ਕੈਪਟਨ ਨੇ ਨੀਰਜ ਲਈ ਕੀਤਾ 2 ਕਰੋੜ ਰੁਪਏ ਦੇ ਇਨਾਮ ਦਾ ਐਲਾਨ

ਚੰਡੀਗੜ੍ਹ, (ਭੁੱਲਰ): ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਨੀਰਜ ਚੋਪੜਾ ਨੂੰ ਭਾਰਤ ਲਈ ਪਹਿਲਾ ਸੋਨ ਤਮਗਾ ਜੈਵਲਿਨ ਥਰੋ ਵਿਚ ਜਿੱਤਣ 'ਤੇ ਵਧਾਈ ਦਿਤੀ ਹੈ | ਉਨ੍ਹਾਂ ਨੀਰਜ ਦੇ ਪੰਜਾਬੀ ਮੁੰਡਾ ਹੋਣ ਦਾ ਖ਼ਾਸ ਤੌਰ ਤੇ ਜ਼ਿਕਰ ਕੀਤਾ ਅਤੇ ਪੰਜਾਬ ਦਾ ਅਥਲੀਟ ਨਾ ਹੋਣ ਦੇ ਬਾਵਜੂਦ, ਨੀਰਜ ਚੋਪੜਾ ਨੂੰ 2 ਕਰੋੜ ਰੁਪਏ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ | ਕੈਪਟਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰ ਕੇ ਕਿਹਾ ਕਿ ਫ਼ੌਜ ਦੇ ਸਿਪਾਹੀ ਨੀਰਜ ਨੇ ਵਿਅਕਤੀਗਤ ਵਰਗ ਵਿਚ ਅਥਲੈਟਿਕਸ ਵਿਚ ਭਾਰਤ ਨੂੰ ਸੋਨ ਤਮਗ਼ਾ ਦਿਵਾ ਕੇ ਪੂਰੇ ਦੇਸ਼ ਦਾ ਦੁਨੀਆਂ ਵਿਚ ਸਿਰ ਉੱਚਾ ਕੀਤਾ ਹੈ |