ਪੰਜਾਬ 'ਚ ਆਉਣ ਵਾਲੇ ਕੁੱਲ ਟੂਰਿਸਟ 'ਚੋਂ 73 ਫ਼ੀਸਦੀ ਜਾਂਦੇ ਨੇ ਅੰਮ੍ਰਿਤਸਰ
ਸਾਲ 2021 ਵਿਚ ਅੰਮ੍ਰਿਤਸਰ ਗਏ 1.97 ਕਰੋੜ ਟੂਰਿਸਟ
ਅੰਮ੍ਰਿਤਸਰ - ਪੰਜਾਬ ਦਾ ਸ਼ਹਿਰ ਅੰਮ੍ਰਿਤਸਰ ਜਿੱਥੇ ਜ਼ਿਆਦਾਤਰ ਲੋਕ ਸ੍ਰੀ ਦਰਬਾਰ ਸਾਹਿਬ ਮੱਥਾ ਟੇਕਣ ਜਾਂਦੇ ਹਨ। ਹਰ ਸਾਲ ਵੱਡੀ ਗਿਣਤੀ ਵਿਚ ਟੂਰਿਸਟ ਇੱਥੇ ਪਹੁੰਚਦੇ ਹਨ ਤੇ ਇਸ ਵਾਰ ਜਾਰੀ ਹੋਏ ਅੰਕੜਿਆਂ ਮੁਤਾਬਕ ਪਿਛਲੇ ਸਾਲ ਕੁੱਲ 1.97 ਕਰੋੜ ਮਤਲਬ 73 ਫ਼ੀਸਦੀ ਟੂਰਿਸਟ ਇੱਥੇ ਪਹੁੰਚੇ। ਪਿਛਲੇ ਸਾਲ ਪੰਜਾਬ ਵਿਚ ਕੁੱਲ 2.69 ਕਰੋੜ ਟੂਰਿਸਟ ਆਏ ਸਨ ਇਹਨਾਂ ਵਿਚੋਂ ਸਿਰਫ਼ 27 ਫ਼ੀਸਦੀ ਪੰਜਾਬ ਦੇ ਹੋਰ ਹਿੱਸਿਆਂ ਵਿਚ ਪਹੁੰਚੇ।
ਪੰਜਾਬ ਆਉਣ ਵਾਲੇ ਇਕ ਚੌਥਾਈ ਟੂਰਿਸਟ ਵਾਹਗਾ ਬਾਰਡਰ 'ਤੇ ਹੀ ਜਾ ਰਹੇ ਹਨ। ਇਸ ਤੋਂ ਪਹਿਲਾਂ ਸਾਲ 2019 ਵਿਚ 71 ਫ਼ੀਸਦੀ ਟੂਰਿਸਟ ਅੰਮ੍ਰਿਤਸਰ ਗਏ ਸਨ ਯਾਨੀ ਕੋਰੋਨਾ ਤੋਂ ਪਹਿਲਾਂ ਪੰਜਾਬ ਵਿਚ ਇਕ ਸਾਲ ਵਿਚ 2019 ਵਿਚ ਹੀ 4.84 ਕਰੋੜ ਟੂਰਿਸਟ ਆਏ ਉਹਨਾਂ ਵਿਚੋਂ 3.43 ਕਰੋੜ ਅੰਮ੍ਰਿਤਸਰ ਪਹੁੰਚੇ।
ਜੇ ਗੱਲ ਕੀਤੀ ਜਾਵੇ ਸਾਲ 2022 ਦੀ ਤਾਂ ਇਹ ਅੰਕੜਾ ਘੱਟ ਹੋ ਕੇ 1.70 ਕਰੋੜ ਤੱਕ ਰਹਿ ਗਿਆ ਤੇ ਉਸ ਵਿਚੋਂ 46 ਫ਼ੀਸਦੀ 78.97 ਲੱਖ ਟੂਰਿਸਟ ਅੰਮ੍ਰਿਤਸਰ ਪਹੁੰਚੇ।
ਉਸ ਤੋਂ ਬਾਅਦ ਟੂਰਿਸਟ ਪਟਿਆਲਾ, ਅਨੰਦਪੁਰ ਸਾਹਿਬ, ਫ਼ਤਹਿਗੜ੍ਹ ਸਾਹਿਬ ਵੀ ਗਏ ਪਰ ਉੱਥੇ ਜਾਣ ਵਾਲੇ ਟੂਰਿਸਟ ਦੀ ਗਿਣਤੀ ਕਾਫ਼ੀ ਘੱਟ ਰਹੀ।
ਦੱਸ ਦਈਏ ਕਿ ਪੰਜਾਬ ਸਰਕਾਰ ਵੀ ਟੂਰਿਸਟ ਸੈਕਟਰ ਨੂੰ ਵਧਾਉਣਾ ਚਾਹੁੰਦੀ ਹੈ ਤਾਂ ਕਿ ਪੰਜਾਬ ਵਿਚ ਨਵੇਂ ਰੁਜ਼ਗਾਰ ਪੈਦਾ ਹੋ ਸਕਣ ਤੇ ਸੂਬੇ ਦੀ ਅਰਥਵਿਵਸਥਾ ਨੂੰ ਵੀ ਹੁਲਾਰਾ ਮਿਲ ਸਕੇ।
ਇਸ ਦੇ ਨਾਲ ਹੀ ਪੰਜਾਬ ਦੀ ਸੈਰ ਸਪਾਟਾ ਮੰਤਰੀ ਅਨਮੋਲ ਗਗਨ ਮਾਨ ਦਾ ਕਹਿਣਾ ਹੈ ਕਿ ਉਹ ਟੂਰਿਸਟ ਸੈਕਟਰ ਵਿਚ ਨਿਵੇਸ਼ ਵਧਾਉਣਾ ਚਾਹੁੰਦੇ ਹਨ ਅਤੇ ਨਾਲ ਹੀ ਪੰਜਾਬ ਵਿਚ ਕਈ ਨਵੇਂ ਟੂਰਿਸਟ ਡੈਸਟੀਨੇਸ਼ਨ ਨੂੰ ਵੀ ਟੂਰਿਸਟ ਦੇ ਸਾਹਮਣੇ ਲਿਆਉਣਾ ਚਾਹੁੰਦੇ ਹਨ।
ਪਿਛਲੇ 10 ਸਾਲਾਂ ਵਿਚ ਪੰਜਾਬ ਆਏ ਟੂਰਿਸਟ ਦਾ ਵੇਰਵਾ
ਸਾਲ ਅੰਮ੍ਰਿਤਸਰ ਪੰਜਾਬ ਫ਼ੀਸਦੀ
2011 11096952 16567596 67%
2012 10072719 19119943 53%
2013 12058034 121544962 56%
2014 15368340 24526751 63%
2015 16924412 6038728 65%
2016 25462627 39363061 65%
2017 25978495 141401987 63%
2018 26935017 45796030 59%
2019 34369513 48486730 71%
2020 78971613 117051311 46%
2021 197772287 26948568 73%