ਸਵੀਡਨ ਦੀ ਪ੍ਰਧਾਨ ਮੰਤਰੀ ਐਂਡਰਸਨ ਨੇ ਦਿਤਾ ਅਸਤੀਫ਼ਾ

ਕੋਪੇਨਹੇਗਨ, 15 ਸਤੰਬਰ : ਸਵੀਡਨ ਦੀ ਪ੍ਰਧਾਨ ਮੰਤਰੀ ਮੈਗਡੇਲੇਨਾ ਐਂਡਰਸਨ ਨੇ ਵੀਰਵਾਰ ਨੂੰ  ਇਕ ਸੱਜੇ ਪੱਖੀ ਸਮੂਹ ਦੇ ਦੇਸ਼ ਦੀ ਸੰਸਦ 'ਚ ਸਾਧਾਰਨ ਬਹੁਮਤ ਹਾਸਲ ਕਰਨ ਤੋਂ ਬਾਅਦ ਅਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿਤਾ ਹੈ | ਐਂਡਰਸਨ ਨੇ ਸਵੀਡਨ ਦੀ 349 ਸੀਟਾਂ ਵਾਲੀ ਰਿਕਸਡੈਗ ਦੇ ਚੇਅਰਮੈਨ ਐਂਡਰਿਆਸ ਮੋਰਲੇਨ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੂੰ  ਰਸਮੀ ਤੌਰ 'ਤੇ ਅਪਣੇ ਅਸਤੀਫੇ ਦੀ ਜਾਣਕਾਰੀ ਦਿਤੀ | ਨਵੀਂ ਸਰਕਾਰ ਬਣਨ ਤਕ ਐਂਡਰਸਨ ਕਾਰਜਕਾਰੀ ਪ੍ਰਧਾਨ ਮੰਤਰੀ ਬਣੀ ਰਹੇਗੀ | ਉਮੀਦ ਹੈ ਕਿ ਨੋਰਲੇਨ ਮੱਧ-ਸੱਜੇ ਪੱਖੀ ਮੋਡਰੇਟ ਪਾਰਟੀ ਦੇ ਨੇਤਾ ਉਲਫ ਕਿ੍ਸਟਰਸਨ ਨੂੰ  ਗਵਰਨਿੰਗ ਗੱਠਜੋੜ ਬਣਾਉਣ ਦੀ ਕੋਸ਼ਿਸ਼ ਕਰਨ ਲਈ ਕਹਿਣਗੇ | ਐਤਵਾਰ ਦੀਆਂ ਆਮ ਚੋਣਾਂ ਤੋਂ ਬਾਅਦ, ਸੱਜੇ-ਪੱਖੀ ਬਲਾਕ ਕੋਲ 176 ਸੀਟਾਂ ਹਨ, ਜਦੋਂ ਕਿ ਸੋਸ਼ਲ ਡੈਮੋਕਰੇਟਸ ਵਾਲੇ ਮੱਧ-ਖੱਬੇ ਪੱਖੀ ਬਲਾਕ ਕੋਲ 173 ਸੀਟਾਂ ਹਨ |      (ਏਜੰਸੀ)
ਬੁੱਧਵਾਰ ਨੂੰ  99.9 ਫ਼ੀ ਸਦੀ ਵੋਟਾਂ ਦੀ ਗਿਣਤੀ ਹੋਣ ਜਾਣ ਤੋਂ ਬਾਅਦ ਐਂਡਰਸਨ ਨੇ ਹਾਰ ਮੰਨ ਲਈ |     (ਏਜੰਸੀ)