ਵਾਇਰਲ ਹੋ ਰਹੀ ਆਡੀਓ ’ਤੇ ਰਾਜਾ ਵੜਿੰਗ ਦੀ ਸਫ਼ਾਈ
‘‘ਮੈਂ ਇੰਨਾ ਬੇਵਕੂਫ਼ ਨਹੀਂ ਵਿਕਾਸ ਨਾ ਹੋਣ ’ਤੇ ਕਿਸੇ ਨੂੰ ਅਜਿਹੀ ਧਮਕੀ ਦੇਵਾਂ’’
ਆਪਣੇ ਬਿਆਨਾਂ ਕਾਰਨ ਅਕਸਰ ਵਿਵਾਦਾਂ ਵਿਚ ਰਹਿਣ ਵਾਲੇ ਗਿੱਦੜਬਾਹਾ ਤੋਂ ਕਾਂਗਰਸੀ ਵਿਧਾਇਕ ਰਾਜਾ ਵੜਿੰਗ ਹੁਣ ਫਿਰ ਇਕ ਆਡੀਓ ਨੂੰ ਲੈ ਕੇ ਚਰਚਾ ਵਿਚ ਆਏ ਹੋਏ ਹਨ, ਜਿਸ ਵਿਚ ਉਹ ਕਿਸੇ ਕਾਂਗਰਸੀ ਆਗੂ ਨਾਲ ਗੱਲ ਕਰਦੇ ਹੋਏ ਕਿਸੇ ਹੋਰ ’ਤੇ ਪਰਚਾ ਦਰਜ ਕਰਵਾਉਣ ਦੀ ਗੱਲ ਕਰਦੇ ਸੁਣੇ ਜਾ ਰਹੇ ਹਨ ਪਰ ਜਦੋਂ ਰਾਜਾ ਵੜਿੰਗ ਨੂੰ ਵਾਇਰਲ ਹੋ ਰਹੀ ਇਸ ਆਡੀਓ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਮੇਰੀਆਂ ਬਹੁਤ ਸਾਰੀਆਂ ਫੇਕ ਆਡੀਓ-ਵੀਡੀਓ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ।
ਮੈਂ ਇੰਨਾ ਬੇਵਕੂਫ਼ ਨਹੀਂ ਕਿ ਵਿਕਾਸ ਨਾ ਹੋਣ ’ਤੇ ਕਿਸੇ ਨੂੰ ਪਰਚਾ ਕਰਨ ਦੀ ਧਮਕੀ ਦੇਵਾਂ। ਦਰਅਸਲ ਵਾਇਰਲ ਹੋ ਰਹੀ ਆਡੀਓ ਵਿਚ ਰਾਜਾ ਵੜਿੰਗ ਕਥਿਤ ਤੌਰ ’ਤੇ ਇਕ ਕਾਂਗਰਸੀ ਆਗੂ ਨਾਲ ਗੱਲ ਕਰ ਰਹੇ ਨੇ, ਜਿਸ ਵਿਚ ਕਾਂਗਰਸੀ ਆਗੂ ਰਾਜਾ ਵੜਿੰਗ ਨੂੰ ਕਿਸੇ ਹੋਰ ਆਗੂ ’ਤੇ ਪਰਚਾ ਨਾ ਕਰਨ ਦੀ ਗੱਲ ਆਖ ਰਿਹਾ ਹੈ। ਇਸ ਆਡੀਉ ਵਿਚ ਵਿਅਕਤੀ ਵੱਲੋਂ ਤਰਲਾ ਕੀਤਾ ਜਾ ਰਿਹਾ ਹੈ ਕਿ ਉਹ ਕੋਈ ਕਾਰਵਾਈ ਨਾ ਕਰਨ।
ਇਸ ਆਡੀਓ ਵਿਚਲੀ ਆਵਾਜ਼ ਰਾਜਾ ਵੜਿੰਗ ਦੀ ਹੈ ਜਾਂ ਨਹੀਂ। ਸਪੋਕਸਮੈਨ ਇਸ ਦੀ ਪੁਸ਼ਟੀ ਨਹੀਂ ਕਰਦਾ ਪਰ ਇਸ ਆਡੀਓ ਨਾਲ ਰਾਜਾ ਵੜਿੰਗ ਇਕ ਵਾਰ ਫਿਰ ਸੁਰਖ਼ੀਆਂ ਵਿਚ ਆ ਗਏ ਹਨ ਪਰ ਹੁਣ ਉਨ੍ਹਾਂ ਨੇ ਇਸ ਆਡੀਓ ’ਤੇ ਸਫ਼ਾਈ ਦਿੰਦਿਆਂ ਸਾਫ਼ ਕਰ ਦਿੱਤਾ ਏ ਕਿ ਉਨ੍ਹਾਂ ਨੇ ਕਿਸੇ ਨੂੰ ਅਜਿਹਾ ਕੁੱਝ ਨਹੀਂ ਆਖਿਆ ਜੋ ਆਡੀਓ ਵਿਚ ਕਿਹਾ ਜਾ ਰਿਹ ਹੈ।
ਉਹਨਾਂ ਅੱਗੇ ਕਿਹਾ ਕਿ ਜੇ ਕੋਈ ਉਹਨਾਂ ਨੂੰ ਗਲਤ ਬੋਲਦਾ ਹੈ ਤਾਂ ਉਹ ਉਸ ਨੂੰ ਰੋਕ ਸਕਦੇ ਹਨ ਪਰ ਇਸ ਤਰ੍ਹਾਂ ਗੱਲ ਨਹੀਂ ਕਰ ਸਕਦੇ। ਰਾਜਾ ਵੜਿੰਗ ਨੇ ਇਕ ਵਾਰ ਤਾਂ ਇਸ ਤੋਂ ਪੱਲਾ ਝਾੜ ਲਿਆ ਹੈ। ਪਰ ਸੱਚ ਅਜੇ ਸਾਹਮਣੇ ਨਹੀਂ ਆਇਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।