116 ਸਾਲ ਦੀ ਬਾਬਾ ਪਾ ਰਿਹਾ ਨੌਜਵਾਨ ਪੀੜ੍ਹੀ ਨੂੰ ਮਾਤ
ਫੌਜਾ ਰਾਮ ਨੇ ਕਦੇ ਕਿਸੇ ਕਿਸਮ ਦਾ ਨਸ਼ਾ ਨਹੀਂ ਕੀਤਾ
ਮਾਨਸਾ (ਪਰਮਦੀਪ ਰਾਣਾ) ਕਹਿੰਦੇ ਹਨ ਕਿ ਦਿਲ ਹੋਣ ਚਾਹੀਦਾ ਜਵਾਨ ਉਮਰਾਂ ਵਿਚ ਕੀ ਰੱਖਿਆ ਪਰ ਜਿਸ ਬਾਰੇ ਅਸੀਂ ਅੱਜ ਤੁਹਾਨੂੰ ਦੱਸਾਂਗੇ ਉਹ ਇਸਦੇ ਬਿਲਕੁਲ ਉਲਟ ਹੈ ਕਿਉਂਕਿ ਇਥੇ ਗੱਲ ਪੂਰੀ ਉਮਰਾਂ ਦੀ ਹੈ ਮਾਨਸਾ ਦੇ ਪਿੰਡ ਭਾਈ ਦੇਸਾ ਦੀ ਬਾਜ਼ੀਗਰ ਬਸਤੀ ਵਿਚ ਰਹਿਣ ਵਾਲਾ ਬਜ਼ੁਰਗ ਫੌਜਾ ਰਾਮ 116 ਸਾਲ ਦਾ ਹੈ।
ਜਵਾਨ ਬਾਬਾ ਕਹਿੰਦੇ ਸਾਈਕਲ ਚਲਾਉਂਦਾ ਤੇ ਕਦੇ ਦੌੜ ਲਗਾਉਂਦਾ। ਰੋਜ਼ਾਨਾ ਸਪੋਕਸਮੈਨ ਨਾਲ ਗੱਲਬਾਤ ਕਰਦਿਆਂ ਫੌਜਾ ਰਾਮ ਨੇ ਦੱਸਿਆ ਕਿ ਉਸਦਾ ਪੂਰਾ ਮਹੰਤ ਫੌਜਾ ਰਾਮ ਹੈ ਤੇ ਉਹ 1948 ਤੋਂ ਆਪਣੇ ਪੂਰੇ ਪਰਿਵਾਰ ਨਾਲ ਹਿੰਦੁਸਤਾਨ ਆ ਗਿਆ ਸੀ। ਫੌਜਾ ਦਾ ਕਹਿਣਾ ਹੈ ਕਿ ਉਸ ਨੇ ਦੇਸ਼ ਦੀ ਵੰਡ ਦਾ ਦਰਦ ਆਪਣੀਆਂ ਅੱਖਾਂ ਨਾਲ ਵੇਖਿਆ ਹੈ ਉਸ ਸਮੇਂ ਉਸ ਦੀ ਉਮਰ 42 ਸਾਲ ਦੀ ਸੀ। ਉਸਨੇ ਹਿੰਦੂਆਂ ਨੂੰ ਮੁਸਲਮਾਨਾਂ ਨੂੰ ਤੇ ਮੁਸਲਮਾਨਾਂ ਨੂੰ ਹਿੰਦੂਆਂ ਨੂੰ ਮਾਰਦੇ ਹੋਏ ਵੇਖਿਆ।
ਫੌਜਾ ਰਾਮ ਨੇ ਦੱਸਿਆ ਕਿ ਨਹਿਰਾਂ ਖੂਨ ਦੀਆਂ ਭਰੀਆਂ ਆਉਂਦੀਆਂ ਸਨ ਵੇਖ ਕੇ ਡਰ ਲੱਗਦਾ ਸੀ ਕਿ ਹੁਣ ਤਾਂ ਨਹੀਂ ਬਚਦੇ। ਬਸ ਰੱਬ ਨੇ ਬਚਾ ਲਿਆ ਤੇ ਇਧਰ ਆ ਗਏ ਤੇ ਹੁਣ ਆਪਣਾ ਟਾਈਮ ਪਾਸ ਕੀ ਜਾਂਦੇ ਆ। ਉਹਨਾਂ ਦੱਸਿਆ ਕਿ ਮੇਰੇ ਤਿੰਨ ਪੁੱਤਰ ਹਨ ਤੇ ਤਿੰਨੇ ਵਿਆਹੇ ਹੋਏ ਹਨ ਤੇ ਤਿੰਨੇ ਆਪਣੇ ਪਰਿਵਾਰ ਨਾਲ ਖੁਸ਼ੀ ਖੁਸ਼ੀ ਰਹਿ ਰਹੇ ਹਨ। ਆਪਣੀ ਤੰਦਰੁਸਤ ਸਿਹਤ ਦਾ ਰਾਜ ਦੱਸਿਆ ਉਹਨਾਂ ਕਿਹਾ ਕਿ ਨਸ਼ਿਆਂ ਤੋਂ ਦੂਰ ਰਹੋ ਤੇ ਲੋਕਾਂ ਨਾਲ ਵੈਰ ਨਾ ਪਾਓ ਮੋਹ ਪਿਆਰ ਨਾਲ ਰੱਖੋ ਇਸ ਨਾਲ ਹੀ ਅੱਧੀਆਂ ਬੀਮਾਰੀਆਂ ਦੂਰ ਹੋ ਜਾਂਦੀਆਂ ਹਨ।
ਮਾਨਸਾ ਦੇ ਪਿੰਡ ਭਾਈ ਦੇਸਾ ਦੇ ਰਹਿਣ ਵਾਲੇ ਬਜ਼ੁਰਗ ਫੌਜਾ ਰਾਮ ਰੋਜ਼ਾਨਾ ਸਵੇਰੇ ਤਿੰਨ ਵਜੇ ਉੱਠਕੇ ਸੈਰ ਕਰਨ ਲਈ ਜਾਂਦੇ ਹਨ ਅਤੇ ਸਾਈਕਲ ਚਲਾਉਂਦੇ ਹਨ। ਗੱਲਬਾਤ ਕਰਦਿਆਂ ਫੌਜਾ ਸਿੰਘ ਨੇ ਕਿਹਾ ਕਿ ਮੈਂ ਕਦੇ ਕਿਸੇ ਕਿਸਮ ਦਾ ਨਸ਼ਾ ਨਹੀ ਕੀਤਾ ਅਤੇ ਲੋਕਾਂ ਨੂੰ ਵੀ ਇਹੀ ਅਪੀਲ ਕਰਦਾ ਹਾਂ ਕਿ ਨਸ਼ਿਆ ਨੂੰ ਛੱਡ ਆਪਣੀ ਜਵਾਨੀ ਵੱਲ ਧਿਆਨ ਦੇਣ ਤਾਂ ਜੋ ਪੰਜਾਬ ਮੁੜ ਤੋਂ ਸੋਨੇ ਦੀ ਚਿੜੀ ਬਣ ਸਕੇ।
ਉਨ੍ਹਾਂ ਨੌਜਵਾਨਾਂ ਨੂੰ ਸੰਦੇਸ਼ ਦਿੰਦਿਆਂ ਕਿਹਾ ਕਿ ਸਧਾਰਣ ਭੋਜਨ ਹੀ ਖਾਣਾ ਚਾਹੀਦਾ। ਹਰ ਇਕ ਨੂੰ ਆਪਣੇ ਧਰਮ ਵਿਚ ਵਿਸ਼ਵਾਸ ਰੱਖਦੇ ਹੋਏ ਪ੍ਰਮਾਤਮਾ ਦਾ ਨਾਮ ਲੈਣਾ ਚਾਹੀਦਾ ਹੈ। ਉਹਨਾਂ ਦੱਸਿਆ ਕਿ ਉਹਨਾਂ ਨੇ ਆਪਣੀ ਜ਼ਿੰਦਗੀ ਵਿਚ ਬਹੁਤ ਕੁੱਝ ਕੀਤਾ। ਖੇਡਾਂ ਵੀ ਖੇਡੀਆਂ । ਫੌਜਾ ਸਿੰਘ ਨੇ ਦੱਸਿਆ ਕਿ ਉਹਨਾਂ ਨੂੰ ਪਾਕਿਸਤਾਨ ਜੋ ਖੁਰਾਕ ਮਿਲੀ ਉਹ ਖੁਰਾਕ ਉਹਨਾਂ ਨੂੰ ਇਧਰ ਨਹੀਂ ਮਿਲੀ ਕਿਉਂਕਿ ਪਾਕਿਸਤਾਨ ਵਿਚ ਉਹ ਊਠਾਂ ਦਾ ਦੁੱਧ ਪੀਂਦੇ ਸਨ ਜਿਸ ਵਿਚ ਬਹੁਤ ਤਾਕਤ ਹੁੰਦੀ ਹੈ।