Hoshiarpur News : ਹੁਸ਼ਿਆਰਪੁਰ ’ਚ ਪਿੰਡ ਦੇ ਸਰਪੰਚ ’ਤੇ ਲੱਕੜ ਮਾਫ਼ੀਏ ਵਲੋਂ ਗੱਡੀ ’ਤੇ ਹਮਲਾ

Hoshiarpur News in Punjabi : ਹੁਸ਼ਿਆਰਪੁਰ ਦੇ ਨਜ਼ਦੀਕੀ ਪਿੰਡ ਸਲੇਰਨ ਦੇ ਪਿੰਡ ਦੇ ਸਰਪੰਚ ’ਤੇ ਦੇਰ ਰਾਤ ਲੱਕੜ ਮਾਫ਼ੀਏ ਵਲੋਂ ਗੱਡੀ ’ਤੇ ਹਮਲਾ ਕਰ ਕੇ ਗੋਲੀ ਚਲਾ ਦਿੱਤੀ ਗਈ। ਇਸ ਘਟਨਾ ’ਚ ਸਰਪੰਚ ਐਡਵੋਕੇਟ ਨਵਜਿੰਦਰ ਸਿੰਘ ਬੇਦੀ ਦਾ ਵਾਲ- ਵਾਲ ਬਚਾਅ ਹੋ ਗਿਆ। ਘਟਨਾ ਤੋਂ ਬਾਅਦ ਥਾਣਾ ਸਦਰ ਪੁਲਿਸ ਵਲੋਂ ਮਾਮਲੇ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ।

ਜਾਣਕਾਰੀ ਦਿੰਦਿਆਂ ਸਰਪੰਚ ਨਵਜਿੰਦਰ ਸਿੰਘ ਬੇਦੀ ਨੇ ਦੱਸਿਆ ਕਿ ਦੇਰ ਰਾਤ 12 ਵਜੇ ਦੇ ਕਰੀਬ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਪਿੰਡ ਸਲੇਰਨ ਦੇ ਜੰਗਲੀ ਇਲਾਕੇ ’ਚ ਲੱਕੜ ਮਾਫ਼ੀਆ ਖੈਰ ਦੀ ਲੱਕੜ ਚੋਰੀ ਕਰ ਰਿਹਾ ਹੈ ਤੇ ਜਦੋਂ ਉਹ ਜੰਗਲਾਤ ਦੇ ਗਾਰਡ ਨਾਲ ਉਥੇ ਗਏ ਤਾਂ ਮਾਫ਼ੀਏ ਵਲੋਂ ਉਨ੍ਹਾਂ ’ਤੇ ਗੱਡੀ ਚੜ੍ਹਾਉਣ ਦੀ ਕੋਸਿ਼ਸ਼ ਕੀਤੀ ਗਈ। ਜਿਸ ਵਿਚ ਉਨ੍ਹਾਂ ਦਾ ਤਾਂ ਬਚਾਅ ਹੋ ਗਿਆ ਪਰੰਤੂ ਗੱਡੀ ਦਾ ਕਾਫ਼ੀ ਜ਼ਿਆਦਾ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਦੱਸਿਆ ਕਿ ਲੱਕੜ ਮਾਫ਼ੀਏ ਵਲੋਂ ਉਨ੍ਹਾਂ ’ਤੇ ਗੋਲੀ ਵੀ ਚਲਾਈ ਗਈ ਜੋ ਕਿ ਗੱਡੀ ’ਤੇ ਆ ਕੇ ਵੱਜੀ। ਦੂਜੇ ਪਾਸੇ ਥਾਣਾ ਸਦਰ ਪੁਲਿਸ ਮਾਮਲੇ ਦੀ ਪੜਤਾਲ ਕਰ ਰਹੀ ਹੈ।

(For more news apart from timber mafia attacked the village sarpanch in a vehicle and opened fire  In Hoshiarpur News in Punjabi, stay tuned to Rozana Spokesman)