ਮਾਇਆਵਤੀ ਪੰਜਾਬ 'ਚ ਚੋਣ ਲੜਨ, ਪ੍ਰਕਾਸ਼ ਸਿੰਘ ਬਾਦਲ ਨੇ ਇੱਛਾ ਜ਼ਾਹਰ ਕੀਤੀ
ਮਾਇਆਵਤੀ ਪੰਜਾਬ 'ਚ ਚੋਣ ਲੜਨ, ਪ੍ਰਕਾਸ਼ ਸਿੰਘ ਬਾਦਲ ਨੇ ਇੱਛਾ ਜ਼ਾਹਰ ਕੀਤੀ
image
ਬਠਿੰਡਾ, 12 ਜੂਨ (ਬਲਵਿੰਦਰ ਸ਼ਰਮਾ): ਅੱਜ ਪੰਜਾਬ 'ਚ ਅਕਾਲੀ-ਬਸਪਾ ਗਠਜੋੜ ਦਾ ਐਲਾਨ ਹੁੰਦਿਆਂ ਹੀ ਪ੍ਰਕਾਸ਼ ਸਿੰਘ ਬਾਦਲ ਸਾਬਕਾ ਮੁੱਖ ਮੰਤਰੀ ਪੰਜਾਬ ਨੇ ਇੱਛਾ ਜ਼ਾਹਰ ਕੀਤੀ ਕਿ ਬਸਪਾ ਸੁਪਰੀਮੋ ਮਾਇਆਵਤੀ ਵੀ ਪੰਜਾਬ ਰਾਹੀਂ ਚੋਣ ਮੈਦਾਨ ਵਿਚ ਉਤਰਨ | ਅੱਜ ਇਥੇ ਪ੍ਰਕਾਸ਼ ਸਿੰਘ ਬਾਦਲ ਨੇ ਮਾਇਆਵਤੀ ਨੂੰ ਫ਼ੋਨ ਕਰ ਕੇ ਅਕਾਲੀ ਦਲ ਦਾ ਬਸਪਾ ਨਾਲ ਗਠਜੋੜ ਹੋਣ ਦੀ ਵਧਾਈ ਦਿਤੀ | ਬਾਦਲ ਨੇ ਇਸ ਗਠਜੋੜ 'ਤੇ ਖ਼ੁਸ਼ੀ ਜ਼ਾਹਰ ਕਰਦਿਆਂ ਨਾ ਸਿਰਫ ਮਾਇਆਵਤੀ ਨੂੰ ਪੰਜਾਬ 'ਚ ਦਾਅਵਤ ਦੇਣ ਦੀ ਗੱਲ ਕਹੀ ਬਲਕਿ ਉਨ੍ਹਾਂ ਨੂੰ ਇਥੋਂ ਚੋਣ ਲੜਨ ਲਈ ਵੀ ਸੱਦਾ ਦਿਤਾ | ਉਨ੍ਹਾਂ ਕਿਹਾ ਕਿ ਜਲਦੀ ਹੀ ਗਠਜੋੜ ਦੀ ਖ਼ੁਸ਼ੀ 'ਚ ਵੱਡਾ ਪ੍ਰੋਗਰਾਮ ਵੀ ਉਲੀਕਿਆ ਜਾਵੇਗਾ | ਇਸ ਮੌਕੇ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਤੇ ਹੋਰ ਵੀ ਮੌਜੂਦ ਸਨ | ਸੂਤਰਾਂ ਅਨੁਸਾਰ ਬਸਪਾ ਪੰਜਾਬ ਦੀਆਂ 20 ਸੀਟਾਂ 'ਤੇ ਅਪਣੇ ਉਮੀਦਵਾਰ ਉਤਾਰੇਗੀ |