ਇਨਸਾਫ਼ ਨਾ ਮਿਲਣ ਉਤੇ ਮੋਬਾਈਲ ਟਾਵਰ ਉਤੇ ਚੜਿ੍ਹਆ ਵਿਅਕਤੀ, ਖ਼ੁਦਕੁਸ਼ੀ ਕਰਨ ਦੀ ਦਿਤੀ ਧਮਕੀ 

ਸਰਦੂਲਗੜ੍ਹ , 10 ਜਨਵਰੀ (ਸੁਖਵਿੰਦਰ ਨਿੱਕੂ, ਵਿਨੋਦ ਜੈਨ): ਅੱਜ ਉਸ ਸਮੇਂ ਸਰਦੂਲਗੜ੍ਹ ਪੁਲਿਸ ਪ੍ਰਸ਼ਾਸਨ ਨੂੰ ਹੱਥਾਂ-ਪੈਰਾਂ ਦੀ ਪੈ ਗਈ ਜਦੋਂ ਸਰਦੂਲਗਡ੍ਹ ਦਾ ਇਕ ਵਿਅਕਤੀ ਇਨਸਾਫ਼ ਲੈਣ ਲਈ ਮੋਬਾਈਲ ਟਾਵਰ ਉਤੇ ਜਾ ਚੜਿ੍ਹਆ ਅਤੇ  ਖ਼ੁਦਕੁਸ਼ੀ ਕਰਨ ਦੀਆਂ ਧਮਕੀਆਂ ਦੇਣ ਲੱਗਾ | ਤਿੰਨ-ਚਾਰ ਘੰਟਿਆਂ ਦੀ ਮਿਹਨਤ ਤੋਂ ਬਆਦ ਸਰਦੂਲਗੜ੍ਹ ਪੁਲਿਸ ਨੇ ਉਸ ਵਿਅਕਤੀ ਨੂੰ ਇਨਸਾਫ਼ ਦਿਵਾਉਣ ਦਾ ਭਰੋਸਾ ਦਿਵਾਕੇ ਟਾਵਰ ਤੋਂ ਥਲ੍ਹੇ ਉਤਾਰ ਲਿਆ | 
ਜਾਣਕਾਰੀ ਦਿੰਦਿਆਂ  ਜੀਦ (ਹਰਿਆਣਾ) ਦੇ ਰਹਿਣ ਵਾਲਾ ਵਿਕਰਮ ਨਾਮ ਦੇ ਵਿਅਕਤੀ ਜੋ ਹੁਣ ਸਰਦੂਲਗੜ੍ਹ ਵਿਖੇ ਰਹਿ ਰਿਹਾ ਹੈ, ਨੇ ਦਸਿਆ ਕਿ ਉਸ ਨੇ ਪਿੰਡ ਜਟਾਣਾ ਕਲਾਂ ਦੇ ਵਿਅਕਤੀ ਤੋਂ 7 ਲੱਖ ਰੁਪਏ ਦੀ ਜ਼ਮੀਨ ਲਈ ਸੀ | ਪਰ ਉਨ੍ਹਾਂ ਰੁਪਏ ਤਾਂ ਲੈ ਲਏ ਪਰ ਜ਼ਮੀਨ ਉਸ ਦੇ ਨਾਮ ਨਹੀਂ ਕਰਵਾਈ | ਸਰਦੂਲਗੜ੍ਹ ਪੁਲਿਸ ਕੋਲ ਇਸ ਦੀ ਲਿਖਤੀ ਸ਼ਿਕਾਇਤ ਦਿਤੀ ਹੋਈ ਹੈ |
ਡੀ.ਐਸ.ਪੀ. ਸਰਦੂਲਗੜ੍ਹ ਤੇ ਮੋਹਤਵਾਰ ਵਿਅਕਤੀਆਂ ਨੇ ਸਾਡੇ ਵਿਚ 7 ਲੱਖ ਰਕਮ ਦੀ ਥਾਂ 3.5 ਲੱਖ ਰੁਪਏ 11 ਅਕਤੂਬਰ ਨੂੰ ਦੇਣ ਦਾ ਸਮਝੋਤਾ ਵੀ ਹੋਇਆ ਸੀ ਪਰ ਮੇਰੇ ਵਾਰ-ਵਾਰ ਕਹਿਣ ਉਤੇ ਵੀ ਮੈਨੂੰ ਰਕਮ ਨਹੀਂ ਮਿਲ ਰਹੀ ਤੇ ਸਰਦੂਲਗੜ੍ਹ ਪੁਲਿਸ ਮੇਰੇ ਤੋਂ ਵਾਰ-ਵਾਰ ਥਾਣੇ ਗੇੜੇ ਮਰਵਾ ਰਹੀ ਹੈ ਅਤੇ ਮੈਨੂੰ ਇਨਸਾਫ਼ ਨਹੀਂ ਦਵਾ ਰਹੀ ਜਿਸ ਕਰ ਕੇ ਅੱਜ ਮਾ ਅੱਕ ਕੇ ਇਹ ਕਦਮ ਚੁਕਿਆ ਹੈ | ਬਿਕਰਮ ਅਤੇ ਸ਼ਹਿਰ ਵਾਸੀਆਂ ਨੇ ਸਿਵਲ ਅਤੇ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਉਸ ਨੂੰ ਇਨਸਾਫ਼ ਦਵਾਇਆ ਜਾਵੇ |

ਫੋਟੋ ਨੰ: 4,5