Kulmeet Singh Sodhi started his campaign

ਚੰਡੀਗੜ੍ਹ: ਨਗਰ ਨਿਗਮ ਚੋਣਾਂ ਲਈ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਹੁਜਨ ਸਮਾਜ ਪਾਰਟੀ ਦੇ ਵਾਰਡ ਨੰਬਰ 17 ਤੋਂ ਸਾਂਝੇ ਉਮੀਦਵਾਰ ਕੁਲਮੀਤ ਸਿੰਘ ਸੋਢੀ ਨੇ ਸੈਕਟਰ 22 ਦੀ ਮੋਬਾਈਲ ਮਾਰਕਿਟ ਤੋਂ ਆਪਣੀ ਚੋਣ ਮੁਹਿੰਮ ਦੀ ਸ਼ੁਰੂਆਤ ਕੀਤੀ।

ਇਸ ਮੌਕੇ ਮਾਰਕਿਟ ਦੇ ਪ੍ਰਧਾਨ ਸੁਭਾਸ਼ ਨਾਰੰਗ ਵਲੋਂ ਕੁਲਮੀਤ ਸਿੰਘ ਦਾ ਸਵਾਗਤ ਕੀਤਾ ਗਿਆ। ਇਸ ਦੇ ਨਾਲ ਹੀ ਉਹਨਾਂ ਨੇ ਪੂਰੀ ਮਾਰਕਿਟ ਦਾ ਦੌਰਾ ਕਰਦਿਆਂ ਸਾਰਿਆਂ ਨੂੰ ਕੁਲਮੀਤ ਸਿੰਘ ਨੂੰ ਵੋਟ ਪਾਉਣ ਦੀ ਅਪੀਲ ਕੀਤੀ ਅਤੇ ਉਹਨਾਂ ਨੂੰ ਅਪਣਾ ਆਸ਼ੀਰਵਾਦ ਦਿੱਤਾ।

ਇਸ ਮੌਕੇ ਅਕਾਲੀ ਦਲ ਚੰਡੀਗੜ੍ਹ ਦੇ ਆਗੂ ਦਲਜੀਤ ਸਿੰਘ ਸੋਢੀ ਵੀ ਇੱਥੇ ਸ਼ਾਮਲ ਸਨ। ਇਸ ਮੌਕੇ ਬਹੁਤ ਸਾਰੇ ਨੌਜਵਾਨ ਅਕਾਲੀ ਦਲ ਵਿਚ ਸ਼ਾਮਲ ਹੋਏ। ਇਹਨਾਂ ਵਿਚ ਮਨਿੰਦਰ ਆਹੂਜਾ, ਗੁਰਜੀਤ ਸਿੰਘ, ਜਸਵੀਰ ਸਿੰਘ, ਅਤੁਲ ਅਰੋੜਾ, ਰਾਮ ਭੱਟੀ, ਮਨੀਸ਼, ਕੁਲਵਿੰਦਰ, ਜੈਪ੍ਰੀਤ, ਮਨਪ੍ਰੀਤ ਸਿੰਘ ਆਦਿ ਸ਼ਾਮਲ ਸਨ।