ਮੁਕਤਸਰ ਸਾਹਿਬ: ਪਿਛਲੀ ਦਿਨੀ ਇਕ ਨਿਜੀ ਸਕੂਲ ਦੀ ਵੀਡੀਓ ਵਾਈਰਲ ਹੋਈ ਸੀ ਜਿਸ ਵਿਚ ਇਕ ਬਾਰਵੀ ਜਮਾਤ ਦਾ ਵਿਦਿਆਰਥੀ ਕਲਾਸ ਵਿੱਚ ਬੈਠਾ ਪੇਪਰ ਦੇਣ ਦੇ ਨਾਲ ਨਾਲ ਪੇਪਰ ਦੀ ਮੋਬਾਈਲ ਤੇ ਵੀਡੀਓ ਬਣਾ ਰਿਹਾ ਸੀ। ਇਸ ਦੀ ਵੀਡੀਓ ਸ਼ੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਹੀ ਸੀ ਤੇ ਜਦ ਇਹ ਮਾਮਲਾ ਸਕੂਲ ਦੇ ਪ੍ਰਿੰਸੀਪਲ ਦੇ ਧਿਆਨ ਵਿਚ ਆਇਆ ਤਾਂ ਪ੍ਰਿੰਸੀਪਲ ਨੇ ਤੁਰੰਤ ਨੋਟਿਸ ਲੈਂਦੀਆਂ ਵਿਦਿਆਰਥੀ ਨੂੰ ਸਕੂਲ ਤੋਂ ਬਾਹਰ ਕੱਢ ਦਿੱਤਾ ਪਰ ਅਧਿਆਪਕ ’ਤੇ ਕੋਈ ਐਕਸ਼ਨ ਨੀ ਲਿਆ।
ਜਦਕਿ ਗਲਤੀ ਅਧਿਆਪਕ ਦੀ ਵੀ ਪੂਰੀ ਸੀ ਕਿਓਂਕਿ ਅਧਿਆਪਕ ਦੇ ਨੱਕ ਹੇਠਾਂ ਵਿਦਿਆਰਥੀ ਇਸ ਤਰਾਂ ਪੇਪਰ ਹਾਲ ਵਿਚ ਫੋਨ ਵਰਤ ਰਿਹਾ ਸੀ ਪਰ ਅਧਿਆਪਕ ਨੂੰ ਕਨੋ ਕੰਨ ਕੋਈ ਖਬਰ ਨਹੀਂ ਸੀ। ਦਰਅਸਲ ਇਹ ਵੀਡੀਓ ਮੁਕਤਸਰ ਸਾਹਿਬ ਦੇ ਸਕੂਲ ਦੀ ਹੈ। ਜਿਥੋਂ ਦੇ 12 ਜਮਾਤ ਦੇ ਚਿਰਾਗ ਨਾਮ ਦੇ ਵਿਦਿਆਰਥੀ ਵਲੋਂ ਪੇਪਰ ਦੇਣ ਦੀ ਵੀਡੀਓ ਬਣਾ ਕੇ ਸ਼ੋਸ਼ਲ ਮੀਡੀਆ ਤੇ ਵਾਇਰਲ ਕਰ ਦਿੱਤੀ ਗਈ ਸੀ।
ਇਸ ਤੋਂ ਬਾਅਦ ਸਕੂਲ ਦੇ ਪ੍ਰਿੰਸਪਿਲ ਨੇ ਵਿਦਿਆਰਥੀ ਨੂੰ ਸਸਪੈਂਡ ਕਰ ਦਿੱਤਾ ਤੇ ਜਦੋ ਇਸ ਮਾਮਲੇ ਸੰਬੰਧੀ ਪ੍ਰਿੰਸੀਪਲ ਨਾਲ ਗੱਲਬਾਤ ਕੀਤੀ ਗਈ ਤਾਂ ਓਹਨਾ ਦੱਸਿਆ ਕਿ ਵਿਦਿਆਰਥੀ ਨੂੰ ਸਕੂਲ ਵਿੱਚੋ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਪ੍ਰੰਤੂ ਜਦੋ ਅਧਿਆਪਕ ਤੇ ਕੋਈ ਐਕਸ਼ਨ ਲੈਣ ਬਾਰੇ ਪੁੱਛਿਆ ਗਿਆ ਤਾਂ ਉਹ ਕੁਝ ਵੀ ਬੋਲਣ ਤੋਂ ਕਤਰਾਉਂਦੇ ਹੋਏ ਵਿਖਾਈ ਦਿੱਤੇ ਇਥੋਂ ਤਕ ਕਿ ਓਹਨਾ ਨੇ ਨਾ ਤਾ ਵਿਦਿਆਰਥੀ ਦਾ ਨਾਮ ਦੱਸਿਆ ਤੇ ਨਾ ਹੀ ਸਕੂਲ ਅਧਿਆਪਕ ਦਾ।
ਬਸ ਕਾਰਵਾਈ ਕੀਤੀ ਜਾਵੇਗੀ ਦਾ ਭਰੋਸਾ ਹੀ ਦਿੱਤਾ। ਦਰਅਸਲ, ਗਲਤੀ ਤਾਂ ਅਧਿਆਪਕ ਦੀ ਵੀ ਸੀ ਕਿਓਂਕਿ ਉਸ ਦੀ ਮੌਜੂਦਗੀ ਵਿਚ ਵਿਦਿਆਰਥੀ ਵਲੋਂ ਮੋਬਾਈਲ ਫੋਨ ਵਰਤਿਆ ਗਿਆ ਪ੍ਰੰਤੂ ਸਕੂਲ ਪ੍ਰਸ਼ਾਸ਼ਨ ਨੇ ਵਿਦਿਆਰਥੀ ਤੇ ਤਾਂ ਐਕਸ਼ਨ ਲਿਆ ਪ੍ਰੰਤੂ ਅਧਿਆਪਕ ਤੇ ਨਹੀਂ ਜੋ ਕਿ ਸਕੂਲ ਦੇ ਪੱਖਪਾਤੀ ਰਵਈਏ ਨੂੰ ਜਾਗ ਜਾਹਿਰ ਕਰ ਰਿਹਾ ਹੈ ਕਿਓਂਕਿ ਗਲਤੀ ਦੋਹਾਂ ਦੀ ਹੈ ਇਸ ਲਈ ਐਕਸ਼ਨ ਵੀ ਦੋਹਾਂ ਧਿਰਾਂ ਤੇ ਹੀ ਲੈਣਾ ਬਣਦਾ ਸੀ। ਹੁਣ ਵੇਖਣਾ ਹੋਵੇਗਾ ਕਿ ਅਖੀਰ ਭਵਿੱਖ ਵਿਚ ਅਧਿਆਪਕ ਤੇ ਕੋਈ ਐਕਸ਼ਨ ਲਿਆ ਜਾਂਦਾ ਹੈ ਜਾਂ ਨਹੀਂ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।