਹ ਉਸ ਦੇ ਹਰ ਕੰਮ ਵਿਚ ਨੁਕਸ ਕੱਢਦੇ ਹਨ।
ਇਸ ਤੋਂ ਇਲਾਵਾ ਉਸ ਨੂੰ ਕੋਈ ਬਾਹਰ ਦਾ ਕੰਮ ਨਹੀਂ ਕਰਨ ਦਿੰਦੇ। ਮੁਖਤਿਆਰ ਸਿੰਘ ਨੇ ਅਰੋਪ ਲਗਾਇਆ ਕਿ ਲੜਕੇ ਵਾਲੇ ਉਹਨਾਂ ਦੀ ਲੜਕੀ ਨੂੰ ਉਹਨਾਂ ਦੇ ਘਰ ਵੀ ਨਹੀਂ ਆਉਣ ਦਿੰਦੇ ਅਤੇ ਦਹੇਜ ਦੀ ਮੰਗ ਕਰਦੇ ਹਨ। ਉਸ ਨੂੰ ਤਾਅਨੇ ਦਿੰਦੇ ਹਨ ਕਿ ਉਹ ਅਪਣੇ ਪੇਕੇ ਘਰ ਤੋਂ ਕੀ ਲੈ ਕੇ ਆਈ ਹੈ। ਲੜਕੀ ਦੇ ਸਹੁਰੇ ਪਰਵਾਰ ਨੇ ਲੜਕੀ ਦੇ ਪਿਤਾ ਨੂੰ ਫ਼ੋਨ ਕਰ ਕੇ ਦਸਿਆ ਕਿ ਉਹਨਾਂ ਦੀ ਬੇਟੀ ਨੇ ਕੋਈ ਜ਼ਹਿਰੀਲੀ ਦਵਾਈ ਖਾ ਲਈ ਹੈ।
ਜਦੋਂ ਉਹ ਉਥੇ ਪਹੁੰਚੇ ਤਾਂ ਉਸ ਸਮੇਂ ਲੜਕੀ ਦੀ ਮੌਤ ਹੋ ਚੁੱਕੀ ਸੀ। ਉੱਥੇ ਨਾ ਤਾਂ ਕੋਈ ਡਾਕਟਰ ਸੀ ਤੇ ਨਾ ਹੀ ਕੋਈ ਪਰਵਾਰ ਦਾ ਮੈਂਬਰ। ਐਸਐਚਓ ਅਜਨਾਲਾ ਕਸ਼ਮੀਰ ਸਿੰਘ ਨੇ ਕਿਹਾ ਕਿ ਲੜਕੀ ਦੇ ਪਿਤਾ ਦੇ ਬਿਆਨਾਂ ਦੇ ਆਧਾਰ ਤੇ ਪਰਚਾ ਦਰਜ ਕਰ ਲਿਆ ਗਿਆ ਹੈ। ਅਰੋਪੀਆਂ ਨੂੰ ਜਲਦ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।