ਮੰਤਰੀ ਜਾਂ ਤਾਂ ਤਾਕਤ ਦਿਖਾਉਣ ਜਾਂ ਅਹੁਦੇ ਛਡ ਕੇ ਪਾਸੇ ਹੋਣ : ਬਿੱਟੂ

ਮੰਤਰੀ ਜਾਂ ਤਾਂ ਤਾਕਤ ਦਿਖਾਉਣ ਜਾਂ ਅਹੁਦੇ ਛਡ ਕੇ ਪਾਸੇ ਹੋਣ : ਬਿੱਟੂ

ਚੰਡੀਗੜ੍ਹ, 10 ਮਈ : ਲੁਧਿਆਣਾ ਤੋਂ ਕਾਂਗਰਸ ਦੇ ਲੋਕ ਸਭਾ ਮੈਂਬਰ ਰਵਨੀਤ ਬਿੱਟੂ ਨੇ ਬੀਤੇ ਦਿਨੀਂ ਪ੍ਰੀ-ਕੈਬਨਿਟ ਮੀਟਿੰਗ 'ਚ ਹੋਏ ਘਟਨਾਕ੍ਰਮ ਬਾਰੇ ਅਪਣੇ ਵਿਚਾਰ ਸਪੱਸ਼ਟ ਕਰਦਿਆਂ ਕਿਹਾ ਕਿ ਜਾਂ ਤਾਂ ਮੰਤਰੀਆਂ ਨੂੰ ਅਪਣੀ ਤਾਕਤ ਦਿਖਾਉਣੀ ਚਾਹੀਦੀ ਹੈ ਅਤੇ ਜੇ ਇਸ ਦੀ ਸਮਰੱਥਾ ਨਹੀਂ ਤਾਂ ਅਹੁਦੇ ਛੱਡ ਕੇ ਪਾਸੇ ਹੋ ਜਾਣ ਕਿਉਂਕਿ ਹੋਰ ਕਈ ਕਾਬਲ ਵਿਧਾਇਕ ਹਨ ਜੋ ਇਹ ਜ਼ਿੰਮੇਵਾਰੀ ਸੰਭਾਲ ਸਕਦੇ ਹਨ।

ਉਨ੍ਹਾਂ ਕਿਹਾ ਕਿ ਮੰਤਰੀਆਂ ਨੂੰ ਮੀਟਿੰਗ 'ਚੋਂ ਇਸ ਤਰ੍ਹਾਂ ਬਾਹਰ ਨਹੀਂ ਸੀ ਆਉਣਾ ਚਾਹੀਦਾ ਬਲਕਿ ਅਫ਼ਸਰਾਂ ਦੀ ਗੱਲ ਸੁਣਨ ਦਾ ਹੌਂਸਲਾ ਹੋਣਾ ਚਾਹੀਦਾ ਸੀ। ਇਸ ਤੋਂ ਬਾਅਦ ਮੀਟਿੰਗ ਅੰਦਰ ਹੀ ਮਾਮਲੇ ਦਾ ਨਬੇੜਾ ਕਰਦੇ। ਅਫ਼ਸਰਾਂ ਨੂੰ ਉਹ ਹਟਵਾ ਸਕਦੇ ਸਨ।