ਚੰਡੀਗੜ੍ਹ ‘ਚ ਨਰਸ ਦੇ ਕਾਤਲ ਪ੍ਰੇਮੀ ਨੇ ਟੀਵੀ ਚੈਨਲ ‘ਚ ਆ ਕੇ ਕੀਤਾ ਸਰੈਂਡਰ, ਪੁਲਿਸ ਵੱਲੋਂ ਗ੍ਰਿਫ਼ਤਾਰ
ਸਰਬਜੀਤ ਦੇ ਪਰਵਾਰ ਵਾਲੇ ਮਨਿੰਦਰ ਨਾਲ ਵਿਆਹ ਦੇ ਵਿਰੁਧ ਸਨ
ਚੰਡੀਗੜ੍ਹ- ਸ਼ਹਿਰ ਵਿਚ ਸਾਲ 2020 ਦੀ ਸ਼ੁਰੂਆਤ ਦੇ ਪਹਿਲੇ ਦਿਨ ਉਦਯੋਗਿਕ ਖੇਤਰ ਫੇਸ - 2 ਸਥਿਤ ਹੋਟਲ ਸਕਾਈ ਦੇ ਕਮਰੇ ਵਿਚ ਪ੍ਰੇਮਿਕਾ ਦੀ ਹਤਿਆ ਕਰਨ ਵਾਲੇ ਮਨਿੰਦਰ ਸਿੰਘ ਨੇ ਮੰਗਲਵਾਰ ਚੰਡੀਗੜ੍ਹ ਵਿਚ ਇਕ ਨਿਜੀ ਚੈਨਲ ਦੇ ਸਾਹਮਣੇ ਆ ਕੇ ਅਪਣਾ ਕਬੂਲਨਾਮਾ ਕੀਤਾ ਹੈ। ਜਿਸਦੇ ਬਾਅਦ ਸੈਕਟਰ 31 ਥਾਣਾ ਪੁਲਿਸ ਨੇ ਉਸ ਨੂੰ ਚੈਨਲ ਦੇ ਦਫ਼ਤਰ ਪਹੁੰਚ ਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਮਨਿੰਦਰ ਸਿੰਘ ਨੇ ਕਬੂਲ ਕੀਤਾ ਹੈ ਕਿ ਉਸੇ ਨੇ ਸੰਗਰੂਰ ਦੀ ਰਹਿਣ ਵਾਲੀ ਸਰਬਜੀਤ ਕੌਰ ਦੀ ਹਤਿਆ ਕੀਤੀ ਹੈ। ਉਸਨੇ ਦੱਸਿਆ ਕਿ 8 ਦਸੰਬਰ ਨੂੰ ਸਰਬਜੀਤ ਕੌਰ ਦੇ ਭਰਾ ਦਾ ਵਿਆਹ ਹੋਇਆ ਸੀ। ਇਸ ਵਿਆਹ ਵਿਚ ਕੁਲਵਿੰਦਰ ਸਿੰਘ ਨਾਮ ਦਾ ਨੌਜਵਾਨ ਵੀ ਆਇਆ ਸੀ। ਜਿਸਦੇ ਨਾਲ ਸਰਬਜੀਤ ਦੇ ਵਿਆਹ ਦੀ ਗੱਲਬਾਤ ਚੱਲ ਰਹੀ ਸੀ। ਭਰਾ ਦੇ ਵਿਆਹ ਤੋਂ ਬਾਅਦ ਕੁਲਵਿੰਦਰ ਕੁਵੈਤ ਚਲਾ ਗਿਆ ਸੀ। ਪਰ ਸਰਬਜੀਤ ਹਾਲੇ ਵੀ ਉਸ ਨਾਲ ਗੱਲਬਾਤ ਕਰ ਰਹੀ ਸੀ।
ਸਰਬਜੀਤ ਨੇ ਮਨਿੰਦਰ ਨੂੰ ਦੱਸਿਆ ਸੀ ਕਿ ਉਸਦੇ ਵਿਆਹ ਦੀ ਗੱਲ ਕੁਵਿੰਦਰ ਦੇ ਨਾਲ ਚੱਲ ਰਹੀ ਹੈ। ਮੰਨਿਦਰ ਨੇ ਸਰਬਜੀਤ ਦੇ ਫੋਨ ਵਿਚ ਉਨ੍ਹਾ ਦੇ ਮੈਸਜ ਵੀ ਵੇਖੇ ਸਨ। ਮਨਿੰਦਰ ਨੇ ਦੱਸਿਆ ਕਿ ਇਹੀ ਕਾਰਨ ਸੀ ਜਿਸ ਕਰਕੇ ਉਸਨੇ ਸਰਬਜੀਤ ਦੀ ਹਤਿਆ ਕਰ ਦਿਤੀ। ਮਨਿੰਦਰ ਦੇ ਚੈਨਲ ਵਿਚ ਪਹੁੰਚਣ ਦੀ ਸੂਚਨਾ ਜਦੋਂ ਪੁਲਿਸ ਤਕ ਲੱਗੀ ਤਾਂ ਸੈਕਟਰ 31 ਥਾਣਾ ਮੁਖੀ ਰਾਜਦੀਪ ਸਿੰਘ ਅਪਣੀ ਪੂਰੀ ਟੀਮ ਦੇ ਨਾਲ ਚੈਨਲ ਦੇ ਦਫ਼ਤਰ ਪਹੁੰਚ ਗਏ ਅਤੇ ਉਸ ਨੂੰ ਤੂੰਰਤ ਅਪਣੇ ਕਬਜੇ ਵਿਚ ਲੈਕੇ ਥਾਣੇ ਚੱਲੇ ਗਏ।
ਇਹ ਹੈ ਮਾਮਲਾ- ਮਨਿੰਦਰ ਸਿੰਘ ਅਤੇ ਸਰਬਜੀਤ ਕੌਰ 30 ਦਸੰਬਰ ਦੀ ਸ਼ਾਮ ਨੂੰ ਹੋਟਲ ਵਿਚ ਆਏ ਸਨ । ਉਨ੍ਹਾ ਨੇ ਤੀਜੀ ਮੰਜਲ ਤੇ ਕਮਰਾ ਨੰਬਰ-301 ਬੁੱਕ ਕੀਤਾ। ਹੋਟਲ ਵਿਚ ਬੁਕਿੰਗ ਦੇ ਸਮੇਂ ਮਨਿੰਦਰ ਨੇ ਆਪਣਾ ਡਰਾਇਵਿੰਗ ਲਾਇਸੈਂਸ ਅਤੇ ਆਧਾਰ ਕਾਰਡ ਰਿਕਾਰਡ ਦੇ ਤੌਰ ਤੇ ਜਮਾ ਕਰਵਾ ਕੇ ਦੋ ਦਿਨਾਂ ਲਈ ਕਮਰਾ ਬੁੱਕ ਕਰਵਾਇਆ ਸੀ।
ਇਕ ਜਨਵਰੀ ਦੁਪਹਿਰ 12 ਵਜੇ ਕਮਰੇ ਤੋਂ ਚੈਕਆਉਟ ਲਈ ਬਾਹਰ ਨਾ ਨਿਕਲਣ ਤੇ ਹੋਟਲ ਕਰਮਚਾਰੀਆਂ ਨੇ ਕਮਰੇ ਦੇ ਅੰਦਰ ਲੱਗੇ ਲੈਂਡਲਾਇਨ ਫੋਨ ਤੇ ਕਾਲ ਕਰ ਸੂਚਨਾ ਦੇਣ ਦੀ ਕੋਸ਼ਿਸ਼ ਕੀਤੀ। ਵਾਰ - ਵਾਰ ਫੋਨ ਕਰਨ ਦੇ ਬਾਵਜੂਦ ਅੰਦਰ ਤੋ ਕੋਈ ਜਵਾਬ ਨਾ ਮਿਲਣ ਤੇ ਦੂਜੀ ਚਾਬੀ ਨਾਲ ਕਮਰਾ ਖੋਲ੍ਹਣ ਦਾ ਫੈਸਲਾ ਲਿਆ ਗਿਆ । ਹੋਟਲ ਕਰਮਚਾਰੀਆਂ ਨੇ ਕਮਰਾ ਖੋਲਿਆ ਤਾਂ ਅੰਦਰ ਸਰਬਜੀਤ ਦੀ ਲਾਸ਼ ਪਈ ਹੋਈ ਸੀ ।
ਉਸਦੇ ਮੂੰਹ ਤੋਂ ਝੱਗ ਅਤੇ ਨੱਕ ਤੋਂ ਖੂਨ ਨਿਕਲ ਰਿਹਾ ਸੀ। ਸਰਬਜੀਤ ਦੀ ਹਤਿਆ ਕਰਕੇ ਮਨਿੰਦਰ ਫ਼ਰਾਰ ਹੋ ਚੁੱਕਾ ਸੀ।
ਹੋਟਲ ਵਿਚ ਦਿਤੇ ਪਛਾਣ ਪਤੱਰ ਦੇ ਆਧਾਰ ਤੇ ਨੌਜਵਾਨ ਦੀ ਪਛਾਣ 30 ਸਾਲ ਦਾ ਸੈਕਟਰ-30 ਨਿਵਾਸੀ ਮਨਿੰਦਰ ਸਿੰਘ ਦੇ ਤੌਰ ਤੇ ਹੋਈ ਸੀ, ਜਦੋਂ ਕਿ ਮੁਟਿਆਰ ਦੀ ਪਛਾਣ ਸੰਗਰੂਰ ਨਿਵਾਸੀ ਸਰਬਜੀਤ ਕੌਰ ਦੇ ਤੌਰ ਤੇ ਹੋਈ ਸੀ। ਸਰਬਜੀਤ ਕੌਰ ਮੋਹਾਲੀ ਵਿਚ ਇਕ ਨਿਜੀ ਹਸਪਤਾਲ ਵਿਚ ਨਰਸ ਸੀ।
ਸਰਬਜੀਤ ਦੇ ਪਰਵਾਰ ਵਾਲੇ ਮਨਿੰਦਰ ਨਾਲ ਵਿਆਹ ਦੇ ਵਿਰੁਧ ਸਨ-ਮਨਿੰਦਰ ਨੇ ਦੱਸਿਆ ਕਿ ਸਰਬਜੀਤ ਕੌਰ ਦੇ ਪਰਵਾਰ ਵਾਲੇ ਉਸਦੇ ਵਿਰੁਧ ਸਨ ਅਤੇ ਉਹ ਹਮੇਸ਼ਾਂ ਕਹਿੰਦੇ ਸਨ ਕਿ ਉਹ ਉਨ੍ਹਾ ਦੀ ਜਾਤ ਅਤੇ ਬਰਾਬਰੀ ਦਾ ਨਹੀ ਹੈ। ਦੂਜਾ ਸਰਬਜੀਤ ਦਾ ਝੁਕਾਅ ਕੁਵੈਡ ਵਿਚ ਰਹਿੰਦੇ ਕੁਲਵਿੰਦਰ ਵੱਲ ਹੋ ਗਿਆ ਸੀ। ਮਨਿੰਦਰ ਨੇ ਦੱਸਿਆ ਕਿ ਸਕਾਈ ਹੋਟਲ ਵਿਚ ਜਾਣ ਤੋਂ ਪਹਿਲਾਂ ਦੋਵੇਂ ਜਲੰਧਰ ਵਿਚ ਵੀ ਇਕ ਹੋਟਲ ਵਿਚ ਠਹਿਰੇ ਸਨ। ਇਸਦੇ ਬਾਅਦ ਨਵਾਂ ਸਾਲ ਮਨਾਉਣ ਲਈ ਉਹ ਚੰਡੀਗੜ੍ਹ ਆਏ ਸਨ।