ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਵਲੋਂ ਜ਼ਿਮਨੀ ਚੋਣ ਦੇ ਪ੍ਰਚਾਰ ਦਾ ਆਗਾਜ਼

ਦਿੜ੍ਹਬਾ/ ਛਾਜਲੀ, 11 ਜੂਨ (ਕੁਲਵਿੰਦਰ ਸਿੰਘ ਰਿੰਕਾ): ਅੱਜ ਪਿੰਡ ਛਾਜਲੀ ਵਿਖੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾਂ ਲੋਕ ਸਭਾ ਹਲਕਾ ਸੰਗਰੂਰ ਜ਼ਿਮਨੀ ਚੋਣ ਮੈਦਾਨ ਵਿਚ ਖੜ੍ਹੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਗੁਰਮੇਲ ਸਿੰਘ ਘਰਾਚੋਂ ਦੇ ਹੱਕ ਵਿਚ ਆਪ ਪ੍ਰਧਾਨ ਗੁਰਬਿਆਸ ਸਿੰਘ ਖੰਗੂੜਾ ਦੇ ਘਰ ਪੁੱਜੇ। ਗੁਰਬਿਆਸ ਸਿੰਘ ਖੰਗੂੜਾ ਨੇ ਸਿਰਪਾਉ ਦੇ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਮੌਕੇ ਉਨ੍ਹਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਹਲਕੇ ਦੇ ਰਹਿੰਦੇ ਕੰਮ ਇਸ ਚੋਣ ਮੁਹਿੰਮ ਦੌਰਾਨ ਸਮੀਖਿਆ ਕਰ ਸਰਕਾਰ ਦੇ ਧਿਆਨ ਵਿਚ ਲਿਆਉਣਗੇ। ਉਨ੍ਹਾਂ ਕਿਹਾ ਕਿ ਸਾਡੀ ਸਰਕਾਰ ਵਲੋਂ ਜਾਰੀ ਨਜਾਇਜ਼ ਕਬਜ਼ੇ ਸੰਬੰਧੀ ਚਲਾਈ ਮੁਹਿੰਮ ਨੂੰ ਭਰਪੂਰ ਹੁੰਗਾਰਾ ਮਿਲ ਰਿਹਾ ਹੈ। ਚੋਣ ਮੁਹਿੰਮ ਸਬੰਧੀ ਪੁੱਛੇ ਸਵਾਲ ਦਾ ਉਤਰ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਸਾਡੀ ਚੋਣ ਮੁਹਿੰਮ ਸਿਖ਼ਰਾਂ ’ਤੇ ਹੈ ਤੇ ਪੈ ਰਹੀ ਗਰਮੀ ਤੋਂ ਵੀ ਵੱਧ ਗਰਮ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਤਪਿੰਦਰ ਸਿੰਘ ਸੋਹੀ, ਗੁਰਬਿਆਸ ਸਿੰਘ ਖੰਗੂੜਾ ਆਪ ਪ੍ਰਧਾਨ, ਆਪ ਆਗੂ ਕਰਮਜੀਤ ਸਿੰਘ ਨਾਜ਼ਰ, ਆਪ ਆਗੂ ਮਹਿੰਦਰ ਸਿੰਘ ਉਰਫ ਮਿੱਠੂ, ਜਗਪਾਲ ਸਿੰਘ ਖੰਗੂੜਾ ਸਰਕਲ ਇੰਚਾਰਜ, ਸੁਖਵਿੰਦਰ ਸਿੰਘ ਸੁੱਖੂ, ਆਪ ਯੂਥ ਆਗੂ ਦੀਪ ਕੰਬੋਜ ਛਾਜਲੀ, ਸਤਗੁਰ ਸਿੰਘ ਪੂਨੀਆ, ਮੇਜ਼ਰ ਸਿੰਘ ਪੂਨੀਆ, ਪ੍ਰਧਾਨ ਮੇਜ਼ਰ ਸਿੰਘ ਧਾਲੀਵਾਲ, ਹਰਬੰਸ ਸਿੰਘ ਕਾਲਾ, ਹਰਵਿੰਦਰ ਸਿੰਘ ਜਸਿੈਕਟਰੀ, ਜੱਸੀ ਬੱਲ, ਜੱਗਾ ਪੂਨੀਆ ਪੰਚ ਅਤੇ ਹੋਰ ਪਤਵੰਤੇ ਪਿੰਡ ਛਾਜਲੀ ਵਾਸੀ ਹਾਜ਼ਰ ਸਨ।   
ਫੋਟੋ 11-15