ਅੰਮ੍ਰਿਤਸਰ 'ਚ 30 ਸਾਲਾ ਨੌਜਵਾਨ ਦਾ ਗੋਲੀਆਂ ਮਾਰਕੇ ਕਤਲ

ਅੰਮ੍ਰਿਤਸਰ: ਐਤਵਾਰ ਰਾਤ ਨੂੰ ਕੋਟ ਖਾਲਸਾ ਦੇ ਗੁਰੂ ਨਾਨਕਪੁਰਾ ਇਲਾਕੇ ਵਿਚ 30 ਸਾਲ ਦੇ ਪ੍ਰਤਾਪ ਸਿੰਘ ਦੀ ਗੋਲੀਆਂ ਮਾਰਕੇ ਹੱਤਿਆ ਕਰਨ ਦਾ ਦੋਸ਼ੀ ਸਿਮਰਨਜੀਤ ਸਿੰਘ ਆਪਣੇ ਸਾਥੀਆਂ ਸਮੇਤ ਫਰਾਰ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਟੀਮ ਨੇ ਉਸ ਨੂੰ ਫੜਨ ਲਈ ਸੋਮਵਾਰ ਨੂੰ ਕਈ ਜਗ੍ਹਾ ਛਾਪੇ ਮਾਰੇ ਪਰ ਉਹ ਹੱਥ ਨਹੀਂ ਆਇਆ। ਉੱਧਰ ਸੋਮਵਾਰ ਨੂੰ ਪੋਸਟਮਾਰਟਮ ਤੋਂ  ਬਾਅਦ ਪ੍ਰਤਾਪ ਸਿੰਘ ਦੀ ਮ੍ਰਿਤਕ ਦੇਹ ਪਰਵਾਰ ਨੂੰ ਸੌਂਪ ਦਿੱਤੀ ਗਈ। ਫਾਇਰਿੰਗ ਦੇ ਦੌਰਾਨ ਛੱਰੇ ਲੱਗਣ ਨਾਲ ਜਖ਼ਮੀ ਹੋਈ ਪ੍ਰਤਾਪ ਸਿੰਘ ਦੀ ਮਾਂ ਅਤੇ ਪਤਨੀ ਦਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ