ਭੂਤਾਂ ਨਾਲ ਜੋੜ ਕੇ ਵਾਇਰਲ ਕੀਤੇ ਜਾ ਰਹੇ ਝੂਲੇ ਦਾ ਅਸਲ ਆਇਆ ਸਾਹਮਣੇ

Jhansi Gym Equipment Viral Video Social Media

ਚੰਡੀਗੜ੍ਹ: ਅਕਸਰ ਹੀ ਲੋਕਾਂ ਵਿਚ ਭੂਤਾਂ ਪਰੇਤਾਂ ਨੂੰ ਲੈ ਕੇ ਵਹਿਮ ਭਰਮ ਪਾਏ ਜਾਂਦੇ ਹਨ। ਪਰ ਕੁੱਝ ਤੱਥਾਂ ਨਾਲ ਉਹਨਾਂ ਦੇ ਵਹਿਮ ਭਰਮ ਦੂਰ ਵੀ ਕੀਤੇ ਜਾ ਸਕਦੇ ਹਨ। ਇਕ ਵੀਡੀਉ ਸੋਸ਼ਲ ਮੀਡੀਆ ਤੇ ਬੜੀ ਤੇਜ਼ੀ ਨਾਲ ਚਰਚਾ ਦਾ ਹਿੱਸਾ ਬਣੀ ਹੋਈ ਹੈ। ਇਸ ਵੀਡੀਉ ਵਿਚ ਇਕ ਪਾਰਕ ਦਿਖਾਈ ਗਈ ਹੈ ਜਿੱਥੇ ਕਿ ਇਕ ਹਰੇ ਰੰਗ ਦਾ ਝੂਲਾ ਲੱਗਿਆ ਹੋਇਆ ਹੈ ਅਤੇ ਇਸ ਝੂਲੇ ਦੇ ਆਲੇ ਦੁਆਲੇ ਬਹੁਤ ਸਾਰੇ ਪੁਲਿਸ ਅਫ਼ਸਰ ਖੜੇ ਹੋਏ ਹਨ।

ਇਹ ਝੂਲਾ ਅਪਣੇ ਆਪ ਹਿਲਦਾ ਦਿਖਾਇ ਗਿਆ ਹੈ। ਇਸ ਨੂੰ ਇਹ ਕਹਿ ਕੇ ਵਾਇਰਲ ਕੀਤਾ ਜਾ ਰਿਹਾ ਹੈ ਕਿ ਇਸ ਝੂਲੇ ਵਿਚ ਭੂਤ ਆਇਆ ਹੈ ਤੇ ਉਹ ਇਸ ਝੂਲੇ ਨੂੰ ਚਲਾ ਰਿਹਾ ਹੈ ਤੇ ਹੋਰ ਕਈ ਅਫਵਾਹਾਂ ਇਸ ਵੀਡੀਉ ਨਾਲ ਜੋੜ ਕੇ ਇਸ ਨੂੰ ਪੇਸ਼ ਕੀਤਾ ਗਿਆ ਹੈ। ਇਸ ਵੀਡੀਉ ਬਾਰੇ ਸਪੋਕਸਮੈਨ ਟੀਮ ਵੱਲੋਂ ਸੱਚਾਈ ਜਾਣਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਇਸ ਵੀਡੀਉ ਬਾਰੇ ਇਹ ਕਿਹਾ ਜਾ ਰਿਹਾ ਹੈ ਦਿੱਲੀ ਦੇ ਜਪਾਨੀ ਬਾਗ ਵਿਚ ਵੀਡੀਉ ਸ਼ੂਟ ਕੀਤੀ ਗਈ ਹੈ।

ਇਸ ਵੀਡੀਉ ਦਾ ਦਿੱਲੀ ਦੇ ਬਾਗ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਅਸਲ ਵਿਚ ਇਹ ਵੀਡੀਉ ਉੱਤਰ ਪ੍ਰਦੇਸ਼ ਦੇ ਝਾਂਸੀ ਦੀ ਹੈ। ਉੱਥੋਂ ਦੇ ਮੀਡੀਆ ਸੈਲ ਨੇ ਸਪੋਕਸਮੈਨ ਟੀਮ ਨੂੰ ਇਸ ਵੀਡੀਉ ਬਾਰੇ ਪੂਰੀ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਇਹ ਝੂਲੇ ਨਵੇਂ ਲਗਾਏ ਸੀ ਤੇ ਨਵੇਂ ਝੂਲੇ ਲਗਾਉਣ ਕਰ ਕੇ ਇਹਨਾਂ ਨੂੰ ਗ੍ਰੀਸ ਲਗਾਈ ਹੋਈ ਸੀ।

ਉਹਨਾਂ ਅੱਗੇ ਦਸਿਆ ਕਿ ਕੋਈ ਸ਼ਰਾਰਤੀ ਵਿਅਕਤੀ ਹੈ ਜਿਸ ਨੇ ਝੂਲੇ ਨੂੰ ਸਿਰਫ ਇਕ ਵਾਰ ਹਲਾਇਆ ਤੇ ਗ੍ਰੀਸ ਜ਼ਿਆਦਾ ਲੱਗਿਆ ਹੋਣ ਕਰ ਕੇ ਝੂਲਾ 30 ਤੋਂ 40 ਸੈਕਿੰਡ ਤਕ ਅਪਣੇ ਆਪ ਹੀ ਚਲਦਾ ਰਹਿੰਦਾ ਹੈ। 30 ਤੋਂ 40 ਸੈਕਿੰਡ ਤਕ ਜਦੋਂ ਝੂਲਾ ਚਲ ਰਿਹਾ ਸੀ ਤਾਂ ਉਸ ਵਿਅਕਤੀ ਨੇ ਕੋਲ ਖੜ ਕੇ ਵੀਡੀਉ ਬਣਾਈ ਤੇ ਵੀਡੀਉ ਬਣਾਉਣ ਤੋਂ ਬਾਅਦ ਉਸ ਨੂੰ ਸੋਸ਼ਲ ਮੀਡੀਆ ਤੇ ਵਾਇਰਲ ਕਰ ਦਿੱਤਾ।

ਵੀਡੀਉ ਨੂੰ ਵਾਇਰਲ ਕਰ ਕੇ ਇਹ ਦਸਿਆ ਗਿਆ ਕਿ ਝਾਂਸੀ ਦੇ ਇਸ ਪਾਰਕ ਵਿਚ ਭੂਤ ਆ ਗਿਆ ਹੈ ਤੇ ਭੂਤ ਹੀ ਇਸ ਝੂਲੇ ਨੂੰ ਚਲਾ ਰਿਹਾ ਹੈ। ਇਸ ਪਾਰਕ ਦਾ ਨਾਮ ਕਾਂਸ਼ੀਰਾਮ ਪਾਰਕ ਹੈ ਤੇ ਇਹ ਝਾਂਸੀ ਵਿਚ ਸਥਿਤ ਹੈ। ਇਸ ਵੀਡੀਉ ਦੀ ਸੀਓਸੇਟੀ ਨੇ ਇਸ ਵੀਡੀਉ ਦੀ ਜਾਂਚ ਕਰਨੀ ਚਾਹੀ ਤੇ ਪੁਲਿਸ ਅਧਿਕਾਰੀਆਂ ਨੂੰ ਉੱਥੇ ਭੇਜਿਆ।

ਜਿਹੜੇ ਪੁਲਿਸ ਅਧਿਕਾਰੀ ਇਹ ਵੀਡੀਉ ਬਣਾ ਰਹੇ ਹਨ ਉਹਨਾਂ ਨੇ ਇਸ ਵੀਡੀਉ ਦਾ ਟੈਸਟ ਕੀਤਾ। ਉਹਨਾਂ ਨੇ ਝੂਲੇ ਨੂੰ ਇਕ ਵਾਰ ਹਲਾਇਆ ਤੇ ਇਸ ਦੀ ਵੀਡੀਉ ਬਣਾਈ। ਪੁਲਿਸ ਦੇ ਆਫੀਸ਼ੀਅਲ ਟਵਿੱਟਰ ਅਕਾਉਂਟ ਤੇ ਇਹ ਦਸਿਆ ਗਿਆ ਹੈ ਕਿ ਇਹ ਵੀਡੀਉ ਨਕਲੀ ਹੈ ਤੇ ਇਸ ਵੀਡੀਉ ਸਬੰਧ ਕਿਤੇ ਭੂਤ ਨਾਲ ਨਹੀਂ ਹੈ।