ਦਿੱਲੀ ਵਿੱਚ ਡਟੇ ਕਿਸਾਨਾਂ ਲਈ ਪਿੰਡ ਵਿੱਚ ਮੰਜੇ ਬੁਣਨ ਦਾ ਕੰਮ ਸ਼ੁਰੂ

making cots

ਸੰਗਰੂਰ( ਟੋਨੀ ਸ਼ਰਮਾ) ਦਿੱਲੀ ਦੇ ਬਾਰਡਰ ਉੱਤੇ ਕਿਸਾਨਾਂ ਦਾ ਸੰਘਰਸ਼ ਲਗਾਤਾਰ ਜਾਰੀ ਹੈ। ਪਹਿਲਾਂ ਕੜਕਦੀ ਠੰਡ ਤੇ ਹੁਣ ਗਰਮੀ  ਦੇ ਚਲਦੇ ਕਿਸਾਨਾਂ ਨੂੰ ਦਿੱਲੀ ਦੇ ਬਾਰਡਰਾਂ ਤੇ ਰਹਿਣ ਵਿੱਚ ਮੁਸ਼ਕਿਲ ਆ ਰਹੀ ਹੈ। ਇਸ ਨੂੰ ਲੈ ਕੇ ਬਾਰਡਰ ਤੇ ਮੰਜੇ ਭੇਜਣ ਦਾ ਕੰਮ ਸ਼ੁਰੂ ਹੋ ਚੁੱਕਿਆ ਹੈ।

ਸੰਗਰੂਰ ਦੇ ਪਿੰਡ ਨਗਲਾ ਜਿੱਥੇ ਪਿੰਡ ਦੀਆਂ ਔਰਤਾਂ  ਨੇ ਬੀੜਾ ਚੁੱਕਿਆ ਹੈ ਕਿ ਉਹ ਬਾਰਡਰ ਤੇ ਮੰਜੇ ਬੁਣਨ ਕੇ ਭੇਜਣਗੀਆਂ। ਪਿੰਡ ਦੀਆਂ ਔਰਤਾਂ ਇੱਕ ਜਗ੍ਹਾ ਇਕੱਠੇ ਹੋਕੇ ਵੱਡੇ ਪੱਧਰ ਉੱਤੇ ਮੰਜੇ ਬੁਣ ਰਹੀਆਂ ਹਨ।

ਉਹਨ੍ਹਾਂ ਦਾ ਕਹਿਣਾ ਹੈ ਗਰਮੀ ਦੇ ਚਲਦੇ ਉੱਥੇ ਰਹਿਨਾ ਮੁਸ਼ਕਲ ਹੋ ਰਿਹਾ ਹੈ ਨਾਲ ਹੀ ਮੱਛਰਾਂ  ਨਾਲ ਬੀਮਾਰੀਆਂ ਫੈਲਣ ਦਾ ਖਤਰਾ ਹੈ, ਜਿਸ ਕਰਕੇ ਉੱਥੇ ਮੰਜੇ  ਬੁਣ ਕੇ ਭੇਜੇ ਜਾ ਰਹੇ ਹਨ ਤਾਂ ਜੋ ਸਾਡੇ ਕਿਸਾਨ ਵੀਰ ਉੱਥੇ ਆਰਾਮ ਨਾਲ ਰਹਿ ਸਕਣ।

ਅਸੀਂ 100 ਤੋਂ ਜ਼ਿਆਦਾ ਮੰਜੇ ਬੁਣ ਚੁੱਕੇ ਹਾਂ। ਹੋਰ ਵੀ ਜਿਨ੍ਹੇ ਆਰਡਰ ਆਉਣਗੇ ਅਸੀਂ ਬਣਾ ਕੇ ਦੇਵਾਂਗੇ।  ਮੰਜੇ ਬੁਣ ਵਾਲੀਆਂ ਔਰਤਾਂ ਨੇ ਕਿਹਾ ਕਿ ਪਹਿਲਾਂ ਅਸੀਂ ਸਰਦੀ ਵਿੱਚ ਰਜਾਈਆਂ ਬਣਾਈਆਂ ਸਨ ਤੇ ਹੁਣ ਅਸੀਂ ਮੰਜੇ ਬੁਣ ਦਾ ਕੰਮ ਸ਼ੁਰੂ ਕੀਤਾ ਹੈ।