22 ਮਹੀਨਿਆਂ 'ਚ ਰੇਲ ਹਾਦਸੇ 'ਚ ਕਿਸੇ ਦੀ ਮੌਤ ਨਹੀਂ ਹੋਈ : ਗੋਇਲ

ਨਵੀਂ ਦਿੱਲੀ, 12 ਫ਼ਰਵਰੀ: ਕੇਂਦਰੀ ਰੇਲ ਮੰਤਰੀ ਪਿਊਸ਼ ਗੋਇਲ ਨੇ ਸ਼ੁਕਰਵਾਰ ਨੂੰ  ਦਸਿਆ ਕਿ ਸੁਰੱਖਿਆ 'ਤੇ ਜ਼ਿਆਦਾ ਧਿਆਨ ਦਿਤੇ ਜਾਣ ਕਾਰਨ ਪਿਛਲੇ ਲਗਭਗ 22 ਮਹੀਨਿਆਂ 'ਚ ਰੇਲ ਹਾਦਸਿਆਂ 'ਚ ਕਿਸੇ ਦੀ ਮੌਤ ਨਹੀਂ ਹੋਈ ਹੈ | 
ਰਾਜ ਸਭਾ 'ਚ ਪ੍ਰਸ਼ਨ ਕਾਲ ਦੌਰਾਨ ਮੈਂਬਰਾਂ ਵਲੋਂ ਨਵੇਂ ਪੁਲ ਦੇ ਸਾਂਭ-ਸੰਭਾਲ ਸਬੰਧੀ ਪ੍ਰੋਟੋਕਾਲ ਨੂੰ  ਲੈ ਕੇ ਪੁਛੇ ਸਵਾਲ ਦੇ ਜਵਾਬ 'ਚ ਗੋਇਲ ਨੇ ਕਿਹਾ ਕਿ ਲੰਮੇ ਸਮੇਂ ਤਕ ਲੋੜੀਂਦੇ ਬਜਟ ਦੀ ਘਾਟ ਕਾਰਨ ਸੁਰੱਖਿਆ 'ਤੇ ਧਿਆਨ ਨਹੀਂ ਦਿਤਾ ਗਿਆ | 
ਇਸ ਤੋਂ ਇਲਾਵਾ ਬਜਟ ਦੀ ਵੰਡ ਵੀ ਗ਼ਲਤ ਦਿਸ਼ਾ 'ਚ ਕੀਤੀ ਗਈ ਪਰ ਪਿਛਲੇ ਛੇ ਸਾਲਾਂ 'ਚ ਅਸੀਂ ਸੁਰੱਖਿਆ 'ਤੇ ਧਿਆਨ ਦਿਤਾ ਹੈ | 
ਉਨ੍ਹਾਂ ਕਿਹਾ ਕਿ ਮੈਨੂੰ ਇਹ ਦੱਸਦੇ ਹੋਏ ਖ਼ੁਸ਼ੀ ਹੋ ਰਹੀ ਹੈ ਕਿ ਪਿਛਲੇ 22 ਮਹੀਨਿਆਂ ਦੌਰਾਨ ਰੇਲ ਹਾਦਸੇ ਕਾਰਨ ਕਿਸੇ ਯਾਤਰੀ ਦੀ ਜਾਨ ਨਹੀਂ ਗਈ | ਰੇਲ ਹਾਦਸੇ ਕਾਰਨ ਆਖ਼ਰੀ ਮੌਤ 22 ਮਾਰਚ, 2019 ਨੂੰ  ਹੋਈ ਸੀ | ਗੋਇਲ ਨੇ ਕਿਹਾ ਕਿ ਉਨ੍ਹਾਂ ਨੇ ਪੁਲਾਂ ਦੀ ਸਾਂਭ-ਸੰਭਾਲ ਤੇ ਮੁਰੰਮਤ 'ਤੇ ਜ਼ਿਆਦਾ ਧਿਆਨ ਦਿਤਾ ਹੈ | (ਏਜੰਸੀ)