ਕੇਂਦਰ ਵਲੋਂ ਪੰਜਾਬ ਲਈ 1,176 ਲਿਟਰ ਮਿੱਟੀ ਦਾ ਤੇਲ ਵੰਡਣ ਦੀ ਮਨਜ਼ੂਰੀ

Centre approves distribution of 1,176 litres of kerosene oil to Punjab

ਜਲੰਧਰ: ਕੇਂਦਰ ਸਰਕਾਰ ਨੇ ਪੰਜਾਬ ਨੂੰ 1,176 ਕਿਲੋਲੀਟਰ ਮਿੱਟੀ ਦਾ ਮੇਲ ਦੇਣ ਲਈ ਮਨਜ਼ੂਰੀ ਦੇ ਦਿਤੀ ਹੈ। ਇਹ ਵੰਡ ਪਬਲਿਕ ਡਿਸਟ੍ਰੀਬਿਊਸ਼ਨ ਸਿਸਟਮ (ਪੀ.ਡੀ.ਐਸ.) ਰਾਹੀਂ ਰਾਸ਼ਨ ਡਿਪੂਆਂ ’ਤੇ ਕੀਤੀ ਜਾਵੇਗੀ। ਪੈਟਰੌਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲੇ ਨੇ 12 ਮਾਰਚ ਨੂੰ ਜਾਰੀ ਹੁਕਮਾਂ ਵਿਚ ਕਿਹਾ, ‘‘ਇਹ ਵੰਡ ਘਰੇਲੂ ਪਰਵਾਰਾਂ ਲਈ ਹੈ ਜੋ ਅਜੇ ਵੀ ਖਾਣ-ਪਕਾਉਣ ਅਤੇ ਰੌਸ਼ਨੀ ਲਈ ਮਿੱਟੀ ਦੇ ਤੇਲ ’ਤੇ ਨਿਰਭਰ ਹਨ।’’ ਪੰਜਾਬ ਫੂਡ ਅਤੇ ਸਪਲਾਈਜ਼ ਵਿਭਾਗ ਦੇ ਅਧਿਕਾਰੀਆਂ ਨੇ ਦਸਿਆ ਕਿ, ‘‘ਕੇਂਦਰ ਵਲੋਂ ਐਡ-ਹਾਕ ਵੰਡ ਕੀਤੀ ਗਈ ਹੈ, ਪਰ ਹਾਲੇ ਤਕ ਵਿਸਥਾਰਿਤ ਹਦਾਇਤਾਂ ਨਹੀਂ ਮਿਲੀਆਂ। ਇਹ ਸਪਸ਼ਟ ਨਹੀਂ ਕਿ ਵੰਡ ਸਿਰਫ਼ ਰਾਸ਼ਨ ਡਿਪੂਆਂ ਰਾਹੀਂ ਹੋਵੇਗੀ ਜਾਂ ਤੇਲ ਕੰਪਨੀਆਂ ਦੇ ਪਟਰੌਲ ਪੰਪਾਂ ਰਾਹੀਂ ਵੀ।’’