ਦਿਨ-ਦਿਹਾੜੇ ਜਿੰਦੇ ਤੋੜ ਕੇ ਦਿਤਾ ਵਾਰਦਾਤ ਨੂੰ ਅੰਜਾਮ

Police investigating crime Scene

ਲੁਧਿਆਣਾ : ਪੁਲਿਸ ਥਾਣਾਂ ਸਾਹਨੇਵਾਲ ਅਧੀਨ  ਆਂਉਦੇ ਇਲਾਕੇ  ਅੰਦਰ ਚੋਰਾਂ ਦੇ ਹੌਂਸਲੇ ਇਸ ਕਦਰ ਬੁਲੰਦ ਹਨ ਕਿ ਸਥਾਨਕ ਗਣਪਤੀ ਕਲੋਨੀ ਵਿਚ ਚੋਰ ਦਿਨ ਦਿਹਾੜੇ ਹੀ ਇਕ ਘਰ ਵਿਚ ਨਗਰੀ, ਗਹਿਣੇ ਅਤੇ ਕਾਗਜ਼ਾਤ ਲੈ ਗਏ। ਜਾਣਕਾਰੀ ਦਿੰਦੇ ਵਿਜੈ ਕੁਮਾਰ ਪੁੱਤਰ ਸਾਧੂ ਰਾਮ ਵਾਸੀ ਗਣਪਤੀ ਕਲੋਨੀ ਵਾਰਡ ਨੰਬਰ 10 ਨੰਦਪੁਰ ਸਾਹਨੇਵਾਲ ਨੇ ਦਸਿਆ ਕਿ ਉਸ ਦਾ ਪੁੱਤਰ ਅਤੇ ਨੰਹੂ ਸਵੇਰੇ 11 ਵੱਜੇ ਚੰਡੀਗੜ੍ਹ ਵਿਖੇ ਕਨੇਡਾ ਲਈ ਅਪਣੀ  ਫ਼ਾਈਲ ਲੈ ਕੇ ਗਏ ਸਨ

ਜਿਸ ਕਰ ਕੇ ਮੈਂ ਘਰ 'ਚ ਇੱਕਲਾ ਸੀ ਅਤੇ 3 ਵਜੇ ਦੇ ਕਰੀਬ ਕੱਪੜੇ ਪ੍ਰੈਸ ਕਰਵਾਉਣ ਲਈ ਗਿਆ ਸੀ। ਜਦੋਂ ਮੈਂ ਕਰੀਬ 4 ਵਜੇ ਵਾਪਸ ਆਇਆ ਤਾਂ ਘਰ ਦੇ ਮੁੱਖ ਗੇਟ ਦਾ ਤਾਲਾ ਟੁਟਿਆ ਹੋਇਆ ਸੀ ਅਤੇ ਅੰਦਰ ਸਮਾਨ ਖਿਲਰਿਆ ਪਿਆ ਸੀ, ਜਿਸ ਤੋਂ ਬਆਦ ਮੈਂ ਤੁਰਤ ਪੁਲਿਸ ਨੂੰ ਸੂਚਨਾ ਦਿਤੀ। ਉਨ੍ਹਾਂ ਦਸਿਆ ਕਿ ਚੋਰ ਜਾਂਦੇ ਹੋਏ 15 ਹਜ਼ਾਰ ਦੀ ਨਕਦੀ ਕੁਝ ਸੋਨੇ ਦੇ ਗਹਿਣੇ ਅਤੇ ਮਕਾਨ ਦੇ ਕਾਗਜਾਤ ਲੈ ਗਏ। ਇਸ ਸਬੰਧੀ ਮੌਕੇ 'ਤੇ ਪਾਹੁੰਚੇ ਪੁਲਿਸ ਮੁਲਾਜਮਾਂ ਨੇ ਦਸਿਆ ਕਿ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।