ਮੁੰਬਈ ਹਮਲੇ ਦੇ ਮਾਸਟਰਮਾਈਂਡ ਲਖਵੀ ਨੂੰ 15 ਸਾਲ ਦੀ ਕੈਦ

ਇਸਲਾਮਾਬਾਦ, 8 ਜਨਵਰੀ : ਮੁੰਬਈ ਹਮਲੇ ਦਾ ਸਰਗਨਾ ਤੇ ਲਸ਼ਕਰ-ਏ-ਤੋਇਬਾ ਦੇ ਕਮਾਂਡਰ ਜਕੀ ਉਰ ਰਹਿਮਾਨ ਲਖਵੀ ਨੂੰ ਪਾਕਿਸਤਾਨ ਦੀ ਇਕ ਅਦਾਲਤ ਨੇ ਅਤਿਵਾਦ ਨੂੰ ਫ਼ੰਡਿੰਗ ਮਾਮਲੇ ’ਚ 15 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ। ਬੀਤੇ ਦਿਨੀਂ ਲਖਵੀ ਨੂੰ ਅਤਿਵਾਦੀ ਸਰਗਰਮੀਆਂ ਲਈ ਧਨ ਮੁਹਈਆ ਕਰਵਾਉਣ ਦੇ ਦੋਸ਼ਾਂ ’ਚ ਗਿ੍ਰਫ਼ਤਾਰ ਕੀਤਾ ਗਿਆ ਸੀ। ਉਸ ਨੂੰ ਅਤਿਵਾਦ ਰੋਕੂ ਵਿਭਾਗ ਯਾਨੀ ਸੀਟੀਡੀ ਨੇ ਗਿ੍ਰਫ਼ਤਾਰ ਕੀਤਾ ਸੀ। ਲਖਵੀ ਮੁੰਬਈ ਹਮਲਾ ਮਾਮਲੇ ’ਚ ਸਾਲ 2015 ਤੋਂ ਹੀ ਜਮਾਨਤ ’ਤੇ ਸੀ ਪਰ ਐੱਫਏਟੀਐੱਫ ਦੇ ਡਰ ਤੇ ਕੌਮਾਂਤਰੀ ਦਬਾਅ ਤਹਿਤ ਪਾਕਿਸਤਾਨੀ ਸਰਕਾਰ ਨੂੰ ਆਖ਼ਰਕਾਰ ਉਸ ’ਤੇ ਸ਼ਿਕੰਜਾ ਕੱਸਣਾ ਪਿਆ। ਪੰਜਾਬ ਦੇ ਅਤਿਵਾਦ ਰੋਕੂ ਵਿਭਾਗ ਯਾਨੀ ਸੀਟੀਡੀ ਪੰਜਾਬ ਦੀ ਖੁਫ਼ੀਆ ਸੂਚਨਾ ’ਤੇ ਇਕ ਮੁਹਿੰਮ ਤੋਂ ਬਾਅਦ ਲਖਵੀ ਨੂੰ ਅਤਿਵਾਦੀ ਸਰਗਰਮੀਆਂ ਲਈ ਧਨ ਮੁਹਈਆ ਕਰਵਾਉਣ ਦੇ ਦੋਸ਼ਾਂ ਤਹਿਤ ਗਿ੍ਰਫ਼ਤਾਰ ਕੀਤਾ ਗਿਆ ਸੀ। ਬੀਤੇ ਦਿਨੀਂ ਪਾਕਿਸਤਾਨ ਦੇ ਪੰਜਾਬ ਸੂਬੇ ’ਚ ਅਤਿਵਾਦ ਰੋਕੂ ਵਿਭਾਗ ਯਾਨੀ ਸੀਟੀਡੀ ਦੇ ਅਧਿਕਾਰੀਆਂ ਨੇ ਲਖਵੀ ਤੋਂ ਪੁਛਗਿੱਛ ਵੀ ਕੀਤੀ ਸੀ। ਸੰਯੁਕਤ ਰਾਸ਼ਟਰ ਵੀ ਮੁੰਬਈ ਹਮਲੇ ਦੇ ਮੁੱਖ ਸਾਜਸ਼ਘਾੜੇ ਤੇ ਅਤਿਵਾਦੀ ਸੰਗਠਨ ਲਸ਼ਕਰ-ਏ-ਤੋਇਬਾ ਦੇ ਕਮਾਂਡਰ ਜਕੀਉਰ ਰਹਿਮਾਨ ਲਖਵੀ ਨੂੰ ਅਤਿਵਾਦੀ ਐਲਾਨ ਰਖਿਆ ਹੈ।    (ਏਜੰਸੀ)