ਕਰਣ ਘੁੰਮਾਣ ਦੀਆ ਅਕਾਲੀਆਂ ਨਾਲ ਫੋਟੋਆਂ ਹੋਈਆਂ ਵਾਇਰਲ
ਬੀਤੇ ਕੱਲ ਕੈਨੇਡਾ ਵਿਚ ਨਸ਼ਾ ਤਸਕਰੀ ਕਰਨ ਦੇ ਦੋਸ਼ ਵਿਚ ਗਿਰਫ਼ਤਾਰ ਕੀਤੇ ਗਏ ਕਰਣ ਘੁਮਾਣ ਦੀਆ ਅਕਾਲੀ ਦਲ ਬਾਦਲ ਦੇ ਮੁੱਖ ਨੇਤਾਵਾਂ ਨਾਲ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋਇਆ.......
ਚੰਡੀਗੜ੍ਹ : ਬੀਤੇ ਕੱਲ ਕੈਨੇਡਾ ਵਿਚ ਨਸ਼ਾ ਤਸਕਰੀ ਕਰਨ ਦੇ ਦੋਸ਼ ਵਿਚ ਗਿਰਫ਼ਤਾਰ ਕੀਤੇ ਗਏ ਕਰਣ ਘੁਮਾਣ ਦੀਆ ਅਕਾਲੀ ਦਲ ਬਾਦਲ ਦੇ ਮੁੱਖ ਨੇਤਾਵਾਂ ਨਾਲ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋਇਆ ਫੋਟੋਆਂ ਚਰਚਾ ਦਾ ਵਿਸ਼ਾ ਬਣ ਗਈਆਂ ਹਨ। ਪੰਜਾਬ ਸਰਕਾਰ ਦੇ ਪ੍ਰਵਾਸੀ ਭਾਰਤੀ ਕਮਿਸ਼ਨ ਦੇ ਮੈਂਬਰ ਰਹੇ ਕਰਣ ਦੀਆਂ ਸੁਖਬੀਰ ਬਾਦਲ , ਬਿਕਰਮ ਮਜੀਠੀਆ , ਸੁਖਦੇਵ ਸਿੰਘ ਢੀਂਡਸਾ , ਪਰਮਿੰਦਰ ਢੀਂਡਸਾ ਤੇ ਮਨਜੀਤ ਸਿੰਘ ਜੀਕੇ ਨਾਲ ਇਹਨਾਂ ਫੋਟੋਆਂ ਤੇ ਚੰਗੀ ਬਹਿਸ ਵੀ ਛਿੜ ਗਈ ਹੈ, ਹਾਲਾਂਕਿ ਇਹ ਕਿਹਾ ਜਾ ਰਿਹਾ ਹੈ ਕਿ ਕਰਣ ਕਾਂਗਰਸ ਤੇ ਅਕਾਲੀ ਦੋਨਾਂ ਪਾਰਟੀਆਂ ਨਾਲ ਸੰਬੰਧ ਰੱਖਦਾ ਹੈ ।
ਪਰ ਅਕਾਲੀਆਂ ਨਾਲ ਉਸ ਦੀ ਵਾਧੂ ਸਾਂਝ ਹੈ । ਜਿਸ ਕਰਕੇ ਉਹ ਅਕਾਲੀ ਭਾਜਪਾ ਦੀ ਸਰਕਾਰ ਵੇਲੇ ਪ੍ਰਵਾਸੀ ਭਾਰਤੀ ਕਮਿਸ਼ਨ ਦਾ ਪੰਜਾਬ ਵਲੋਂ ਆਨਰੇਰੀ ਮੈਂਬਰ ਵੀ ਲਾਇਆ ਗਿਆ ਸੀ । ਪੰਜਾਬ ਸਰਕਾਰ ਦੇ ਵਜ਼ੀਰ ਬਲਬੀਰ ਸਿੰਘ ਸਿੱਧੂ ਨੇ ਇਸ ਬਾਰੇ ਕਿਹਾ ਕਿ ਕਰਣ ਦੇ ਫੜੇ ਜਾਣ ਨਾਲ ਇਸ ਗੱਲ ਤੇ ਮੋਹਰ ਲੱਗ ਗਈ ਹੈ ਕਿ ਮਜੀਠੀਆ ਨਸ਼ਾ ਤਸਕਰਾਂ ਦਾ ਸਰਗਨਾ ਹੈ । ਉਹ ਹੀ ਪੰਜਾਬ ਵਿਚ ਇਹ ਕਾਰੋਬਾਰ ਕਰ ਰਿਹਾ ਹੈ । ਸਾਹਮਣੇ ਆਈਆਂ ਫੋਟੋਆਂ ਨੇ ਵੀ ਇਹ ਗੱਲ ਸਾਬਿਤ ਕਰ ਦਿੱਤੀ ਹੈ । ਹੁਣ ਇਸ ਵਿਚ ਕੁੱਝ ਵੀ ਛੁਪਿਆ ਨਹੀਂ ਰਹਿ ਗਿਆ ਹੈ ।
ਦੂਜੇ ਪਾਸੇ ਅਕਾਲੀ ਦਲ ਬਾਦਲ ਦੇ ਬੁਲਾਰੇ ਡਾਕਟਰ ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਜਿਹੜਾ ਕਰਣ ਫੜਿਆ ਗਿਆ ਹੈ , ਉਹ ਕਰਣ ਹੋਰ ਹੈ, ਜੋ ਪੰਜਾਬ ਵਿੱਚ ਖੇਡ ਪ੍ਰਮੋਟਰ ਹੈ ਉਹ ਹੋਰ ਹੈ । ਪੰਜਾਬ ਦੇ ਖੇਡ ਪ੍ਰਮੋਟਰ ਦਾ ਕੱਲ ਹੀ ਇਹ ਬਿਆਨ ਆਇਆ ਹੈ ਕਿ ਉਹ ਕਿਸੇ ਵੀ ਤਰਾਂ ਦੇ ਨਸ਼ਾ ਤਸਕਰੀ ਮਾਮਲੇ ਵਿਚ ਗਿਰਫ਼ਤਾਰ ਨਹੀਂ ਕੀਤਾ ਗਿਆ । ਉਸ ਦਾ ਨਾਮ ਬਦਨਾਮ ਕੀਤਾ ਜਾ ਰਿਹਾ ਹੈ । ਚੀਮਾ ਨੇ ਸਾਫ ਕੀਤਾ ਕਿ ਭਾਵੇ ਉਹ ਕੋਈ ਵੀ ਹੋਵੇ ਗ਼ਲਤ ਕੰਮ ਕਾਰਨ ਵਾਲਾ ਤਾ ਭੁਗਤੇਗਾ ਹੀ।