ਮੋਗਾ: ਦਿਲ ਨੂੰ ਦਹਿਲਾਉਣ ਵਾਲੀਆਂ ਕੁੱਝ ਤਸਵੀਰਾਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀਆਂ ਹਨ। ਇਹ ਤਸਵੀਰਾਂ ਮੋਗਾ ਦੇ ਪਿੰਡ ਸਿੰਘਾ ਵਾਲਾ ਦੀਆਂ ਹਨ ਜਿਥੇ ਅੱਖ ਝਪਕਦਿਆਂ ਹੀ ਵੱਡਾ ਹਾਦਸਾ ਵਾਪਰ ਗਿਆ। ਜਿਸ ਨੂੰ ਦੇਖ ਤੁਹਾਡੀ ਵੀ ਰੂਹ ਕੰਬ ਉਠੇਗੀ ਤੇ ਵਾਰ ਵਾਰ ਮੂੰਹ ਚੋਂ ਬਸ ਰੱਬ ਦਾ ਨਾਮ ਹੀ ਨਿਕਲੇਗਾ ਕਿਉਂਕਿ ਤਸਵੀਰਾਂ ਹੈ ਹੀ ਇੰਨੀਆਂ ਹੌਲਨਾਕ ਹਨ। ਇਹ ਹਾਦਸੇ ਦੀ ਸਾਰੀ ਘਟਨਾ ਇਕ ਦੁਕਾਨ ‘ਚ ਲੱਗੇ ਸੀਸੀਟੀਵੀ ਕੈਮਰੇ ਵਿਚ ਕੈਦ ਹੋ ਗਈ।
ਤਸਵੀਰਾਂ ਵਿਚ ਤੁਸੀਂ ਦੇਖ ਸਕਦੇ ਹੋ ਕਿ ਸੜਕ ‘ਤੇ ਲੋਕ ਆਪੋ ਆਪਣੇ ਰਸਤੇ ਜਾ ਰਹੇ ਹਨ। ਇਸੇ ਦੌਰਾਨ ਇਕ ਸਾਇਕਲ ਉਪਰ ਬੱਚਾ ਆਉਂਦਾ ਦਿਖਾਈ ਦਿੰਦਾ ਹੈ ਤੇ ਉਸ ਦੇ ਪਿੱਛੇ ਹੀ ਇਕ ਮੋਟਰਸਾਇਕਲ ਆ ਰਿਹਾ ਹੈ ਜਿਵੇਂ ਹੀ ਬੱਚਾ ਇਕਦਮ ਮੁੜਦਾ ਹੈ ਤਾਂ ਮੋਟਰਸਾਇਕਲ ਦੀ ਲਪੇਟ ਵਿਚ ਆ ਜਾਂਦਾ ਹੈ। ਇਸ ਤੋਂ ਬਾਅਦ ਮੋਟਰਸਾਈਕਲ ਸਵਾਰ ਤਿੰਨੇ ਦੂਰ ਜਾ ਕੇ ਡਿੱਗ ਜਾਂਦੇ ਨੇ ਤੇ ਸੁਖਰਾਜ ਉਥੇ ਹੀ ਪਿਆ ਰਿਹਾ।
ਹਾਦਸੇ ਤੋਂ ਬਾਅਦ ਸੁਖਰਾਜ ਨੂੰ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੀ ਮੌਤ ਹੋ ਗਈ। ਮੈਂਬਰਾਂ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ 8ਵੀਂ ਜਮਾਤ ਦਾ ਵਿਦਿਆਰਥੀ ਸੁਖਰਾਜ ਅਪਣੇ ਇਕ ਦੋਸਤ ਨਾਲ ਪੈਂਸਿਲ ਲੈਣ ਬਾਜ਼ਾਰ ਸਾਇਕਲ ਉਤੇ ਗਿਆ ਸੀ। ਜਦੋਂ ਉਹ ਰਸਤੇ ਵਿਚ ਮੁੜਨ ਲੱਗਾ ਤਾਂ ਪਿਛੋਂ ਆ ਰਹੇ ਮੋਟਰ ਸਾਈਕਲ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ।
ਦੱਸ ਦਈਏ ਕਿ ਇਹ ਕੋਈ ਪਹਿਲਾਂ ਹਾਦਸਾ ਨਹੀਂ ਇਸ ਤੋਂ ਪਹਿਲਾਂ ਵੀ ਲੋਕਾਂ ਦੀ ਅਣਗਹਿਲੀ ਤੇ ਤੇਜ਼ੀ ਕਾਰਨ ਅਨੇਕਾਂ ਜਾਨਾਂ ਜਾ ਚੁੱਕੀਆਂ ਨੇ ਪਰ ਲੋਕਾਂ ਨੂੰ ਸਾਵਧਾਨ ਹੋਣ ਦੀ ਲੋੜ ਹੈ ਕਿਉਂਕਿ ਉਨ੍ਹਾਂ ਦੀ ਛੋਟੀ ਜਿਹੀ ਗਲਤੀ ਨਾਲ ਜਾਨ ਤੱਕ ਗਵਾਉਂਣੀ ਪੈ ਸਕਦੀ ਹੈ। ਮੁਕਤਸਰ ਦੇ ਪਿੰਡ ਵੜਿੰਗ ਨੇੜੇ ਵਾਪਰੇ ਇਕ ਸੜਕ ਹਾਦਸੇ ਵਿਚ ਚਾਰ ਨੌਜਵਾਨਾਂ ਦੀ ਮੌਤ ਹੋ ਗਈ। ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਨੌਜਵਾਨ ਮੋਟਰਸਾਈਕਲ ਉਤੇ ਸਵਾਰ ਹੋ ਕੇ ਮੁਕਤਸਰ ਵੱਲ ਜਾ ਰਹੇ ਸਨ।
ਮੁਕਤਸਰ ਸਾਹਿਬ ਤੋਂ ਕੋਟਕਪੂਰਾ ਵੱਲ ਜਾ ਰਹੀ ਬੱਸ ਹੇਠਾਂ ਆ ਗਏ। ਮੋਟਰਸਾਈਕਲ ਸਵਾਰ ਜਦੋਂ ਟਰੱਕ ਨੂੰ ਓਵਰਟੇਕ ਕਰ ਰਹੇ ਸਨ ਤਾਂ ਬੱਸ ਹੇਠਾਂ ਆ ਗਏ। ਮੌਕੇ ਉਤੇ ਹੀ ਨੌਜਵਾਨਾਂ ਦੀ ਮੌਤ ਹੋ ਗਈ। ਹਾਦਸੇ ਦਾ ਪਤਾ ਚਲਦਿਆਂ ਹੀ ਮੌਕੇ ਪੁਲਿਸ ਮੌਕੇ ਉਤੇ ਪਹੁੰਚ ਗਈ। ਦੂਜੇ ਪਾਸੇ ਨੌਜਵਾਨਾਂ ਦੇ ਪਰਿਵਾਰ ਨੇ ਸੜਕ ਉਤੇ ਜਾਮ ਲਗਾ ਦਿੱਤਾ। ਪ੍ਰਦਰਸ਼ਨਕਾਰੀਆਂ ਮੰਗ ਕਰ ਰਹੇ ਸਨ ਕਿ ਬੱਸ ਚਾਲਕ ਉਤੇ ਕੇਸ ਦਰਜ ਕੀਤਾ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।