image
ਮੁੰਬਈ, 9 ਅਗੱਸਤ : ਮੁੰਬਈ ਇੰਡੀਅਨਜ਼ ਦੀ ਮਾਲਕਣ ਨੀਤਾ ਅੰਬਾਨੀ ਨੂੰ ਭਾਰਤੀ ਕਿ੍ਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ. ਆਈ.) ਦੇ ਨੈਤਿਕ ਮਾਮਲਿਆਂ ਦੇ ਅਧਿਕਾਰੀ ਵਿਨੀਤ ਸਰਨ ਨੇ ਉਸਦੇ ਵਿਰੁਧ ਹਿੱਤਾਂ ਦੇ ਟਕਰਾਅ ਦੀ ਸ਼ਿਕਾਇਤ ਦਾ ਜਵਾਬ ਦੇਣ ਲਈ ਕਿਹਾ ਹੈ | ਮੱਧ ਪ੍ਰਦੇਸ਼ ਕਿ੍ਕਟ ਐਸੋਸੀਏਸ਼ਨ (ਐਮ. ਪੀ. ਸੀ. ਏ.) ਦੇ ਸਾਬਕਾ ਮੈਂਬਰ ਸੰਜੀਵ ਗੁਪਤਾ ਨੇ ਸ਼ਿਕਾਇਤ ਕੀਤੀ ਸੀ | ਉਸ ਨੇ ਇਹ ਮੁੱਦਾ ਉਠਾਇਆ ਸੀ ਕਿ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐਲ.) ਵਿਚ ਮੁੰਬਈ ਫ੍ਰੈਂਚਾਈਜ਼ੀ ਦੀ ਮਾਲਕਣ ਅੰਬਾਨੀ ਰਿਲਾਇਸ ਇੰਡਸਟ੍ਰੀਜ਼ (ਆਰ. ਆਈ. ਐਲ.) ਦੀ ਵੀ ਡਾਇਰੈਕਟਰ ਹੈ, ਜਿਸ ਦੀ ਸਹਾਇਕ ਕੰਪਨੀ ਵਾਯਕਾਮ 18 ਨੇ ਆਈ. ਪੀ. ਐਲ. ਪ੍ਰਸਾਰਣ ਦੇ ਅਧਿਕਾਰ ਖਰੀਦੇ ਸਨ | ਵਾਯਕਾਮ ਨੇ ਇਹ ਅਧਿਕਾਰ 23,758 ਕਰੋੜ ਰੁਪਏ ਵਿਚ 2023 ਤੋਂ 2027 ਤਕ ਦੀ ਮਿਆਦ ਲਈ ਖਰੀਦੇ ਸਨ | ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਸਰਨ ਨੇ ਸ਼ਿਕਾਇਤ 'ਤੇ ਲਿਖਤੀ ਜਵਾਬ ਦਾਖਲ ਕਰਨ ਲਈ ਅੰਬਾਨੀ ਨੂੰ 2 ਸਤੰਬਰ ਤਕ ਦਾ ਸਮਾਂ ਦਿਤਾ ਹੈ | (ਏਜੰਸੀ)