ਖਤਰਨਾਕ ਗੈਂਗਸਟਰ ਅਕੁਲ ਖਤਰੀ ਦੀ ਮਾਂ 11 ਗ੍ਰਾਮ ਹੈਰੋਇਨ ਸਮੇਤ ਕਾਬੂ
ਖ਼ਤਰਨਾਕ ਗੈਂਗਸਟਰ ਅਕੁਲ ਖਤਰੀ ਦੀ ਮਾਂ ਨੂੰ ਥਾਣਾ ਬਿਆਸ ਦੀ ਪੁਲਿਸ ਨੇ 11 ਗਰਾਮ ਹੈਰੋਇਨ ਸਮੇਤ ਗਿਰਫ਼ਤਾਰ ਕੀਤਾ ਹੈ। ਕੇਂਦਰੀ ਜੇਲ੍ਹ ਫਤਾਹਪੁਰ 'ਚ ਬੰਦ ਖ਼ਤਰਨਾਕ..
ਅੰਮਿ੍ਰਤਸਰ: ਖ਼ਤਰਨਾਕ ਗੈਂਗਸਟਰ ਅਕੁਲ ਖਤਰੀ ਦੀ ਮਾਂ ਨੂੰ ਥਾਣਾ ਬਿਆਸ ਦੀ ਪੁਲਿਸ ਨੇ 11 ਗਰਾਮ ਹੈਰੋਇਨ ਸਮੇਤ ਗਿਰਫ਼ਤਾਰ ਕੀਤਾ ਹੈ। ਕੇਂਦਰੀ ਜੇਲ੍ਹ ਫਤਾਹਪੁਰ 'ਚ ਬੰਦ ਖ਼ਤਰਨਾਕ ਗੈਂਗਸਟਰ ਅਕੁਲ ਖਤਰੀ ਨੂੰ ਪੰਜਾਬ ਪੁਲਿਸ ਦੇ ਆਈਜੀ ਕੁਵੰਰ ਵਿਜੈ ਪ੍ਰਤਾਪ ਨੇ ਗਿ੍ਰਫਤਾਰ ਕੀਤਾ ਸੀ ਅਤੇ ਉਹ ਜੇਲ੍ਹ 'ਚ ਹੀ ਬੈਠਾ ਮੋਬਾਇਲ ਤੋਂ ਵਾਟਸਐਪ 'ਤੇ ਕਾਲ ਕਰ ਵੱਖ ਵੱਖ ਤਸਕਰਾਂ ਰਾਹੀ ਅਪਣੀ ਮਾਂ ਦੇ ਕੋਲ ਹੈਰੋਇਨ ਦੀ ਛੋਟੀ ਛੋਟੀ ਖੇਪ ਭੇਜ ਰਿਹਾ ਸੀ।
ਥਾਨਾ ਬਿਆਸ ਦੇ ਏਐਸਆਈ ਊਧਮ ਨੇ ਦੱਸਿਆ ਕਿ ਏਐਸਆਈ ਚਰਣਜੀਤ ਸਹ ਦੀ ਅਗੁਆਈ 'ਚ ਪੁਲਿਸ ਪਾਰਟੀ ਗਸ਼ਤ ਕਰਦੇ ਹੋਏ ਟੀ ਪਵਾਇੰਟ ਛਾਪਿਆਵਾਲੀ ਦੇ ਕੋਲ ਪਹੁੰਚੀ ਤਾਂ ਸਾਹਮਣੇ ਤੋਂ ਚਿੱਟੇ ਰੰਗ ਦੀ ਇਕ ਸਕੂਟੀ ਪੀਬੀ06 ਐਈ 5941 'ਤੇ ਇਕ ਮਹਿਲਾ ਆਉਂਦੀ ਵਿਖਾਈ ਦਿਤੀ ਜੋ ਪੁਲਿਸ ਨੂੰ ਵੇਖ ਕੇ ਸਕੂਟੀ ਵਾਪਸ ਭੱਜਉਣ ਲੱਗੀ ਤਾਂ ਸਕੂਟੀ ਫੁਟਪਾਥ ਨਾਲ ਟਕਰਾ ਕੇ ਡਿੱਗ ਗਈ।
ਜਿਸ ਨੂੰ ਤੁਰਤ ਕਾਬੂ ਕਰ ਲੇਡਿਜ ਕਾਂਸਟੇਬਲ ਵਲੋਂ ਉਸ ਦੀ ਤਲਾਸ਼ੀ ਲਈ ਗਈ ਤਾਂ ਉਸ ਤੋਂ 11 ਗਰਾਮ ਹੈਰੋਇਨ ਬਰਾਮਦ ਕੀਤੀ ਗਈ। ਗਿ੍ਰਫਤਾਰ ਮਹਿਲਾ ਨੇ ਅਪਣੀ ਪਹਿਚਾਨ ਮੇਹਿਤਾ ਨਿਵਾਸੀ, ਸ:ਰਾਜੇਸ਼ ਕੁਮਾਰ ਦੀ ਪਤਨੀ ਹਨੀ ਬਾਲਾ ਦੇ ਰੂਪ 'ਚ ਦੱਸੀ ਹੈ। ਏਐਸਆਈ ਊਧਮ ਨੇ ਦੱਸਿਆ ਕਿ ਜਾਂਚ 'ਚ ਸਾਹਮਣੇ ਆਇਆ ਕਿ ਹਨੀ ਬਾਲਾ ਖ਼ਤਰਨਾਕ ਗੈਂਗਸਟਰ ਅਕੁਲ ਖਤਰੀ ਦੀ ਮਾਂ ਹੈ।
ਖ਼ਤਰਨਾਕ ਗੈਂਗਸਟਰ ਇਸ ਸਮੇਂ ਫਤਾਹਪੁਰ ਜੇਲ੍ਹ 'ਚ ਬੰਦ ਹੈ ਅਤੇ ਜੇਲ੍ਹ ਤੋਂ ਹੀ ਮੋਬਾਇਲ 'ਤੇ ਵਾਟਸਐਪ ਰਾਹੀ ਸਾਥੀਆਂ ਨੂੰ ਅਪਣੀ ਮਾਂ ਹਨੀ ਬਾਲਾ ਤੱਕ ਹੈਰੋਇਨ ਦੀ ਸਪਲਾਈ ਪਹੁੰਚਾਂਦਾ ਸੀ। ਜਿਸ ਤੋਂ ਬਾਅਦ ਹਨੀ ਬਾਲਾ ਵੱਖ-ਵੱਖ ਥਾਵਾਂ 'ਤੇ ਹੈਰੋਇਨ ਦੀ ਸਪਲਾਈ ਕਰਦੀ ਸੀ। ਸੂਤਰਾਂ ਮੁਤਾਬਕ ਹਨੀ ਬਾਲਾ ਹੁਣ ਤੱਕ ਕਰੀਬ100 ਥਾਵਾ 'ਤੇ ਹੈਰੋਇਨ ਦੀ ਸਪਲਾਈ ਕਰ ਚੁੱਕੀ ਹੈ। ਥਾਣਾ ਬਿਆਸ ਪੁਲਿਸ ਨੇ ਉਸ ਨੂੰ ਤਿੰਨ ਦਿਨਾਂ ਦੀ ਰਿਮਾਂਡ 'ਤੇ ਲੈ ਕੇ ਸਾਰੀ ਜਾਂਚ ਕਰ ਰਹੀ ਹੈ।
ਜੇਲ੍ਹ 'ਚ ਬੰਦ ਖਤਰਨਾਕ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਅਤੇ ਬੋਬੀ ਮਲਹੋਤਰਾ ਦਾ ਖਤਰਨਾਕ ਸਾਥੀ ਹੈ ਖਤਰਨਾਕ ਅਕੁਲ ਖਤਰੀ। ਖੱਤਰੀ ਨਾਮ ਤੋਂ ਮਸ਼ਹੂਰ ਗੈਂਗਸਟਰ ਅਕੁਲ ਖਤਰੀ ਜਿੱਥੇ ਕਈ ਵਾਰਦਾਤਾਂ ਨੂੰ ਅੰਜਾਮ ਦੇ ਚੁੱਕਿਆ ਹੈ ਉੱਥੇ ਹੀ ੳੇੁਸ ਦੀ ਮਾਂ ਹਨੀ ਬਾਲਾ ਨੂੰ ਵਾਟਸਐਪ ਦੇ ਜਰੀਏ ਕਾਲ ਕਰਨ ਦੀ ਸਚਾਈ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਬਿਆਸ ਪੁਲਿਸ ਅਕੁਲ ਖਤਰੀ ਨੂੰ ਵੀ ਪ੍ਰੋਡਕਸ਼ਨ ਵਾਰੰਟ 'ਤੇ ਲਿਆਉਣ ਦੀ ਤਿਆਰੀ 'ਚ ਹੈ।
ਇਸ ਦੌਰਾਨ ਬਿਆਸ ਪੁਲਿਸ ਗੈਂਗਸਟਰ ਅਕੁਲ ਤੋਂ ਹੈਰੋਇਨ ਤਸਕਰੀ ਬਾਰੇ ਪੁੱਛ ਗਿਛ ਕਰੇਗੀ ਨਾਲ ਹੀ ਏਐਸਆਈ ਨੇ ਦਸੀਆ ਕਿ ਉਸ ਕੋਲ ਜੇਲ੍ਹ 'ਚ ਮੋਬਾਈਲ ਕਿਵੇਂ ਆਇਆ, ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ। ਇਸ ਸੰਬਧ 'ਚ ਪੁਲਿਸ ਜਿਲ੍ਹਾ ਮਜੀਠਿਆ ਦੇ ਐਸਐਸਪੀ ਪਰਮਪਾਲ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਜੋ ਵੀ ਸੱਚਾਈ ਹੋਵੇਗੀ, ਸਾਰੀ ਸਾਹਮਣੇ ਲਿਆ ਕੇ ਰੱਖ ਦਿਤੀ ਜਾਵੇਗੀ।