Sikh Gagagndeep Singh Pollywood

ਅੰਮ੍ਰਿਤਸਰ: ਇਕ ਛੋਟੇ ਬੱਚਾ ਜਿਸ ਦਾ ਨਾਮ ਗਗਨਦੀਪ ਸਿੰਘ ਹੈ ਵੱਲੋਂ ਸ਼੍ਰੀ ਗੁਰੂ ਹਰਗੋਬਿੰਦ ਸਿੰਘ ਜੀ ਨੂੰ ਸਮਰਪਿਤ ਕਵਿਤਾ ਦਾ ਉਚਾਰਨ ਅਪਣੀ ਆਵਾਜ਼ ਰਾਹੀਂ ਕੀਤਾ ਗਿਆ ਸੀ। ਇਸ ਵੀਡੀਓ ਸੋਸ਼ਲ ਮੀਡੀਆ ਤੇ ਬਹੁਤ ਵਾਇਰਲ ਹੋਈ ਹੈ। ਇਸ ਬੱਚੇ ਨਾਲ ਰੋਜ਼ਾਨਾ ਸਪੋਕਸਮੈਨ ਟੀਮ ਨੇ ਰਾਬਤਾ ਕੀਤਾ ਹੈ ਤੇ ਉਸ ਤੋਂ ਜਾਣਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਉਸ ਨੂੰ ਕਦੋਂ ਪਤਾ ਚੱਲਿਆ ਕਿ ਉਹ ਕਥਾ ਵੀ ਕਰ ਸਕਦੇ ਹਨ ਤੇ ਕਵਿਸ਼ਰੀ ਵੀ।

ਇਸ ਬੱਚੇ ਦੀ ਉਮਰ 12 ਸਾਲ ਹੈ ਤੇ ਉਹ 7 ਜਮਾਤ ਵਿਚ ਪੜ੍ਹਦਾ ਹੈ। ਉਸ ਨੇ ਦਸਿਆ ਕਿ ਉਸ ਦੇ ਪਿਤਾ ਫੋਨ ਵਿਚ ਵਾਰਾਂ ਲਗਾ ਦਿੰਦੇ ਸਨ ਤੇ ਉਹ ਉਹਨਾਂ ਨੂੰ ਸੁਣਦਾ ਹੁੰਦਾ ਸੀ ਤੇ ਪੜ੍ਹਦਾ ਵੀ ਸੀ। ਫਿਰ ਉਸ ਨੇ ਇਸ ਨੂੰ ਯਾਦ ਕਰਨੀਆਂ ਸ਼ੁਰੂ ਕੀਤੀਆਂ ਤੇ ਇਕ ਗੁਰਦੁਆਰੇ ਦੇ ਸਮਾਗਮ ਵਿਚ ਉਹਨਾਂ ਨੂੰ ਗਾਉਣ ਦਾ ਮੌਕਾ ਮਿਲਿਆ। ਫਿਰ ਉਸ ਤੋਂ ਬਾਅਦ ਉਸ ਨੂੰ ਮਹਿਸੂਸ ਹੋਇਆ ਹੈ ਕਿ ਉਹ ਵਾਰਾਂ ਤੇ ਕਵਿਤਾਵਾਂ ਵੀ ਗਾ ਸਕਦੇ ਹਨ।

ਉਹਨਾਂ ਦੇ ਮਨ ਵਿਚ ਇਹ ਵਿਚਾਰ ਆਇਆ ਕਿ ਅੱਜ ਦੇ ਨੌਜਵਾਨ ਨਸ਼ਿਆਂ ਵੱਲ ਬਹੁਤ ਭਜ ਰਹੇ ਹਨ ਤੇ ਗੁਰੂ ਦੀ ਬਖ਼ਸ਼ੀ ਸਿੱਖੀ ਤੋਂ ਦੂਰ ਹੁੰਦੇ ਜਾ ਰਹੇ ਹਨ ਇਸ ਲਈ ਉਹ ਕਥਾ ਕਰਨਗੇ ਤੇ ਕਵਿਤਾਵਾਂ, ਵਾਰਾਂ ਵੀ ਗਾਇਆ ਕਰਨਗੇ। ਉਹਨਾਂ ਦੇ ਪਿਤਾ ਨੇ ਉਸ ਦੇ ਵੱਡੇ ਭਰਾ ਨੂੰ ਦਮਦਮੀ ਟਕਸਾਲ ਵਿਚ ਪਾਇਆ ਸੀ ਤੇ ਉਸ ਸਮੇਂ ਉਹ ਛੋਟੇ ਸਨ। ਪਰ ਬਾਅਦ ਵਿਚ ਉਹਨਾਂ ਦੇ ਜ਼ੋਰ ਪਾਉਣ ਤੇ ਉਹਨਾਂ ਦੇ ਪਿਤਾ ਨੇ ਗਗਨਦੀਪ ਸਿੰਘ ਨੂੰ ਵੀ ਦਮਦਮੀ ਟਕਸਾਲ ਵਿਚ ਪਾ ਦਿੱਤਾ।

ਉਸ ਤੋਂ ਬਾਅਦ ਉਹਨਾਂ ਨੇ 5 ਬਾਣੀਆਂ ਦੀ ਸੰਥਿਆ ਲਈ। ਮੌਜੂਦਾ ਸਮੇਂ ਵਿਚ ਉਹ ਜੱਥੇਦਾਰ ਬਾਬਾ ਨੂਰ ਸਿੰਘ ਕੋਲੋਂ ਉਹ ਤਲੀਮ ਹਾਸਲ ਕਰ ਰਹੇ ਹਨ। ਉਹਨਾਂ ਦਾ ਇਹੀ ਟੀਚਾ ਹੈ ਉਹ ਆਖਰੀ ਸਾਹਾਂ ਤਕ ਸਿੱਖੀ ਦਾ ਪ੍ਰਚਾਰ ਹੀ ਕਰਨਗੇ। ਇਸ ਦੇ ਨਾਲ ਹੀ ਉਹਨਾਂ ਨੇ ਹੋਰਨਾਂ ਲੜਕੇ-ਲੜਕੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਵੀ ਗੁਰੂ ਵਾਲੇ ਬਣਨ, ਸਿੱਖੀ ਨਾਲ ਜੁੜਨ ਤੇ ਅਪਣਾ ਜੀਵਨ ਸਫ਼ਲ ਕਰਨ।

ਭਾਈ ਨੂਰ ਸਿੰਘ ਨੇ ਦਸਿਆ ਕਿ ਗਗਨਦੀਪ ਸਿੰਘ ਦਾ ਸੁਭਾਅ ਬਹੁਤ ਹੀ ਵਧੀਆ ਹੈ ਤੇ ਉਹ ਬਹੁਤ ਹੀ ਹਸਮੁੱਖ ਸੁਭਾਅ ਦੇ ਹਨ। ਉਹਨਾਂ ਦੇ ਸਿੱਖਿਆ ਵਿਦਿਆਲੇ ਵਿਚ 25 ਤੋਂ 30 ਬੱਚੇ ਸਿੱਖੀ ਦੀ ਵਿਦਿਆ ਲੈ ਰਹੇ ਹਨ।