ਬੀਤੇ 24 ਘੰਟਿਆਂ 'ਚ ਆਏ ਕੋਰੋਨਾ ਦੇ 39 ਹਜ਼ਾਰ ਨਵੇਂ ਮਾਮਲੇ, 491 ਲੋਕਾਂ ਦੀ ਮੌਤ

ਨਵੀਂ ਦਿੱਲੀ, 8 ਅਗੱਸਤ : ਦੇਸ਼ 'ਚ ਕੋਰੋਨਾ ਵਾਇਰਸ ਦੇ ਮਾਮਲਿਆਂ 'ਚ ਤੇਜ਼ੀ ਤੋਂ ਬਾਅਦ ਫਿਰ ਤੋਂ ਗਿਰਾਵਟ ਆਈ ਹੈ | ਦੇਸ਼ 'ਚ ਕੋਰੋਨਾ ਦੇ ਮਾਮਲਿਆਂ 'ਚ ਲਗਾਤਾਰ ਦੂਜੇ ਦਿਨ ਰਾਹਤ ਦੇਖਣ ਨੂੰ  ਮਿਲੀ ਹੈ | ਦੇਸ਼ 'ਚ ਬੀਤੇ 24 ਘੰਟਿਆਂ 'ਚ ਕੋਰੋਨਾ ਦੇ 39 ਹਜ਼ਾਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ | 
ਕੇਂਦਰੀ ਸਿਹਤ ਮੰਤਰਾਲੇ ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ ਸਨਿਚਰਵਾਰ ਨੂੰ  ਲਾਗ ਦੇ 39,070 ਮਾਮਲੇ ਦਰਜ ਕੀਤੇ ਗਏ | ਇਸ ਨਾਲ ਹੀ ਕੋਰੋਨਾ ਦੇ ਐਕਟਿਵ ਮਾਮਲਿਆਂ 'ਚ 5,372 ਦੀ ਗਿਰਾਵਟ ਹੋਈ ਹੈ | ਸ਼ੁਕਰਵਾਰ ਨੂੰ  ਵੀ ਐਕਟਿਵ ਕੇਸਾਂ 'ਚ 1948 ਦੀ ਕਮੀ ਆਈ ਸੀ | ਬੀਤੇ 24 ਘੰਟਿਆਂ 'ਚ 491 ਲੋਕਾਂ ਦੀ ਲਾਗ ਨਾਲ ਮੌਤ ਹੋਈ ਹੈ, ਜਦਕਿ 43,910 ਲੋਕਾਂ ਨੇ ਇਸ ਬਿਮਾਰੀ ਨੂੰ  ਮਾਤ ਦਿਤੀ ਹੈ | ਰਿਕਵਰੀ ਦਾ ਇਹ ਅੰਕੜਾ 19 ਜੁਲਾਈ ਤੋਂ ਬਾਅਦ ਸੱਭ ਤੋਂ ਜ਼ਿਆਦਾ ਹੈ | ਉਦੋਂ 45,356 ਲੋਕ ਠੀਕ ਹੋਏ ਸਨ |     (ਏਜੰਸੀ)