Photo

ਡੇਰਾਬਸੀ : ਸਮਗੋਲੀ ਪਿੰਡ ਵਿਚ ਉਸ ਸਮੇਂ ਪੰਚਾਇਤ ਅਤੇ ਲੋਕਾਂ ਵਿਚ ਖੁਸ਼ੀ ਦਾ ਮਾਹੌਲ ਦੇਖਣ ਨੂੰ ਮਿਲਿਆ, ਜਦੋਂ ਅਦਾਲਤੀ ਫੈਸਲੇ ਤੋਂ ਸਾਢੇ ਪੰਜ ਸਾਲ ਬਾਅਦ 57 ਬਿੱਘੇ 15 ਵੀਸਵੇ ਪੰਚਾਇਤੀ ਜ਼ਮੀਨ ਨਜਾਇਜ਼ ਕਬਜੇ ਤੋਂ ਮੁਕਤ ਹੋਈ। ਕਬਜਾ ਮੁਕਤ ਹੋਈ ਇਸ ਜਮੀਨ ਦੀ ਬੋਲੀ ਕਰ ਹੁਣ ਪੰਚਾਇਤ ਆਪਣੀ ਆਮਦਨ ਵਿਚ ਵਾਧਾ ਕਰ ਸਕਦੀ ਹੈ।

ਦੱਸ ਦੱਈਏ ਕਿ ਪਿੰਡ ਸਮਗੋਲੀ ਦੀ ਸ਼ਾਮਲਾਟ ਦੇ ਜਮੀਨ 106 ਬਿੱਘੇ ਅਤੇ 7 ਵਿਸਵੇ ਤੇ ਅਲੱਗ-ਅਲੱਗ ਵਿਅਕਤੀਆਂ ਦਾ ਕਬਜਾ ਸੀ। ਜਿਸ ਤੋਂ ਬਾਅਦ ਇਸ ਸਬੰਧੀ ਜ਼ਿਲਾ ਵਿਕਾਸ ਅਤੇ ਪੰਚਾਇਤ ਅਫਸਰ ਐਸਏਐਸ ਨਗਰ ਦੀ ਅਦਾਲਤ ਵਿਚ ਦਾਇਰ ਕੀਤੀ ਗਈ ਸੀ। ਜਿਸ ਤੋਂ ਬਾਅਦ ਅਦਾਲਤ ਦੇ ਵੱਲੋਂ ਗ੍ਰਾਮ ਪੰਚਾਇਤ ਦੇ ਹੱਕ ਵਿਚ ਫੈਸਲਾ ਮਿਤੀ 9.12.2014 ਨੂੰ ਕਰ ਦਿੱਤਾ ਸੀ।

ਉਧਰ ਇਸ ਮਾਮਲੇ ਬਾਰੇ ਜਾਣਕਾਰੀ ਦਿੰਦਿਆਂ ਏਡੀਸੀ ਮੁਹਾਲੀ ਅੰਸ਼ਿਕਾ ਜੈਨ  ਨੇ ਦੱਸਿਆ ਕਿ ਉਚ ਆਦਾਲਤ ਦੇ ਵੱਲੋਂ ਮਿਤੀ: 3.6.2015 ਨੂੰ ਕਬਜਾ ਲੈਣ ਲਈ ਵਰੰਟ ਕਬਜ਼ਾ ਜ਼ਾਰੀ ਕੀਤਾ ਸੀ। ਜਿਸ ਤੋਂ ਬਾਅਦ ਮਿਤੀ 10.6.2020 ਨੂੰ ਮਾਲ ਵਿਭਾਗ ਦੀ ਹਾਜ਼ਰੀ ਵਿਚ ਅਤੇ ਪੁਲਿਸ ਸਮੇਤ ਨਜਾਇਜ਼ ਕਬਜੇਦਾਰਾਂ ਤੋਂ ਉਕਤ ਜਮੀਨ ਵਿਚੋਂ 57 ਬਿੱਘੇ, 16 ਵਿਸਵੇ ਦਾ ਕਬਜਾ ਗ੍ਰਾਮ ਪੰਚਾਇਤ ਨੂੰ ਦਵਾਇਆ ਗਿਆ।

ਇਸ ਤੋਂ ਇਲਾਵਾ ਬਾਕੀ ਜਮੀਨ ਗੈਰ-ਮੁਮਕੀਨ ਹੈ ਜਿਸ ਚ ਵਾਟਰ-ਵਰਕ, ਸਕੂਲ, ਸ਼ਮਸ਼ਾਨਘਾਟ ਅਤੇ ਖੂਹ ਆਦਿ ਹਨ। ਜਿਸ ਦਾ ਕਬਜਾ ਗ੍ਰਾਮ ਪੰਚਾਇਤ ਦੇ ਕੋਲ ਪਹਿਲਾਂ ਤੋਂ ਹੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।